20/03/2020
201_ оны __ дугаар сарын __-ны өдөр № Улаанбаатар хот
Энэхүү АЖИЛ ГҮЙЦЭТГЭХ ГЭРЭЭ (цаашид “Гэрээ” гэнэ)-г нэг талаас ____________________________ (цаашид “Захиалагч” гэнэ), нөгөө талаас ________________________ (цаашид “Ажил гүйцэтгэгч” гэнэ) (цаашид хамтад нь “Талууд”, тус тусад нь “Тал” гэнэ) нар Монгол улсын Иргэний хуулийн 343 дугаар зүйл болон холбогдох бусад хууль тогтоомж, дүрэм, журмыг удирдлага болгон дараах нөхцлийг харилцан тохиролцон байгуулав.
Гэрээний зүйл: Ажлын үр дүн
Ажлын нэр:
Ажил үйлчилгээний төлбөр:
Гэрээний хугацаа:
1.Нийтлэг заалт
1.1 Энэхүү гэрээгээр Ажил гүйцэтгэгч нь Захиалагчийн даалгаврын дагуу, __________________________ ажлыг гэрээнд заасан хугацаанд, чанарын өндөр түвшинд хийж гүйцэтгэн Захиалагчийн өмчлөлд шилжүүлэх, ажлын гүйцэтгэлийн талаар Захиалагчийн эрх бүхий албан тушаалтанд тайлагнах, нөгөө талаас Захиалагч нь гэрээнд заасан хугацаанд төлбөрийг төлөх, талуудын эдлэх эрх, хүлээх үүрэг хариуцлагатай холбоотой харилцааг зохицуулна.
1.2 Энэхүү гэрээнд зохицуулагдаагүй харилцааг Монгол Улсын Иргэний хууль болон холбогдох бусад хууль тогтоомжоор зохицуулна.
2.Гэрээний хугацаа
2.1Энэхүү Гэрээ нь 201_ оны ___ дүгээр сарын ___-ний өдрөөс 201_ оны __ дугаар сарын __-ны өдрийг дуустал __ сарын /жилийн/ хугацаатай байна.
2.2Гэнэтийн болон давагдашгүй хүчний шинжтэй нөхцөл байдлын улмаас Ажил гүйцэтгэгч нь ажлыг хугацаанд нь гүйцэтгэж чадахгүйд хүрвэл Захиалагчид нэн даруй мэдэгдэж Захиалагч нь нэмэлт хугацаа тогтоож өгнө.
3.Ажил үйлчилгээний төлбөр
3.1Гэрээгээр гүйцэтгэх ажлын үйлчилгээний төлбөр нийт _________________ (______________________________) төгрөг байна (Үүнд НӨАТ орсон болно).
3.2Ажил гүйцэтгэгч нь гүйцэтгэвэл зохих нийт ажил үйлчилгээг бүрэн гүйцэтгэж Захиалагчид ажлын үр дүнг хүлээлгэн өгч тайлагнах бөгөөд Захиалагч ажлыг үр дүнг хүлээн авсанаас хойш ажлын ___ хоногийн дотор ажил үйлчилгээний төлбөрийн Ажил гүйцэтгэгчийн _______________ банкны __________________ тоот дансанд шилжүүлнэ.
4.Захиалагчийн эрх, үүрэг
4.1 Ажил гүйцэтгэгчийг ажлын даалгавар болон шаардлагатай мэдээллээр хангах үүрэгтэй.
4.2 Гэрээнд заасан хугацаа болон ажлын үр дүнг хүлээн авмагц ажил үйлчилгээний төлбөрийг төлөх үүрэгтэй.
4.3 Гүйцэтгэсэн ажлын үр дүнг гэрээнд заасан хугацаанд хүлээн авах үүрэгтэй.
4.4 Захиалагч нь ажлын үр дүнг хүлээн авсанаас хойших аливаа эрсдэлийг дангаар хариуцах үүрэгтэй.
4.5 Ажил гүйцэтгэгч нь гэрээгээр хүлээсэн ажил, үүргээ зөрчиж ноцтой алдаа, дутагдал гаргасан болон хугацаа алдсан тохиолдолд Захиалагч нь энэхүү гэрээг нэг талын санаачлагаар цуцлах ба өөрт учирсан хохирлоо нөхөн төлүүлэх эрхтэй.
4.6 Захиалагч нь баталгаат хугацааны (_ сар/жил) дотор ажлын үр дүнд доголдол илэрсэн тохиолдолд тухайн доголдолыг арилгуулахаар Ажил гүйцэтгүүлэгчээс шаардах эрхтэй.
4.7Гүйцэтгэсэн ажлын үр дүн доголдолтой бол ажил гүйцэтгэгчийн зардалаар уг доголдлыг арилгуулах, эсхүл ажлыг шинээр гүйцэтгүүлэхээр шаардах эрхтэй.
5.Ажил гүйцэтгэгчийн эрх, үүрэг
5.1 Гэрээгээр хүлээсэн ажил, үүргийг холбогдох хууль тогтоомж, дүрэм, журам, заавар, стандартын дагуу мэргэжлийн өндөр түвшинд хийж гүйцэтгэн гэрээнд заасан хугацаанд нь Захиалагчид хүлээлгэн өгөх үүрэгтэй.
5.2 Гүйцэтгэсэн ажлын үр дүнг Захиалагчид хүлээлгэн өгөхөөс өмнө ажлын үр дүнд учирч болох эрсдэлийг дангаар хариуцах үүрэгтэй.
5.3 Гэрээгээр хүлээсэн ажил, үүргийг биечлэн гүйцэтгэх үүрэгтэй.
5.4 Дараахь тохиолдолд Захиалагчид нэн даруй мэдэгдэх үүрэгтэй:
Ажил гүйцэтгүүлэхээр Захиалагчийн өгсөн зааварчилгаа, даалгавар нь ажлын чанар, үр дүнд муугаар нөлөөлөхөөр байвал;
Ажлын чанар, үр дүнд муугаар нөлөөлөхөөр, ажил гүйцэтгэгчээс үл хамаарах ямар нэгэн нөхцөл байдал бий болсон.
5.5 Ажил гүйцэтгэгч нь энэхүү гэрээнд заасан үүргээ биелүүлээгүйгээс Захиалагч болон гуравдагч этгээдэд учирсан аливаа хохирлыг дангаар хариуцан арилгах үүрэгтэй.
5.6 Захиалагчид өмчлөлд ямар нэгэн доголдолгүй үр дүн шилжүүлэх үүрэгтэй.
5.7 Ажлын үр дүн доголдолыг арилгахад шаардагдах зардлыг хариуцах үүрэгтэй.
5.8 Ажил гүйцэтгэгч нь ажил үйлчилгээний төлбөрийг гэрээнд заасаны дагуу шаардах эрхтэй.
5.9 Ажил үйлчилгээний даалгаварын талаархи аливаа мэдээллээр хангагдах эрхтэй.
Талуудын хүлээх хариуцлага
Талууд энэхүү гэрээнд заасан хугацаанд үүргээ гүйцэтгээгүй эсвэл зохих ёсоор гүйцэтгээгүй тохиолдолд хугацаа хэтрүүлсэн хоног тутамд гүйцэтгээгүй ажлын үнийн дүнгийн 0,1 хувьтай тэнцэх алданги төлнө.
Хэрэв талуудын хооронд маргаан гарвал талууд эвийн журмаар шийдвэрлэх ба маргаанаа шийдвэрлэж чадахгүйд хүрвэл Улаанбаатар хотын Худалдааны Танхимын дэргэдэх Арбитраар эцэслэн шийдвэрлүүлэх бөгөөд маргааныг 3 арбитрчийн бүрэлдэхүүнтэйгээр шийдвэрлүүлнэ.
Бусад заалт
Талууд энэхүү гэрээнд гарын үсэг зурснаар хүчин төгөлдөр болно.
Талууд Гэрээнд нэмэлт, өөрчлөлт оруулж болно.
Гэрээний нэмэлт, өөрчлөлт нь зөвхөн бичгээр хийгдэж талууд гарын үсэг зурсанаар хүчин төгөлдөр болно.
Учруулсан хохирлыг арилгахтай холбогдсон асуудлаар 2 тал харилцан тохиролцож хууль, тогтоомжид заасан үндэслэлээр гэрээг хугацаанаас нь өмнө цуцалж болно.
Талууд
Захиалагч: Ажил гүйцэтгэгч:
Гарын үсэг__________________ Гарын үсэг_________________
Хаяг ________________________ Хаяг______________________
_____________________________ __________________________
Утас________________________ Утас _____________________
/Тамга тэмдэг/ /Тамга тэмдэг/
