ММСА /Монголын Менежментийн Зөвлөхүүдийн Холбоо/

24/12/2025

Монгол Улсад анх удаа МонСертиф ТҮБ нь
ISO 37001 – Авлигын эсрэг менежментийн тогтолцооны олон улсын стандарт-ын дагуу
итгэмжлэлээ амжилттай авлаа.

Энэхүү итгэмжлэл нь:
Улсын Их Хурлын 2023 оны 59 дүгээр тогтоолоор баталсан Авлигатай тэмцэх үндэсний хөтөлбөр, 2024 оны 46 дугаар тогтоолоор баталсан хэрэгжүүлэх арга хэмжээний төлөвлөгөөний зорилго, хэрэгжилттэй бүрэн уялдсан, институцийн чадавх, ил тод байдал, хариуцлагыг бэхжүүлэх бодит үр дүн юм.

ISO 37001 стандарт нь байгууллагын үйл ажиллагаанд:
Авлигын эрсдэлийг тогтолцооны түвшинд тодорхойлох, бууруулах, Ёс зүй, хариуцлага, дотоод хяналтыг олон улсын шаардлагад нийцүүлэн хэрэгжүүлэх, Төр, хувийн хэвшил, иргэдийн итгэлцлийг нэмэгдүүлэх үндэс суурийг бүрдүүлдэг.

Мөн тус стандарт нь Нэгдсэн Үндэстний Байгууллагын Тогтвортой хөгжлийн Зорилт 16 (Энх тайван, шударга ёс, хүчирхэг институц),
Зорилт 17 (Хамтын ажиллагаа),
Зорилт 8 (Хариуцлагатай эдийн засгийн өсөлт)-ийг хэрэгжүүлэхэд бодитой хувь нэмэр оруулдгаараа онцлог юм.

Цаашид МонСертиф ТҮБ нь:
Төрийн болон хувийн хэвшлийн байгууллагуудад Авлигын эсрэг менежментийн тогтолцоог мэргэжлийн түвшинд нэвтрүүлэх,
ISO 37001 стандартын итгэмжлэгдсэн баталгаажуулалтыг үндэсний хэмжээнд хэрэгжүүлэх үйл ажиллагааг тогтвортой үргэлжлүүлнэ.

Энэхүү амжилтад хувь нэмэр оруулсан
аудиторууд, техникийн шинжээчид, хамтран ажиллагч байгууллагууд болон сонирхогч бүх талд талархал илэрхийлье!

Ил тод байдал, шударга ёс, хариуцлага нь тогтвортой хөгжлийн үндэс юм.

09/11/2025

31/10/2025

12/10/2025

ЕВРОП ТИВД АЯЛАНГАА СУРАЛЦСАН 8 ӨДӨР 7 ШӨНӨ
📍 Франц Улсын Парис хот
📅 2025.09.30 – 10.08
🧭 Зохион байгуулагчид: MonCertf LLC, Олон Улсын Стандартын Академи (ISA), AFNOR Group
🟦🔴Аяллын зорилго ба бүрэлдэхүүн: ОУСА/ISA-ийн “Аял–Сур” хөтөлбөрийн хүрээнд зохион байгуулсан энэхүү аяллын зорилго нь Монгол Улсын чанарын дэд бүтцийг хөгжүүлэх, олон улсын стандартын хамтын ажиллагааг өргөжүүлэх, ISO стандартын сургалт, туршлага солилцох явдал байв.
✔️Нийт 15 байгууллагын 37 төлөөлөгч оролцсон ба тэдний дунд ISO аудитор, сургагч багш, төрийн болон хувийн хэвшлийн төлөөлөгчид, чанар, хүний нөөц хариуцсан менежерүүд багтсан.

🟦🔴Аяллын I хэсэг – Франц Улс, Парис хот
📅 2025.10.01
🕍 AFNOR Group-ийн төв оффист зочилсон уулзалт, сургалт
AFNOR групп нь Франц улсын үндэсний стандартчилал, баталгаажуулалтын байгууллага бөгөөд ISO стандарт боловсруулах, сургалт, зөвлөх үйлчилгээ үзүүлэх чиглэлээр дэлхийд тэргүүлэгч юм. 2017 онд MonCertf LLC-тэй байгуулсан стратегийн түншлэлээр дамжуулан Монгол Улсад “AFNOR Mongolia” байгуулагдаж, ISO баталгаажуулалт, гэрчилгээжүүлэлтийн үйл ажиллагаа явуулж байна.

🟦 AFNOR Competences компанитай байгуулсан анхны хэлэлцээр: Энэ аяллын нэгэн онцлох үр дүн бол AFNOR группийн сургалтын үйл ажиллагааг хариуцдаг AFNOR Competences компанитай хамтран “стандартын сургалт, туршлага судлах аялал” зохион байгуулах анхны хамтын ажиллагааны хэлэлцээр амжилттай байгуулагдсан явдал юм.
🟦🔴‘Quality Awareness’ сургалт
📍 AFNOR Headquarters, Saint-Denis, France
🎓 Сургагч багш: Ms. Laleh Joncheray – Lead Auditor (IRCA QMS)- Сургалтын зорилго: ISO 9001 стандартын шинэчлэл, чанарын соёл, тогтвортой хөгжлийн зорилтуудын уялдаа, чанарын менежментийн ирээдүйн чиг хандлагыг танилцуулах.

Гол сэдвүүд:
• ISO 9001 стандартын хувьсал ба 2026 оны шинэчилсэн хувилбар
• Чанарын соёл ба ёс зүйтэй удирдлагын үүрэг
• Аудитор, чанарын менежерийн шинэ үүрэг — нийцэл шалгах бус, үнэ цэнэ бүтээх
• Хиймэл оюун ухаан, өгөгдлийн чанар, кибер аюулгүй байдлыг чанарын удирдлагад нэгтгэх
• Уур амьсгалын өөрчлөлт ба Тогтвортой хөгжлийн зорилтууд (SDGs)

🟦🔴Аяллын II хэсэг – Европын 3 улс (Швейцарь, Итали, Австри)
AFNOR сургалтаас хойш оролцогчид Европын чанарын менежментийн сайн туршлагыг судлах зорилгоор Швейцарь, Итали, Австри улсын хотуудаар аялж, стандарт хэрэгжилтийн сонирхолтой жишээнүүдтэй танилцсан. Энэхүү шат нь оролцогчдод ОУ-ын аудит, байгууллагын соёл, менежментийн дэвшилтэт арга барилыг биечлэн судлах боломж олгосон.
🟦🔴Энэхүү Study Tour нь Монголын чанарын мэргэжилтнүүдийн мэдлэг, туршлагыг ОУ-ын түвшинд өргөжүүлж, AFNOR болон Монголын байгууллагуудын хамтын ажиллагааг шинэ шатанд гаргасан чухал алхам боллоо.
🔴 Аялалд оролцсон бүх байгууллага, оролцогчиддоо талархалаа илэрхийлье!

29/09/2025

✈️ MonCertf LLC - First Mongolian International Certification Organization
ISO STANDARD TRAINING & STUDY TOUR – 2025 албан ёсоор эхэллээ!

МонСертф ТҮБ-ийн 10 жилийн ойг тохиолдуулан бид 37 хүний бүрэлдэхүүнтэй төлөөлөгчидтэйгээр олон улсын чанарын дэд бүтцийн сургалт, туршлагын солилцооны Study Tour аяллыг эхлүүллээ.

Уг төлөөлөгчдийн бүрэлдэхүүнд:
✅ Groupe AFNOR -т бүртгэлтэй, олон улсын эрх бүхий ISO аудиторууд,
✅ Афнор группээр баталгаажсан аж ахуйн нэгжүүдийн төлөөлөл багтаж байгаа нь энэхүү аяллын үнэ цэнийг улам бүр нэмэгдүүлж байна.

Энэхүү Study Tour нь:
- Монгол Улсын чанарын дэд бүтцийг олон улсын түвшинд баталгаажуулах,
- Олон улсын стандартын байгууллагуудтай хамтын ажиллагаагаа өргөжүүлэх,
- Бизнес, хөрөнгө оруулалтын шинэ гарцыг нээж, цаашлаад Монголын аж ахуйн нэгжүүдийг дэлхийн зах зээлд гаргах, олон улсын хөрөнгийн биржид гарах өргөн боломжийг бүрдүүлэх түүхэн ач холбогдолтой анхдагч аялал юм.
- Монгол Аудиторуудыг Европын зах зээлд өрсөлдөх эхлэлийг тавьж буйгаар өндөр ач холбогдолтой болно.

Бид энэ аяллаар зөвхөн мэдлэг туршлага хуримтлуулаад зогсохгүй, хоорондоо нөхөрлөж, нэг зорилготой баг болон нягтарч, Монголын нэрийг дэлхийд гаргах том мөрөөдлийнхөө төлөө алхаж эхэлж байна.

Төлөөлөгчдөдөө сайн яваад, олз омог арвинтай ирэхийг, Монголын чанарын салбарыг дэлхийд таниулах өндөр амжилтыг хүсэн ерөөе!
Аян замдаа сайн яваарай! 🌍🧭🗼🏰🚎🛩

Энэхүү групп аяллыг дэмжиж тусалсан Ambassade de France en Mongolie даа баярлалаа!
Эрдэнэт үйлдвэр ТӨҮГ Erdenes Tavantolgoi JSC / Эрдэнэс Тавантолгой ХК Shunkhlai LLC / Шунхлай ХХК Дотоод хэргийн их сургууль I University of Internal Affairs Монос Косметик Олон Улсын Стандартын Академи Mongolian Stock Exchange - Монголын Хөрөнгийн Бирж GTM Бласт ХХК, Аглаг Хангайн Уулс ХХК, Pro HR Consulting LLC.

17/09/2025