15/09/2026
TQCSI Mongolia-н төлөөлөл өнөөдөр зохион байгуулагдсан “Кибер сөрөн тэсвэрлэх чадамжийг бэхжүүлэхэд ISAC тогтолцооны гүйцэтгэх үүрэг, ач холбогдол” сэдэвт хуралдаанд Кибер аюулгүй байдлын үндэсний зөвлөлийн урилгаар оролцлоо.
Хуралдаанаар Монгол Улсын кибер аюулгүй байдлын өнөөгийн нөхцөл байдал, ISAC тогтолцооны ач холбогдол, Японы Transportation ISAC-ийн туршлага, мөн кибер аюулгүй байдлын салбарт байгууллага, мэргэжилтнүүд хэрхэн хамтран ажиллах талаар сонирхолтой илтгэл, туршлагуудыг хуваалцлаа.
Эндээс хамгийн их анхаарал татсан зүйл нь кибер аюулгүй байдлыг нэг байгууллага дангаараа шийдэх боломжгүй гэдэг санаа байв.
Байгууллагууд хоорондоо мэдээлэл, туршлагаа хуваалцах, харилцан итгэлцэл бий болгох, мэргэжилтнүүдээ хөгжүүлэх, нэгдсэн бодлого, стандартын дагуу ажиллах нь кибер эрсдэлийг даван туулах чадварыг илүү хүчтэй болгодог.
Нөгөө талаас олон байгууллага мэдээллийн аюулгүй байдалдаа анхаарах ёстойгоо мэддэг ч “Тэгээд яг хаанаас эхлэх вэ?” гэдэг дээр эргэлздэг.
Энэ тохиолдолд ISO/IEC 27001:2022 стандартыг байгууллагын үйл ажиллагаандаа нэвтрүүлж, хөндлөнгийн байгууллагаар аудитлуулах нь бас нэгэн эхлэлийн цэг байж болох юм.
Учир нь ISO/IEC 27001 нь зөвхөн шинэ программ, хамгаалалтын систем авах тухай биш. Харин байгууллага өөрийн мэдээллийн эрсдэлээ тодорхойлж, хэн ямар хариуцлага хүлээх, ямар бодлого, процессоор ажиллах, эрсдэл гарсан үед хэрхэн хариу арга хэмжээ авах зэрэг асуудлыг нэг тогтолцоо болгон удирдах боломжийг бүрдүүлдэг.
Мэдээллийн аюулгүй байдлын эрсдэлийг 100% арилгах боломжгүй.
Харин эрсдэлээ мэддэг, түүндээ бэлтгэлтэй, асуудал үүссэн үед хурдан хариу арга хэмжээ авч, үйл ажиллагаагаа сэргээж чаддаг байгууллага болох боломжтой.
Мэдээллийн аюулгүй байдлаа хаанаас эхлэхээ мэдэхгүй байгаа бол ISO/IEC 27001-ээс эхэлж болно.
