Хуулийн зөвлөгөө

Хуулийн зөвлөгөө Хууль эрх зүйн зөвлөгөө / Өмгөөллийн үйлчилгээ

Танд анхан шатны зөвлөгөөг энэхүү хуудсаараа дамжуулан өгөх ба хэрэв албан ёсоор хандсан тохиолдолд төлбөртэй зөвлөгөө өгөхөөс гадна, таны хүсэлтээр гэрээний дагуу хууль зүйн туслалцаа, өмгөөллийн үйлчилгээ үзүүлж хамтран ажиллахдаа баяртай байх болно.
Бид мэргэжлийн мэргэшсэн багаар ажиллаж таны эрх, хууль ёсны ашиг сонирхолыг бүх шатны хууль хяналтын байгууллагад төлөөлж ажиллахад бэлэн байна.


Монголын Хуульчдын холбоо, Монголын Өмгөөлөгчдийн холбооны гишүүн, өмгөөлөгч: Т.Гүрбадам(Хууль зүйн ухааны магистр)

30/05/2026

Монгол Улсын шүүхийн тухай хуулийн 36 дугаар зүйлийн 36.7 дахь хэсгийн “Улсын дээд шүүхийн Ерөнхий шүүгчийг Улсын дээд шүүх санал болгосноос хойш Ерөнхийлөгч 14 хоногийн дотор зургаан жилийн хугацаагаар, зөвхөн нэг удаа томилно.” гэсэн заалтын “… зөвхөн нэг удаа …” гэсэн хэсгийг хүчингүй болгож шийдвэрлэсэн Үндсэн хуулийн цэцийн 2026 оны 03 дугаар тогтоол бүрэн эхээрээ Легал датад байршлаа.
https://legaldata.mn/tsets/shiidver/view/37632fcc60fa

- Хууль зүйн туслалцаа- Өмгөөллийн үйлчилгээ Хуулийн зөвлөгөө☎️📞72029339, 📱📲 96559339.Хаяг: Чингэлтэй дүүрэг, 5-р хороо,...
20/05/2026

- Хууль зүйн туслалцаа
- Өмгөөллийн үйлчилгээ

Хуулийн зөвлөгөө

☎️📞72029339,
📱📲 96559339.
Хаяг: Чингэлтэй дүүрэг, 5-р хороо, Тусгаар тогтнолын талбай 5, МН тауэр 1601.

27/04/2026

Нотариатчид хэрэггүй болсон уу?
Иргэдийн дунд нотариат явах шаардлагагүй боллоо гэсэн мэдээлэл цахим орчинд тарсан бид энэ мэдээллийг тодруулан хүргэж байна.
Монголын Нотариатчидын танхимын ерөнхийлөгч Л. Буддоржтой ярилцлаа.

📱 FACEBOOK ДЭЭР БИЧСЭН НЭГ ПОСТ ТАНЫГ ШҮҮХЭД ХҮРГЭЖ ЧАДАХ АЮУЛТАЙ.“Зүгээр л бухимдлаа гаргасан”, “Үнэн гэж бодсон” гэж х...
23/04/2026

📱 FACEBOOK ДЭЭР БИЧСЭН НЭГ ПОСТ ТАНЫГ ШҮҮХЭД ХҮРГЭЖ ЧАДАХ АЮУЛТАЙ.

“Зүгээр л бухимдлаа гаргасан”, “Үнэн гэж бодсон” гэж хүмүүс сошиалд бичдэг ч хууль үүнийг өөрөөр үнэлдэг.
Хэрэв та хэн нэгний нэр төр, алдар хүндэд халдсан, гүтгэсэн мэдээлэл тараасан бол түүнийгээ нотлох үүрэгтэй.

⚖️Монгол Улсын Иргэний хуулийн 21.2-т зааснаар бусдын нэр төр, алдар хүндийг гутаасан мэдээ тараасан этгээд түүнийхээ үнэн зөвийг нотолж чадахгүй бол уг мэдээг тараасан хэлбэр(жишээ нь, фэйсбүүк пост бол постоор), хэрэгсэл, эсхүл өөр хэлбэр, хэрэгслээр няцаах үүрэгтэй.
Хэрэв гүтгэлгийн улмаас тухайн иргэнд сэтгэл санааны хохирол учирсан бол шүүхийн шийдвэрээр эдийн бус гэм хорыг мөнгөн хэлбэрээр арилгуулахаар шаардах эрхтэй.

Сошиал орчин бол хуулиас гадуур биш гэдгийг ойлгох хэрэгтэй.
Тиймээс пост бичиж бусдын нэр төрд халдахаас өмнө таны түгээж буй мэдээлэл баримттай эсэхийг заавал нягтлаарай.

👉 Манай хуудсыг “Follow” хийж, өдөр бүр эрх зүйн хэрэгцээт мэдээлэл аваарай!

#НэрТөр #СошиалХууль #Хуулийнзөвлөгөө

Хуулийн зөвлөгөө

ДУУСААГҮЙ БАРИЛГАД ЭД ХӨРӨНГИЙН ТАТВАР НОГДУУЛАХГҮЙ. #Барилга #Дуусаагүйбарилга #ҮлхөдлөххөрөнгийналбантатварХуулийн з...
23/04/2026

ДУУСААГҮЙ БАРИЛГАД ЭД ХӨРӨНГИЙН ТАТВАР НОГДУУЛАХГҮЙ.
#Барилга #Дуусаагүйбарилга #Үлхөдлөххөрөнгийналбантатвар

Хуулийн зөвлөгөө

ГЭРЭЭСЛЭЛ ҮЛДЭЭГЭЭГҮЙ БОЛ ХӨРӨНГИЙГ ХЭН ӨВЛӨХ ВЭ? 🏠📜Хэрэв хүн нас барахдаа гэрээслэл үлдээгээгүй бол түүний эд хөрөнгийг...
22/04/2026

ГЭРЭЭСЛЭЛ ҮЛДЭЭГЭЭГҮЙ БОЛ ХӨРӨНГИЙГ ХЭН ӨВЛӨХ ВЭ? 🏠📜

Хэрэв хүн нас барахдаа гэрээслэл үлдээгээгүй бол түүний эд хөрөнгийг Иргэний хуульд заасан хууль ёсны өвлөгч нар дараах дарааллаар өвлөнө:

✅ Нэгдүгээр ээлжийн өвлөгч (Тэнцүү хэмжээгээр өвлөнө):

1. Нас барагчийн нөхөр, эхнэр
2. Төрүүлсэн болон үрчилж авсан, нас барснаас нь хойш төрсөн хүүхэд
3. Нас барагчийн төрүүлсэн болон үрчилсэн эцэг, эх

👥 Хоёрдугаар ээлжийн өвлөгч:
Дээрх өвлөгч нар байхгүй, эсвэл өвлөхөөс татгалзсан тохиолдолд нас барагчийн өвөг эцэг, эмэг эх, ах, эгч, дүү, ач, зээ өвлөх эрхтэй болдог

👧 Гуравдугаар ээлжийн өвлөгч: Өмнөх ээлжийн өвлөгчид байхгүй бол өвлүүлэгчийн ачинцар, зээнцэрүүд.

🔆 Тусгай зохицуулалт: Өвлүүлэгчийг нас барахаас өмнө нэгээс доошгүй жилийн хугацаанд түүний асрамжинд байсан хөдөлмөрийн чадваргүй иргэн хууль ёсны өвлөгчид тооцогдоно.

📍 Мэдэхэд илүүдэхгүй:

* Өв залгамжлагч нь өв нээгдсэнээс (нас барснаас) хойш 1 жилийн дотор өв хүлээн авах тухай хүсэлтээ нотариатад гаргах үүрэгтэй
* Хамт амьдарч байсан хүмүүс нь 3 сарын дотор татгалзах тухайгаа мэдэгдээгүй бол өвийг хүлээн авсанд тооцогдоно

👉 Манай хуудсыг “Follow” хийж, өдөр бүр эрх зүйн хэрэгцээт мэдээлэл аваарай!

#ӨвЗалгамжлал #ИргэнийХууль #Гэрээслэл #Хуулийнзөвлөгөө Хуулийн зөвлөгөө

20/04/2026

AI-тай чаталсан түүх таны эсрэг "баримт" болж магадгүйг АНУ-ын хуульчид анхааруулж байна

Сүүлийн үед хүмүүс зөвлөгөө авахаар хиймэл оюун ухаанд (AI) хандах нь эрс ихэссэн. Гэвч АНУ-ын өмгөөлөгчид үйлчлүүлэгчдэдээ хандаж: "Хэрэг төвөгт орооцолдсон эсвэл шүүхээр асуудал шийдэгдэх гэж байгаа бол AI чатботыг хамгийн дотнын, нууц хадгалдаг найзаа гэж бүү андуураарай" хэмээн анхааруулж байна.

Энэхүү анхааруулга Нью-Йорк хотын нэгэн шүүгчийн гаргасан шийдвэрээс үүдэлтэй аж. Дампуурсан санхүүгийн компанийн захирал асан нэгэн эр үнэт цаасны луйврын хэрэгт холбогдохдоо AI-тай чаталсан түүхээ прокуророос нуух гэж оролдоод бүтэлгүйтжээ. Гэвч шүүгч тэрхүү чатыг нь прокурорт баримт болгож өгөхийг тушаасан байна.

Үүнээс улбаалан өмгөөлөгчид үйлчлүүлэгчдэдээ: "Claude эсвэл ChatGPT-тэй бичсэн бүх зүйлийг тань прокурорууд эсвэл шүүх бүрэлдэхүүн баримт болгож шаардах эрхтэй" гэж анхааруулж байна.

Угтаа үйлчлүүлэгч өмгөөлөгчтэйгөө ярилцсан бүх зүйл "нууц" байх ёстой бөгөөд үүнийг шүүх дээр баримт болгож ашиглахыг хориглодог. Гэтэл AI чатбот бол өмгөөлөгч биш. Тиймээс та AI-тай юу ч ярьсан тэр нь "хуулийн хамгаалалтгүй" гэж анхааруулах болжээ.

АНУ-ын томоохон хуулийн фирмүүд үйлчлүүлэгчдэдээ: "Бидний өгсөн зөвлөгөөг AI-тай битгий хуваалц. Хэрэв та өмгөөлөгчийнхөө хэлсэн зүйлийг чатботод бичиж оруулбал тэрхүү мэдээлэл маань нууцлалаа алдаж, шүүх дээр таны эсрэг ашиглагдах эрсдэлтэй" гэж сануулж байна.

Бодит жишээ: Брэдли Хеппнер гэгч эр Claude чатботыг ашиглаж, өөрийнхөө хэргийн талаар өмгөөлөгчдөдөө танилцуулах тайлан бэлтгэжээ. Прокурорууд үүнийг нь мэдээд, чатны түүхийг хуваалцахыг шаардсан байна. Хеппнерийн өмгөөлөгчид "Энэ бол өмгөөллийн тактик агуулсан нууц бичиг" гэж маргасан ч шүүгч зөвшөөрөөгүй аж.

2027 оны 01 сарын 01-ний өдрөөс эхлэн чихэр, чихэр орлуулагч агуулсан бүх төрлийн ус, ундаанд онцгой албан татвар (ОАТ) ...
15/04/2026

2027 оны 01 сарын 01-ний өдрөөс эхлэн чихэр, чихэр орлуулагч агуулсан бүх төрлийн ус, ундаанд онцгой албан татвар (ОАТ) ногдуулна.

2024 оны 06 сарын 05-нд баталсан “Онцгой албан татварын тухай” хуулийн нэмэлт, өөрчлөлтөөр чихэрлэг болон чихэр орлуулагч агуулсан бүх төрлийн ундаа, усанд онцгой албан татвар ногдуулахаар хуульчилсан.

Энэхүү зохицуулалт хэрэгжиж эхэлснээр дотоодын үйлдвэрлэгчид бүтээгдэхүүнийхээ найрлага, чихрийн агууламжийг бууруулах зэрэг өөрчлөлт хийх, мөн онцгой албан татварын шилжилтээс шалтгаалан бүтээгдэхүүний жижиглэнгийн үнэ өсөх байх.

Харин үнийн өсөлтөөр ялангуяа хүүхэд болон өсвөр насныхны дундах хэрэглээг бууруулж, үүний үр дүнд илүүдэл жин, таргалалт, зүрх‑судасны өвчин, чихрийн шижин, шүд цоорол зэрэг өвчлөлийн эрсдэлийг урт, дунд хугацаанд бууруулахад хувь нэмэр оруулах болов уу…

“Монгол Улсын хүн амын хоол тэжээлийн байдал – Үндэсний VI судалгаа”-ны дүнгээр:

📈 5 хүртэлх насны хүүхдийн дунд илүүдэл жингийн тархалт 11.3% байна.
📈 ЕБС-ийн 6–18 насны хүүхдийн дунд
❗️илүүдэл жингийн тархалт 19.6%
❗️таргалалтын тархалт 6.2% байна.

2026 онд архи, тамхины онцгой албан татвараас улсын төсөвт 683 тэрбум төгрөгийн орлого төвлөрөхөөр төсвийн хуульд сууж батлагдсан нь төсвийн орлогын нэг том эх үүсвэр болохыг илэрхийлж байна.

Эндээс эрүүл мэндийн салбарт зарцуулах асуудал чухал. 2026 онд дэмжих санд 9.5 тэрбум төгрөг зарцуулахаар төсөвт суусан. Арай л бага. 🥹🥹🥹

Архи, тамхи, чихэрлэг ундааны хэрэглээнээс үүссэн өвчлөлийн дарамтыг эрүүл мэндийн салбарынхан үүрч, ОАТ-с орсон орлого улсын төсвийн бүрдүүлэлт болоод дуусдаг.

Ядахнээ энэ орлогын 20%-г эрүүл мэндийн салбарт зарцуулах юмсан.

Copyright

✅ Хамгийн өндөр оноо авсан этгээд тухайн албан тушаалд #ТОМИЛОГДОХООСОО татгалзсан бол дараагийн #НЭР ДЭВШИГЧИЙГ дэвшү...
23/01/2026

✅ Хамгийн өндөр оноо авсан этгээд тухайн албан тушаалд #ТОМИЛОГДОХООСОО татгалзсан бол дараагийн #НЭР ДЭВШИГЧИЙГ дэвшүүлэх нь зөв гэж үзэн Улсын дээд шүүх тайлбарлаж, шүүхийн практикийг нэг мөр болголоо.
👩🏻‍⚖️🧑🏻‍⚖️👨🏻‍⚖️👨‍⚖️🧑🏽‍⚖️
⚖️ Хууль зүйн зөв ойлголт олон нийтэд чухал.

Хуулийн зөвлөгөө

Address

Ulaanbaatar
976

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 17:00

Website

Alerts

Be the first to know and let us send you an email when Хуулийн зөвлөгөө posts news and promotions. Your email address will not be used for any other purpose, and you can unsubscribe at any time.

Shortcuts

Share

Category