Булигаар ХК

11/07/2026

🇲🇳🇲🇳🇲🇳 МЭНДЧИЛГЭЭ

Тулгар төрийн байгуулагдсаны 2235 жил, Их Монгол Улс байгуулагдсаны түүхт 820 жил, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын яруу алдарт 105 жилийн ойн баярын мэндийг та бүхэндээ өргөн дэвшүүлье.

Есөн эрдэнийн гоёлоор баярын жавхааг нэмж
Есөн хөлт цагаан тугаа хоймор юугаан залж
Есөн цагаан хүслээ цацал болгон өргөж
Есөн есөн бэлэгтэй Монгол түмэн минь сайхан наадаарай 🇲🇳🏹🏇🏼

09/07/2026

📌Үндэсний их баяр наадмын амралтын хуваарийг танилцуулж байна.
Төв болон салбар дэлгүүр нь 2026.07.10-2026.08.02-ны өдрийг дуустал амрах бөгөөд 2026.08.03-ны өдрөөс цагийн хуваарийн дагуу хэвийн ажиллана.
Төв дэлгүүрийн цагийн хуваарь:
⏰Даваа-Баасан 08:00-17:00
Бямба 09:00-14:00
Ням гарагт амарна.
13-ын салбар дэлгүүрийн цагийн хуваарь:
⏰Мягмар-Ням 09:00-18:00
Даваа гарагт амарна. See less

08/07/2026

📌📌📌 ОНЦЛОХ МЭДЭЭ

"Хан-Уул" дүүргийн Засаг дарга Б.Цэрэн, дүүргийн "Жижиг дунд үйлдвэрлэлийг дэмжих төв"-ийн дарга Т.Рэгзэдмаа нар Булигаар ХК-ийн үйлдвэрлэл, үйл ажиллагаатай танилцан цаашид хамтран ажиллах талаар санал солилцлоо.

Та бүхэндээ ажлын өндөр амжилт хүсье. 🤝🤝

02/07/2026

“Байгалийн нөөцийн химийн судалгаа ба ашиглалт” олон улсын эрдэм шинжилгээний 6 дугаар хуралд Булигаар ХК нь ивээн тэтгэгч байгууллагаар оролцож байна. Хурлын зохион байгуулагч Химийн хүрээлэнгийн хамт олондоо баяр хүргэж амжилт хүсье.

01/07/2026

📌📌📌 ОНЦЛОХ МЭДЭЭ

НҮБ-ын Хүнс, хөдөө аж ахуйн байгууллага, Хүнс, хөдөө аж ахуй, хөнгөн үйлдвэрийн яам, Экспорт олон улсын худалдааны төвөөс хамтран зохион байгуулж буй салбарын тогтвортой хөрөнгө оруулалтыг нэмэгдүүлэх, экспортын өрсөлдөх чадварыг дээшлүүлэх, инноваци болон олон улсын хамтын ажиллагааг шинэ түвшинд гаргах зорилготой “Хүнс, хөдөө аж ахуй, хөнгөн үйлдвэрийн хөрөнгө оруулалтын форум”-ын хүрээнд
- БНТУ-ын элчин сайдын яамны худалдааны зөвлөх Kadir Ceryan
- “МонСертф” ХХК-ийн Бүтээгдэхүүн, үйлчилгээний баталгаажуулалтын газрын дарга Б.Лхагвамаа
- “Прайм Фийлд Хаб” ХХК-ийн Дорнод аймгийн мах үйлдвэрлэх газрын захирал Д.Даваасүрэн
- “Зузу” ХХК-ийн үүсгэн байгуулагч Э.Найдан
- “Монгол Галерей” гадаад худалдааны төвийн захирал А.Бадамцэцэг
- ХХААХҮ-ийн яамны Хөнгөн үйлдвэрийн бодлогын хэрэгжилтийг зохицуулах газрын ахлах мэргэжилтэн Ш.Цэнд-Аюуш нар “Булигаар” ХК-ийн үйлдвэрлэл үйл ажиллагаатай танилцан хамтын ажиллагааг өргөжүүлэх, хөрөнгө оруулалт татах, экспортын боломжийг нэмэгдүүлэх, салбарын цаашдын хөгжлийн талаар хэлэлцүүлэг өрнүүлж санал солилцлоо.

Салбарын хамт олондоо талархал илэрхийлж, ажлын өндөр амжилт хүсье. 🤝🤝🤝

29/06/2026

📌📌“FULL GRAIN ANILINE” АРЬСНЫ ЗАХИАЛГЫГ АМЖИЛТТАЙ ГҮЙЦЭТГЭЛЭЭ.

✅Манай компани нь бүтээгдэхүүн хөгжүүлэлт, нэр төрлийг нэмэгдүүлэх ажлын хүрээнд “Мэргэн тур” ХХК компанийн захиалгаар цүнх жижиг эдлэл, гоёлын гутал хийх зориулалттай “Full grain aniline” арьс хийх ажлыг амжилттай гүйцэтгэж захиалагчид хүлээлгэн өглөө.

✅“Full grain aniline” гэдэг нь хамгийн дээд зэргийн чанартай арьс бөгөөд гэрэл сүүдрээс шалтгаалж өнгө нь хувирч харагддаг, арьсны өвөрмөц шинж чанарыг байгаагаар нь хадгалж дахин давтагдашгүй тансаг зэрэглэлийн арьсан эдлэл хийх боломжтой нэр төрлийн арьс юм.

24/06/2026

📌ОНЦЛОХ МЭДЭЭ

✅ Худалдаа хөгжлийн банкны ТУЗ-ийн дарга, Монголын Бизнесийн Зөвлөлийн ТУЗ-ийн дэд дарга, COP17 Business4Land Advisory Council-ийн дарга Randolph S. Koppa, НҮБ-ын Аж үйлдвэр хөгжлийн байгууллага (UNIDO)-ын Монгол дахь Хөтөлбөрийн зохицуулагч Г.Мөнхболор, Монголын Арьс Ширний Үйлдвэрлэлийн Холбооны Ерөнхийлөгч А.Даваасүрэн нар "Булигаар" ХК-ийн үйлдвэрлэл үйл ажиллагаатай танилцан арьс ширний үйлдвэрлэлийн тогтвортой хөгжил, COP17, түүхий эдийн бүрэн ашиглалт, байгаль орчинд ээлтэй нэмүү өртөг шингэсэн бүтээгдэхүүн үйлдвэрлэл болон олон улсын зах зээл дэх өрсөлдөх чадварын талаар санал солилцлоо.

✅ Мал аж ахуйн гаралтай түүхий эдийг бүрэн ашиглах, хог хаягдлыг бууруулах, тойрог эдийн засгийг хөгжүүлэхэд арьс ширний салбар чухал үүрэг гүйцэтгэдэг бөгөөд тогтвортой хөгжлийн зорилтуудтай нягт уялддаг салбар юм.

✅ "Булигаар" ХК нь 1934 оноос хойш Монгол улсын арьс ширний үйлдвэрлэлийн хөгжилд хувь нэмрээ оруулж ирсэн бөгөөд цаашид тогтвортой хөгжил, инноваци, олон улсын хамтын ажиллагааг дэмжин ажиллах болно.

18/06/2026