Torgonii zam Consulting

24/06/2019

beton zuurmag ikh khemjeegeer barteraar zarna utas 96655685

14/01/2018

Үл хөдлөх хөрөнгийн хамгийн найдвартай гүйлгээ – Эскроу данс


Эскроу данс гэж яг юу вэ?

Эскроу бол иргэд, байгууллагуудын хооронд ажил гүйцэтгэх, эд хөрөнгийн эзэмших, ашиглах, өмчлөх эрхийг шилжүүлэх үйл ажиллагаанд үүсч болзошгүй эрсдэлээс хамгаалах зорилгоор эскроу дансанд мөнгийг байршуулан талуудын гэрээний үүрэг биелэгдэхэд төлбөрийг дамжуулан өгдөг үйлчилгээ юм. Эскроу нь худалдан авагч үл хөдлөх хөрөнгө эзэмшигчийн тавьсан саналыг хүлээн авах үед эхэлж, үл хөдлөх хөрөнгийг худалдан борлуулах үе дуусахад хүртэл үргэлжилнэ.

Орон байр худалдаж авна гэдэг гутал худалдаж авахтай ижил биш, маш их мөнгө цаг хугацаа орж, шийдвэрлэх шаардлагатай олон алхамтай байдаг. Тийм ч учраас худалдан авагчид болон байрны эзэд бичиг баримт, төлбөр мөнгөө шууд нэг нэгэндээ солилцдоггүй. Тэд эскроу дансаар дамжуулж үүнийг хийдэг.

Эскроу зөв тооцооллын баталгаа болж өгдөг. Худалдан авагч тал ямар нэгэн төлбөр шилжүүлэхээс өмнө бүхий л урьдчилан хараагүй нөхцөл байдлуудыг (үзлэг шалгалт, баталгаажсан ипотек гэх мэт) баталгаатай болгохыг хүсдэг. Харин байр эзэмшигчид гэрчилгээ, баримт бичгээ өгөхөөс өмнө мөнгө хүлээн авсан байхыг хүсдэг.

Эскроугийн үед ямар үйл ажиллагаа явагддаг вэ?

Худалдан авагчид тухайн үл хөдлөх хөрөнгийг худалдан авах шийдвэрээ гаргасан гэдгээ үл хөдлөх хөрөнгө эзэмшигчдэд илэрхийлж барьцаа мөнгөө хийснээр эскроу данс нээгддэг. Эрх бүхий компани эскроу дансыг нээж, уг дансыг хариуцсан ажилтан томилно.

Эскроу ажилтан буюу суурин төлөөлөгч нь дараах үүрэгтэй:

Мөнгөн сан болон бичиг баримтыг хадгална
Бичиг баримт болон мөнгө шилжүүлэх үйл ажиллагааг боловсруулж, дэмжиж ажиллана
Бүх талуудыг үйл явцын мэдээллээр хангаж байх
Зээлдүүлэгчийн тавих нөхцөлд хариу өгөх
Даатгалын баталгаа болж өгнө
Оролцогч талуудаас баримт бичиг болон тайлангийн зөвшөөрлийг авч бүрдүүлэх
Даатгал, татвар, түрээс, төлбөр зэргийг тохирч, тэнцүү хувиарлах
Гэрчилгээ болон зээлийн баримт бичгийг тэмдэглэж авах
Барьцаанд байршуулсан болон бусад төлбөрийн бүртгэл хөтлөх
Эскроу нь бүх ажил хэрэг, бичиг баримт болон мөнгө нь эскроуын ажилтнаар баталгаажин гүйцэтгэгдсэн үед хаагдана.

Эскроу нээх болон хаагдахад миний үүрэг юу байх вэ?

Байр худалдаж байгаа болон худалдан авч байгаа 2 тал хоёулаа эскроу үед хариуцлага хүлээх ба гүйлгээг явуулахын тулд өөрсдийн хариуцсан хэсгээ заавал хийх ёстой.

Байр эзэмшигч:

Эскроу дансны зааврын дагуу ажиллана.
Гэрчилгээ болон бусад бичиг баримтыг эксров ажилтнаар дамжуулна
Даатгалын журам, байрны баталгаа, татварын баримт гэх мэт Худалдах, Худалдан авах гэрээнд заасан шаардлагатай бичиг баримтуудыг гаргаж өгөх (Эскроу ажилтан нь хэрэгцээтэй бүх зүйлийг заавар дээр дэлгэрэнгүй тусгасан байгаа)
Худалдан авагч:

Урьдчилгаа төлбөрийг хийх, бусад шаардагдлагатай мөнгийг нэмж хийх
Эскроу дансны зааврын дагуу ажиллана
Худалдах, Худалдан авах гэрээнд заасны дагуу үзлэг шалгалтын тайлан, урьдчилсан гэрээний тайлан болон бусад нарийвчилсан бичиг баримтыг зөвшөөрөх

29/10/2017

МАШ ГОЁ БАЙР

torgoniizam.mn | МАШ ГОЁ БАЙР | Хан-Уул дүүрэг 19-р хороо Номин худалдааны төвийн замын эсрэг талд Нутгийн Буян хотгонд 97,5м2 талбайтай Урагшаагаа харсан цонхтой 2 болкан, 2 угаалгын өрөөтэй 4 өрөө бүхий тансаг зэрэглэлийн байрыг Азтай Одтой Аав Ээжийн хүүд зах зээлийн үнээс хямд зарла

28/03/2017

Д.Жаргалсайхан: БИД НАР ЭДЭНД ДАЙН ЗАРЛАХ ЁСТОЙ. ОДОО БОСОЖ ТЭМЦЭХ ЦАГ ИРСЭН.

"УЛААНБААТАР ИРГЭНИЙ ФОРУМ" төрийн бус байгууллагаас өнгөрөгч 22-ны өдөр "Иргэний оролцоонд тулгуурласан хотын хөгжлийн төлөвлөлт, хэрэгжилт, иргэний хяналт" сэдэвтэй нээлттэй хэлэлцүүлэг явуулжээ. Уг хэлэлцүүлэгт нийтлэлч, эдийн засагч Д.Жаргалсайханы илэрхийлсэн байр суурийг хүргэж байна.

Саяын хүний ярьсан сайхан ярианы онолын асуудлыг монголчууд мэдэж байгаа, ялангуяа Улаанбаатар хотын захиргааны хүмүүс. Ганцхан монголчууд энийгээ хийхгүй байгаад хамаг учир нь байгаа юм.

Улаанбаатар хотоор тоглож гүйцсэн учраас өнөөдөр Улаанбаатар хотод ядуурал хамгийн их байна. Хотыг тойрсон хогийн газруудад хүмүүс, шинэ суурин бий болсон байна.

Би Улаанбаатарт төрсөн, амьдарч байгаа хүн. Гэр хороололд өссөн. 50, 60 жилийн өмнө гудамж, сургууль ч гэсэн одоогоос илүү замбараатай байсан юм. Сургуулийн хүүхдүүдийг долоо хоног болгон усанд оруулдаг байсан.

Өнөөдөр Улаанбаатар хотын хүн амын хагас нь гэрт амьдарч байгаа. Хэдэн халуун усны газар байгаа юм? ЯагаадУлаанбаатар хотын хүмүүс өдий болтол усгүйгээр амьдарч байгааг асуух болсон шүү дээ.

90 оны үед Улаанбаатар хотыг том болж байх үед “Улаанбаатар сан” “Улаанбаатар Банк”, “Улаанбаатар Даатгал” гэж байгуулсан. Одоо хаана байна? Өнөөдөр ‘Улаанбаатар Банк’-ны 99,3%-г нь Эрдэмбилэг гэдэг хүн эзэмшиж байгаа. “Улаанбаатар Даатгал”-ын мөнгө нь хаашаа явсан юм?

Улаанбаатар хотын удирдлагад байсан хүн болгон тэрбумтан болсон. Улаанбаатар хотын газрыг дандаа ширээн доогуур зарсан. Улаанбаатар хотыг санаатайгаар устгах бодлого явуулсан.

Улаанбаатар хотын сургууль болгоны биеийн тамирын талбай болгоныг зарсан. Өнөөдөр гүйж тоглодог газар болгон чинь алга болсон. Дүнжигаравын төмөр замын урд талаас Баянзүрх хүртэл нэг компаниар дүүрсэн. Миeэгомбо хотын даргагазрын наймааг эхлүүлсэн.

Өнөөдөр барьсан 40 мянган байшингууд нь хүнгүй хонож 170 мянган айл байшинд ороод амьдрахыг мөрөөдөж байгаа. Хэнд зориулсан байшин юм?

Улаанбаатар хотын сургуулийн биеийн тамирын талбай дээр барьсан байшингаас хэдэн төгрөгийн татвар авсан юм? Яармагийн талбайг, наадмийн дэнжийг тэр чигээр нь зарчихсан. Тэрнээс хэдэн төгрөгийн татвар улаанбаатарчуудад ирсэн юм?

Улаанбаатар хотын төлөвлөлт муу- хүүхдүүд чинь хог, нохойтой өсөж байна. Улаанбаатар хотын үйлдвэрлэл, үйлчилгээ, орон сууц, энэ газрын зоныг санаатайгаар ялгаж өгөхгүй байна. Ингэж байлгах нь ашигтай байгаа. Тэгээд дараа нь хэдэн төгрөг өгөөд сонгуульд ялах нь бүр ашигтай.

Монгол улсад дутуу байгаа зүйл бол иргэдийн оролцоо. Бид босохгүй, шаардахгүй, шалгахгүй бол бид, бидний үр хүүхдүүдээр, тэдний үр хүүхдүүд тоглох шинэ боломж эхэлчихсэн байна. Боолууд болж хэзээ болтол ингэж унтах юм? Хэзээ болтол хэдхэн хүнээр тоглуулаад байх ёстой юм?

Бондны мөнгөөр хамаг мөнгийг ууж идсэн хүмүүсээс авахгүй юм бол бид эд нартай дайн зарлах ёстой.
Одоо босох ёстой!

25/03/2017

“УЛААНБААТАР БАРИЛГА-2017” ЦУВРАЛ ҮЗЭСГЭЛЭН "БАРИЛГЫН МАТЕРИАЛ & ШИНЭ ТЕХНИК ТЕХНОЛОГИ" 17-20-НД, "ОРОН СУУЦ-ХОТ ТОХИЖИЛТ " 24-27-НД
ҮЗЭСГЭЛЭНГИЙН ДЭЛГЭРЭНГҮЙ МЭДЭЭЛЭЛ

Барилга, Хот Байгуулалтын Яам, Барилгын Хөгжлийн Төв, “Мишээл Экспо” ХХК хамтран жил бүр уламжлал болгон зохион байгуулдаг “УЛААНБААТАР БАРИЛГА-2017” Барилгын материал & шинэ техник технологи үзэсгэлэн 2017 оны 3 дугаар сарын 17-ноос 3 дугаар сарын 20-ны өдрийг дуустал Орон сууц-хот тохижилт үзэсгэлэн 2016 оны 3 дугаар сарын 24-нөөс 3 дугаар сарын 27-ны өдрийг дуустал “Мишээл Экспо Төв”-д тус бүр 4 өдрийн турш зохион байгуулагдана.

ЗОРИЛГО:

Монгол Улсад барилгын материал үйлдвэрлэгч, ханган нийлүүлэгч, барилгын багаж хэрэгсэл, тоног төхөөрөмжийн импорт, худалдаа эрхлэгч аж ахуйн нэгж байгууллагуудын бүтээгдэхүүн үйлчилгээг сурталчилах, салбар хоорондын хамтын ажиллагаагаа өргөжүүлэх боломж, түүнчлэн сүүлийн үеийн шинэ дэвшилтэт техник технологийн талаар олон нийтэд таниулан сурталчилах зэрэг боломжуудыг үзэсгэлэнд оролцогч байгууллагуудадаа олгох юм.

Энэхүү үзэсгэлэнгээр мөн Монгол Улсад барилга угсралт, орон сууцын худалдаа эрхлэгч аж ахуйн нэгж байгууллагуудын бүтээн байгуулалт, үйл ажиллагааг дэмжих, түүнчлэн энэхүү салбарт ажиллах хүчний зуучлал, барилга орон сууц захиалга, барилгын гадна тохижилт, ногоон байгууламж, гэрэлтүүлэг, шинэ дэвшилтэт техник технологийн талаар олон нийтэд сурталчилан таниулах зэрэг өргөн боломжуудыг оролцогч байгууллагууддаа олгох юм.

ОРОЛЦОГЧ БАЙГУУЛЛАГУУД:

Барилгын салбарын Төрийн болон ТББ, Бизнесийн байгууллагууд:

Монгол Улсад барилгын материал үйлдвэрлэл, импорт, худалдаа эрхлэгч байгууллага, хувь хүн
Барилгын багаж хэрэгсэл, тоног төхөөрөмжийн худалдаа эрхлэгчид
Барилгын засвар үйлчилгээ, засал чимэглэлийн компаниуд
Хүнд машин, механизм худалдаалагч компаниуд
Орон сууц хот тохижилтын компаниуд
Барилга угсралт, засвар үйлчилгээ, засал чимэглэлийн компаниуд
Зураг төсөл, интерьер, экстерьер дизайны үйл ажиллагаа эрхлэгч байгууллагууд
Архитектур, зураг төсөл, геодези зураг зүйн компаниуд
Барилгын гадна тохижилт, ландшафт, гэрэлтүүлгийн чиглэлээр үйл ажиллагаа эрхэлдэг байгууллагууд
Арилжааны банкууд
Даатгалын компаниуд зэрэг оролцох боломжтой.

25/03/2017

БНСУ-руу визгүй зорчих журмыг цуцалжээ
Бүгд Найрамдах Солонгос Улсаас Монгол Улсад суугаа Элчин сайдын яамнаас 2017 оны визний журмын талаар мэдээлэл хийлээ.
БНСУ-руу байнгын визгүй зорчдог байсан иргэдийн зорчих журамд өөрчлөлт орж олон удаагийн виз олгохоор болжээ. Энэхүү журам нь 2017 оны гуравдугаар сарын 1-нээс хэрэгжиж эхэлсэн байна.
1999 оноос БНСУ визгүй зорчих журмыг хэрэгжүүлж эхэлсэн. Ингэснээр энгийн визээр олон удаа зорчсон иргэдийг визгүй зорчуулж эхэлсэн. Энэхүү журмыг цуцлаад олон удаагийн виз буюу таван жилийн хугацаатай виз олгохоор болжээ.
Таван жилийн визийн нөхцөлд сүүлийн хоёр жилийн хугацаанд БНСУ-руу дөрвөн удаа зорчсон, нийт 10-аас дээш удаа тус улсын хилээр орж гарсан байх шаардлагатай. Арван удаа явахдаа сүүлийн хоёр жилийн хугацаанд зайлшгүй нэг удаа тус улсыг зорьсон байх ёстой гэсэн шаардлагыг тавьж буй юм байна.
Энэ талаар БНСУ-ын Элчин сайдын яамны Консулын газрын дарга И Жэ Ю “Энэхүү журмын өөрчлөлт визгүй зорчигчдод төвөгтэй санагдаж магадгүй ч нэг удаад таван жилийн хугацаатай виз авчихвал хил нэвтрэхэд асуудалгүй, террорист халдлагаас хамгаалах, паспортны хугацаа дууссан эсэхийг хил дээр очсон хойноо мэдэх зэргээс урьдчилан сэргийлэх ач холбогдолтой гэж бид харж байна. Ийнхүү журам өөрчлөх болсон шалтгаан нь 2017 оны дөрөвдүгээр сараас эхлээд тухайн иргэнийг онгоцонд суухаас өмнө мэдээллийг нь урьдчилж авсан байх шаардлагатай болсон. Энэхүү журам хэрэгжиж эхэлсэн учраас иргэдийг визгүй нэвтрүүлэхэд саад тулгарсан. Тиймээс виз авч байж зорчих журмыг манай улсын Хууль зүйн яамнаас гаргасан.
Мөн визгүй зорчигч нарыг арван удаа БНСУ-ын хилээр давсан эсэхийг тоолж шалгадаг учраас иргэд хил дээр маш удаан хугацаанд хүлээх шаардлага тулгардаг байсан. Үүнээс улбаалан төвөгтэй байдал үүсдэг учраас олон удаагийн визээр өөрчлөх шийдвэр гарсан. Визтэй зорчигч нарийн хувьд тусгай системээр шалгаж нэвтрүүлдэг тул хурдан хугацаанд шийдэгддэг” хэмээлээ.
Таван жилийн хугацаатай олон удаагийн визийг
Сүүлийн гурван жилийн хугацаанд БНСУ-д хууль бусаар оршин суугаагүй,
Улсын дотоод хууль журмыг чандлан сахисан,
500 мянган воннын торгууль хүлээгээгүй
БНСУ-аас албадан гаргаагүй иргэнд олгохыг Консулын газрын дарга санууллаа.
Энэхүү олон удаагийн визээр БНСУ-ын хилийг нэвтэрсэн тохиолдолд тус улсад 30 хоногийн хугацаанд амьдрах хугацаатай аж. Мөн энэхүү виз нь энгийн визийг бодвол харьцангуй богино хугацаанд гарах бөгөөд энэ асуудлыг Элчин сайдын яамнаас шийдвэрлэж өгөх юм байна. Албаны болон дипломат паспорттой иргэд БНСУ-руу 90 хоногийн хугацаанд визгүй зорчих боломжтой. Харин энгийн паспорттой иргэд визгүй зорчих боломжгүй болж буй ажээ.
Одоогоор таван жилийн хугацаат визийг түр хугацаанд зогсоогоод байгаа юм байна. Харинбогино хугацааны визийг олгож байгаа аж. Монгол Улсын Засгийн газартай яриа хэлэлцээр хийж, шийдвэрт хүрсэн даруйд дахин таван жилийн визийг олгож эхлэх ажээ.

30/11/2016

Барилга барих хүсэлтийг хүлээн авч шийдвэрлэх

д/д Бүрдүүлэх материалын бүрдэл
1 Иргэний үнэмлэх /Нотариатаар баталгаажуулсан хуулбар /иргэн/
2 Хуулийн этгээдийн албан бичиг /хуулийн этгээд/
3 Улсын бүртгэлийн гэрчилгээ /хуулийн этгээд хуулбар /
4 Газрын эрхийн гэрчилгээ /нотариатаар баталгаажсан хуулбар/
5 Газар кадастрын зураг /нотариатаар баталгаажсан хуулбар/
6 Газрын гэрээ /нотариатаар баталгаажсан хуулбар/
7 Газрын одоогийн байдлын фото зураг /иргэн, хуулийн этгээд/
8 Газрын гэрээ дүгнэсэн акт /НӨХГ/ /иргэн, хуулийн этгээд/
9 Нийт хуудасны тоо
Хүсэлт шийдвэрлэлт
Нийт төлөх хураамжийн хэмжээ Дараах дансанд төлбөр төлсний дараа баримтыг хүсэлт гаргасан иргэнд иргэний үнэмлэх, ажлын үнэмлэхийг шалган зөвхөн өөрт нь олгоно.

Олгосон: 2016 оны ...... сарын........ өдөр.

Үйлчилгээний ажилтны нэр: ..............................................................
Нийслэлийн Төрийн сан банк дахь 200051054 дугаар дансанд тушаана.

30/11/2016

Барилгын ажлыг эхлүүлэх, үргэлжлүүлэх зөвшөөрөл олгох

1. Зөвшөөрөл олгохыг хүссэн өргөдөл, албан бичиг /захиалагч буюу зөвлөх үйлчилгээ эрхлэгч/
2. Барилгын ерөнхий гүйцэтгэгч байгууллагатай хийсэн гэрээ, ажил үйлчилгээ эрхлэх тусгай зөвшөөрлийн гэрчилгээний хуулбар /тухайн ажлыг гүйцэтгэх хүрээнд тохирсон байх/, барилга хариуцан бариулах инженер, даамал томилсон тушаал, диплом, мэргэжлийн үнэмлэх, болон сургалтын гэрчилгээний хуулбар
3. Зураг төслийн байгууллагатай хийсэн зохиогчийн хяналтын гэрээ
4. Барилга байгууламжийн угсралтын ажилд захиалагчийн техникийн хяналт гүйцэтгэх инженер томилсон тушаал, дипломын хуулбар
5. Газар олголтын шийдвэр, ашиглах, эзэмших гэрээ, гэрчилгээний хуулбар /нотариатаар гэрчлүүлсэн байх/
6. Батлагдсан эскиз зураг, архитектур төлөвлөлтийн даалгавар
7. Техникийн нөхцөлүүд /дулаан, цахилгаан, холбоо, цэвэр бохир ус/
8. Зураг төсөлд хийгдсэн магадлалын ерөнхий дүгнэлт /хавсралтын хамт/
9. Магадлал хийгдсэн тухайн барилга байгууламжийн иж бүрэн ажлын зураг төсөл / гал түймэртэй тэмцэх газартай зөвшөөрөлцсөн/
10. Ажил гүйцэтгэх үеийн талбайн зохион байгуулалтын батлагдсан зураг /барилгын талбайгаас авто замтай нийлэх хэсэгт тээврийн хэрэгслийн дугуй цэвэрлэх зориулалтын талбайг тусгах/, өргөх байгууламжийг ажиллуулах зөвшөөрөл, хөдөлмөрийн аюулгүй байдлын болон кранаар ачаа шилжүүлэх үеийн аюулгүй ажиллагааг хариуцагчийг томилсон гүйцэтгэгч байгууллагын тушаал, /Нийслэлийн мэргэжлийн хяналтын газраар батлуулах. НЗД-ын 2014.09.19-ний А/793 дугаар захирамж/
11. Барилгын тэг тэнхлэгийг газар шилжүүлсэн акт, мэдээллийн санд оруулах /Тэг тэнхлэг байгуулсан өдрөөс 3 хоногийн дотор Геодезийн компани гүйцэтгэнэ./ /Нийслэлийн Иргэдийн төлөөлөгчдийн хурлын 2014.04.10-ны өдрийн 5/14 тогтоол/