Mongolian quality management consulting association

08/05/2024

Чанарын менежерийг чадавхжуулах багц сургалтын Модуль 1 ба 2 нь 4-р сард амжилттай болсон байгаа. Сургалтанд идэвхтэй оролцож, маш их мэдээлэл, мэдлэг цуглуулсан оролцогчид маань мэдсэн сурсанаа ажил дээрээ туршиж үзээрэй.
Одоо 5 сарын 14-нд Модуль 3 сургалт маань явагдах гэж байна. Баяртайгаар дахин уулзацгаая.

21/03/2024

Сургалтанд цөөн тооны хүн нэмж бүртгэнэ.
Оролцогчдын тоо хязгаартай тул тоо бүрдсэн тохиолдолд бүртгэл хаагдана.
Имайл хаягаар Нэр, байгууллага, албан тушаал, утас, имайл хаягаа үлдээнэ үү.
Модуль бүрийн үнэ 500,000 төгрөг. 4 модуль сургалтанд бүрэн хамрагдсан оролцогчийг ISO17024 дагуу ажилтны баталгаажуулалтын шалгалтанд ороход зардал хуваах дэмжлэг үзүүлэх ба "Чанарын менежер" гэсэн ажилтны гэрчилгээтэй болно.
Утас: 96095037
Имайл: [email protected]

05/06/2023

6-р сарын ажлууд эхэлсээн. Өмнөговь аймгийн политехник коллежийн чанарын баг, хамт олныг чадавхижуулах сургалтуудыг амралтын өдрүүдээр амжууллаа.

05/06/2023

Манай 5 сарын ажлууд амжилттай.

08/04/2023

Хүний биеийн хэлэмжийг уншиж ойлгох нь
(“Чанарын судалгаа” номын хэсгээс)
Хүн төрөлхтөн нэг нэгэнтэйгээ хязгааргүй олон аргаар харилцах гайхалтай ур чадваруудыг эзэмшсэн байдаг. Барууны соёлд рационал харилцааг бусад харилцааны хэлбэрүүдээс илүүд үздэг тул хэл яриаг голчлон ашигладаг. Хэдий тийм ч гэлээ хэл ярианы бус харилцаа мөн үүнээс дутахааргүй чухал байдаг. Нүдний хөдөлгөөн, хөмсгөө зангидах, ярвайх, алхаж гишгэх хэв маяг бүгдээрээ бидний хэрэглэж буй үг хэллэгийг дэмжих (эсвэл сулруулах) боломжтой. Үүнтэй адил бидний үгийн сонголт, тэдгээрийг хэрэглэж буй байдал буюу өргөлт, зогсолт, хоолойны өнгө зэрэг нь үгнээс дутуугүй чухал нөлөөтэй байдаг. Зарим харилцаа ойлгомжтой ил тод байдаг бол ихэнх харилцаа бидний ил ухамсрын түвшнөөс гадна өрнөдөг. Чанарын судлаачид эдгээр харилцааны арга хэрэгслүүдийг таньж мэдэн ойлголтоо нэмэгдүүлэх шаардлагатай байнга тулгардаг. Ингэснээр тэд хэрэглэгчдийн хэрэгцээ, хандлага, зан төлөвийг илүү гүн гүнзгийгээр ойлгох хаалгыг нээх юм.
Хэл ярианы бус харилцаа буюу биеийн хэлэмж гэдэг нь үг ашиглахгүй харилцахыг хэлнэ. Үүнд нүдний болон нүүрний хөдөлгөөн, биеийн байрлал, үйлдэл гэх зэрэг биеийн илэрхийлэмжүүд багтана. Эдгээрийг чанарын судлаач ажиглан утга учир оноодог. Үүнд мөн уйлах, чарлах, дуугаа хураах гэх зэрэг дуу хоолойн өөрчлөлт, авианууд багтана. Гэхдээ эдгээр нь хэл ярианы харилцаанд илүүтэй хамаарагддаг.
Хүмүүс бид харц тулгаран ширтэлцэх, инээмсэглэх зэргээр харилцан хүндлэл тогтоодог. Ихэвчлэн биеийн хэлэмжийг хэл ярианы харилцаанаас өмнө үүссэн бөгөөд илүү нөлөөтэй гэж тайлбарладаг. Энэ нь олон янз байдлаар илэрнэ. Тухайлбал өндөр сэтгэл хөдлөл агуулсан (эрхлэх, хайраа илчлэх, уучлалт гуйх) харилцаа биеийн хэлэмжээр илүү сайн илэрхийлэгддэг. Учир нь биеийн хэлэмж илүү олон утга санаа, нарийн нандин зүйлсийг илэрхийлэх чадамжтай байдаг аж.
Та биеийн хэлэмжийг хэрхэн уншиж ойлгох талаар дэлгэрэнгүйг энэхүү номоос судлах боломжтой.
📖: https://internom.mn/%D0%B1%D0%B0%D1%80%D0%B0%D0%B0/9789919000196-%D1%87%D0%B0%D0%BD%D0%B0%D1%80%D1%8B%D0%BD-%D1%81%D1%83%D0%B4%D0%B0%D0%BB%D0%B3%D0%B0%D0%B0

08/04/2023

Нээлттэй болон хаалттай асуултын ялгаа
(“Чанарын судалгаа” номын хэсгээс)
Асуултуудыг үндсэндээ нээлттэй болон хаалттай гэж ангилж болдог. Нээлттэй буюу шууд бус асуулт ихэвчлэн “юу”, “яагаад”, “хэзээ” эсвэл “хэн” гэж эхлэх ба судалгаанд оролцогчдод өөрийн үгээр хариулах мөн яриаг цааш хэрхэн чиглүүлэхийг шийдэх орон зайг олгодог. Жишээлбэл, “Та ердийн нэг ажлын өдрөө тодорхойлж өгнө үү” гэж асууснаар оролцогчдод яриаг залж чиглүүлэх эрх чөлөөг өгөхөөс гадна өөрсдийн чухал зүйлсдээ төвлөрөх боломжийг олгоно. Ийм төрлийн асуулт өргөн цар хүрээний сэдвүүдийг шинжихэд тохиромжтой. Тухайлбал, үүгээр оролцогчид юу чухалчилдгийг мэдэж болох ба энэ нь тус сэдвүүдийг илүү дэлгэрүүлэн ярих нөхцөлийг бүрдүүлдэг.
Нээлттэй болон хаалттай асуултуудын аль нь ч нэгнээсээ илүү дээр гэсэн ойлголт байдаггүй. Энэ хоёр хоёул өөрсдийн гэсэн ашиглах зориулалттай, онцлог шинж чанаруудтай. Тухайн мөчид ямар төрлийн хариулт хэрэгтэй байгаагаас хамаарч тохирох асуултын хэлбэрийг сонгоно.
Та нээлттэй болон хаалттай асуултын ялгааг хэрхэн жишээгээр тайлбарласныг энэхүү номоос үзэх боломжтой.
📖: https://internom.mn/%D0%B1%D0%B0%D1%80%D0%B0%D0%B0/9789919000196-%D1%87%D0%B0%D0%BD%D0%B0%D1%80%D1%8B%D0%BD-%D1%81%D1%83%D0%B4%D0%B0%D0%BB%D0%B3%D0%B0%D0%B0

24/03/2023

Сонсох ур чадварыг сайжруулах нь
("Чанарын судалгаа" номын хэсгээс)

Хүмүүс бид ихэвчлэн ярилцаж буй хүнийхээ хэлсний дөнгөж хагасыг нь л тогтоож сонсдог байна. Бид галт тэрэгнээс хоцорчих вий гэж санаа зовох, эсвэл нөгөө хүнийхээ хэлсэн зүйлд хариулахаар бэлдэж байдаг. Бид үүнд бүрэн анхаарлаа төвлөрүүлдэггүй. Харин бид одоо цагт төвлөрөн ярианы хором мөч бүрт анхаарлаа хандуулах аваас илүү олон зүйлсийг ойлгож мэдэх боломжтой байдаг.
Идэвхтэй сонсохын зорилго бол өөртөө болон дотоод харилцан яриандаа бус, хамтран ярилцагчдаа бүрэн анхаарлаа хандуулах явдал байдаг. Энэ нь ярилцагчийн яриа, биеийн хэлэмжийг сонсож ойлгоно гэсэн үг. Ингэхдээ ярилцагчийн нүүр рүү харж биеэ түүн рүү чиглүүлнэ. Мөн сонсогч төвийг сахисан, нээлттэй хандлагыг баримталснаар ярилцагчийн хэлсэн гайхал төрүүлмээр, өвөрмөц зүйлсийг ойлгож буйгаа, мөн шүүмжлэх гээгүй гэдгээ илэрхийлнэ. Гол нь мэдээллийг өгөх биш авах, мөн шүүмжлэхээс зайлсхийх шаардлагатай юм.
Чанарын судалгааны ярилцлагад идэвхтэй сонсох чадварыг хөгжүүлэхэд тустай хэд хэдэн стратегиуд байдаг бөгөөд тэдгээрийг энэхүү номоос гүнзгийрүүлэн судлах боломжтой.
📖: https://internom.mn/%D0%B1%D0%B0%D1%80%D0%B0%D0%B0/9789919000196-%D1%87%D0%B0%D0%BD%D0%B0%D1%80%D1%8B%D0%BD-%D1%81%D1%83%D0%B4%D0%B0%D0%BB%D0%B3%D0%B0%D0%B0

24/03/2023

АРИСТОТЕЛИЙН ТОДОРХОЙЛСОН ХҮНД НӨЛӨӨЛӨХ ДАРААХ 3 ЧАНАРЫГ ЭЗЭМШСЭН ХҮНИЙГ САЙН БАГШ ГЭНЭ.

1. ETHOS (Ёс зүй) буюу хүнлэг чанар, ёс суртахуун, гайхамшигт намтар, дотно дулаан харилцаа, мэдлэг туршлагаараа бүгдэд хүндлэгдсэн

2. PATHOS (Мэдрэмж) буюу бусдыг сонсож, ойлгож, мэдрэх онцгой чадвартай

3. LOGOS (Логик) буюу өргөн мэдлэгтэй, ойлгомжтой яриатай, аливаа зүйлсийн учир холбоосыг нь тайлбарлах асар их туршлагатай

Өндөр LOGOS -той багш (teacher) -тай учирсан сурагч олон зүйлсийн утга учрыг насан туршдаа мартахгүй болтлоо сурч, ойлгосон байдаг.

Гайхалтай PATHOS бүхий багш (tutor, coach) -аас зөвлөгөө авдаг хүмүүс амьдралд бага алдаж, нийгэмд тустай, ойр дотныхондоо халамжтай хүн болон төлөвшдөг.

Маш ховор ETHOS-той хүн (mentor) -д шавь орсон хүний амьдрал хамгийн сайн тал руу бүрэн өөрчлөгддөг.

ТИЙМЭЭС ХҮН БҮР САЙН БАГШИЙГ ОЛЖ ШАВЬ ОРОХЫГ ЭРМЭЛЗЭХ ШААРДЛАГАТАЙ.

Сайн багш нь таны багш, эсвэл багш хүн байх албагүй. Энгийн ажил амьдралдаа сэтгэл зүрхээ өгөн ажиллаж байгаа хэн ч байж болно. Таны хажууд байгаа хүн байж ч магадгүй.
Сайн багштай болоход нас оройтдоггүй. Сайн багш хөлс нэхдэггүй, насан туршийнх байдаг.

Эх сурвалж: Ариунболд Жаалжав

26/01/2023

https://unread.today/c/book-qualitative-research

Аливаа байгууллага болон бүтээгдэхүүн, үйлчилгээний туйлын зорилго нь  хэрэглэгчийг аз жаргалтай...

23/12/2022

Нийслэлийн МБСБ-н чанарын өөрийн үнэлээчдийг бэлтгэх 2 өдрийн сургалт амжилттай өндөрлөлөө. Нийт оролцогчдоо ажлын амжилт хүсье.

29/04/2022

EBRD дэмжлэгтэйгээр Монбиофарм ХХК-д ЧМТ-ны ISO9001:2015 нэвтрүүлэх зөвлөх үйлчилгээний төсөл маань амжилттай дуусаж, өнөөдөр Хаалтын хурлаа хийж, ажлаа тайлагналаа. Монбиофарм ХХК-ны хамт олондоо ажлын өндөр амжилт хүсье.

18/02/2022

Энэхүү хөтөлбөр 2-р сарын 28-нд эхлэх бөгөөд бүртгэл өнөөдрөөс эхэлж байна. Байгууллага хамт олон болон хувь хүмүүс хамрагдаж болно. Сонирхсон хүмүүс коммент, эсвэл
Enkhnavch Bat-ochir fb messenger-т чат бичнэ үү.
Төлбөр хувь хүн 54,000 төгрөгийг Хаанбанк 5037219752 Энхнавч дансанд хийж баталгаажуулна. Төлбөрийн утга дээр FB хаяг, утсаа бичнэ үү.
Байгууллага хамт олноороо хамрагдах бол Чат холбогдож нэхэмжлэл авч болно.

Хувь хүний хөгжлийн "Хамтдаа урагшилъя" 21 хоногийн чэлленж хөтөлбөрт байгууллага, хамт олныг урьж байна.