What are the opening hours?

Monday 08:30 - 18:00 Tuesday 08:30 - 18:00 Wednesday 08:30 - 18:00 Thursday 08:30 - 18:00 Friday 08:30 - 18:00 Saturday 08:30 - 18:00

https://www.facebook.com/1671776696406290/

Улаанбаатар Брэнд, Алтан тэвш АОС, Ulaanbaatar (2026)

16/11/2020

• Шим Агро ферм нь 2018 оны 2 дугаар улирлаас сүүний чиглэлийн эрчимжсэн мал аж ахуйн ферм байгуулах төслөө эхлүүлсэн бөгөөд Төв аймгийн Эрдэнэ сумын нутагт Европ стандарт бүхий бүрэн механикжсан 100 саалийн үнээний ферм болон өсвөр үхрийн бааз бүхий үржлийн аж ахуй барьж байгуулсан.
• “Шим Агро” ферм нь 2018 оноос Монгол орны байгаль цаг уурын нөхцөлд дасан зохицож, нутагшсан сүү, махны хосолмол ашиг шимт “Алатау” үүлдрийн үхрийн генефондыг хамгаалах, “Brown Swiss” үүлдрээр зохиомол хээлтүүлгийн аргаар ашиг шимийн үзүүлэлтүүдийг дээшлүүлэн, стандартын шаардлага хангасан үржлийн хээлтэгч, хээлтүүлэгч өсгөн бойжуулан мөн хэрэглэгчдэд эрүүл, органик сүүг бэлтгэн нийлүүлэн ажиллаж байна.
• “Шим агро” ферм 2018 онд Төв аймгийн Баяндэлгэр сумын нутаг дэвсгэрт газар тариалангийн зориулалтаар 400га талбайг эргэлтэнд оруулан, өөрийн хэрэгцээт малын тэжээл болох шүүст тэжээл болон бүдүүн тэжээлийг бэлтгэн эрүүл, органик сүүг бэлтгэн нийлүүлж байна.
#ШимАгро

21/01/2019

17-р жарны урвуулагч хэмээх шарагчин гахай жил айсуй.

Өвөг дээдсийн үеэс уламжлан ирсэн төрт ёсны хамгийн том баяр болох Цагаан сарын баярын уламжлалт ёс заншлууд.

Монгол түмэн минь сар шинэдээ сайхан шинэлээрэй.

#Улаанбаатар #Брэнд

14/02/2018

Найман зууны түүхийг Нар зөв хурайлсан
Намхан хүлэгээ унаж Дэлхий зулайд омoгшсон
Нар сүлдтэй Монгол түмэн минь Тахиа жилээн үдэж
Настан буурлаан цэнгүүлэн Нохой жилээ угтаж байна
Нар хурайлж цэнгэлдэх дэлхийд ганцхан монгол заяа
Наран тойрогт алдарахгүй Эзэн Чингисийн угсаа
Сааршгүй сайныг билэгдэх эцэг дээдсийн заншилтай
Сайхан бүхнийг ерөөх энх мэндийн учиралтай
Монгол түмэн минь сар шиндээ сайхан шинэлээрэй
Та бүхэн сар шинэдээ сайхан шинэлээрэй

#УлаанбаатарБрэнд

13/02/2018

Хөөрөг зөрүүлэн мэндлэх ёсон

Цагаан сар бол Монгол түмний хүндэтгэл бахархлын их баяр байдаг. Энэхүү баяраар Монголчууд эхлээд ахмад настнуудынхаа амарыг эрж золгож мэндэлчхээд суудалд сууж хөөргөө зөрүүлж
-Сар шинэдээ сайхан шинэлж байна уу?
-Таны бие лагшин тунгалаг уу?
-Даага далантай, бяруу булчинтай, Сүрэг мал онд мэнд тарган тавтай оров уу?
хэмээн хөөргөө харилцан солилцож тамхилж мэндээ мэдэлцдэг.

Монголын ард түмэн хөөрөг, гаанс эд өлгийн дурсгалт үнэт зүйлийг хэрэглэн эрт дээр үеэс өнөө үе хүртэл сайн сайхан санааг асууж амар мэндээ мэдэлцэж хөөрөг зөрүүлэн тамхилж ирсэн заншилтай. Мэндлэх гэдэг бол хүндлэх болон ёс зүйт хүний сэтгэлээр элгэмсэг хандаж байгаагаа илэрхийлэх жинхэнэ Монгол үндэсний нэг илэрхийлэл юм. Монголчууд хөөргөөр тамхилахдаа ярилцаж ойлголцдог ар түмэн билээ.

Хөөрөг зөрүүлж мэндлэхдээ хөөрөгнийхөө толгойг султгаж тус тусынхаа хөөргөө алгандаа барьж бөөр бөөрөөр нь харилцан зөрүүлж золгодог. Хөөрөгтэй тамхийг авч хамартаа хүргэн үнэрлээд буцаан солилцдог. Энэ бол харилцан бие биенээ хүндэтгэсэн нөхөрсөг харилцааны илэрхийлэл болдог ажээ.

Монголчууд дунд ихэд дэлгэрсэн мэндчилгээний нэг хэлбэр нь хөөрөг солилцон мэндчилэх ёс юм. Хөөрөг солилцох ёс бол ирсэн угтсан бүгдээрээ эв найртай халуун дотноор бие биедээ хандаж буй дохио илрэл юм.

Ирсэн зочин гэрт орж суусны дараа гэрийн эзэнтэй хөөргөөр тамхилах эртний ёсыг баримтлан хөөрөг солилцон мэндэлдэг. Хөөргийг “Тамхилдаг заяатай шар”, “Мэндийн шар”, “Мэнд сайхны тамхи” хэмээн нэрлэж эрэгтэйчүүд биедээ авч аван тамхилж хөөрөг зөрүүлэн мэндчилдэг ёстой.
Монголчуудын эртний уламжлалт хөөрөг солилцон тамхилах ёсыг хөөрөг зөрүүлэх, хөөрөг тамхи барих, хөөрөг солилцох, хөөргөөр тамхилах гэх зэргээр нэрлэж иржээ.

Мэндлэхдээ ахмад буюу төрийн хүндэт хүнд эхэлж мэндчилж тамхилна. Настан буурал, хүндэт зочныг суудлаа эзэлсний дараа дүүмэд хүн хөөргөө гараараа өргөн биеэ бага зэрэг мэхийсхийн барьдаг.

Нөгөө хүн ч энэ үед өөринхөө хөөргийг даалингаасаа гаргаж баруун гараараа өгөхөд дүүмэд хүн нь хоёр гараараа тосон авч хамартаа хүргээд буцааж бариад өөрийн хөөргийг авдаг байна. Ингэж солилцохдоо хөөрөгнөөхөө толгойг нь бага зэрэг султган нар зөв гурав эргүүлж, өөрөө нэг үнэрлээд гарддаг. Тэр нь чөлөөтөй харилцах санаа, харилцан ойлголцох, эв найртай явахын бэлгэдэл болдог байна. Хөөргийг авсан хүн тамхинаас зохих хэмжээгээр халбагадан татах буюу үнэрлээд хүлээн зөвшөөрч байгааг илтгэн илэрхийлдэг.

Хөөрөг солилцон мэндлэхдээ дээлийн товчоо тайлах буюу ханцуй шамлах, сугалдарлахыг цээрлэдэг.
#УлаанбаатарБрэнд

12/02/2018

Сар шинийн хаяанд Баянзүрх дүүргийн 13-р хорооны өндөр настан, ахмадууддаа хүлээн авч сар шинийн бэлгээ өглөө.
Та бүхэн минь Урт наслаж Удаан жаргаарай 👵🏻🧓🏻👴🏻❤️👍✌️
#УлаанбаатарБрэнд

12/02/2018

Монгол түмний бахархал болсон уран бүтээлчиддээ
Сар шинийн бэлэг гардуулж талархал илэрхийллээ.

10/02/2018

#Зочлох ёсон

Халх ёсонд зочлон ирж буй хүний зочлох, ёс хот айлын морины уяа (шон) дээр хүрч ирээд: -Нохой хорь! гэж уг айл нохойтой, нохойгүй ялгалгүй хэлж гэрээс хүн гарч иртэл мориноосоо буулгүй хүлээж байгаад буудаг заншлаас эхэлдэг байна. Энэ нь нэгд зочилж ирж байгаагаа мэдэгдэх, хоёрт орох зөвшөөрөл авч буй ёсон ажээ.

Айлд зочлон ирж буй эр хүн гэрийн зүүн талд буух ёсгүй, зөвхөн баруун талд л буудаг. Энэ бол орчлонгийн зүг чигтэй уялдаатай Монголчуудын баруун талыг дээдлэх ёстой холбоотой юм. Морины уяан дээр ирсэн хүн “нохой хорь” гэхэд гэрийн эзэгтэй гарч (малгайгаа өмсөн, дээлийн товчийг бүрэн товчилсон байна) зочин угтаж авдаг заншилтай.

Хадам эцэг болон ах нар ирэхэд бэр очиж морийг нь барьж уян, зочноо түшиж буулгаад сугадах, эсвэл түшин явж үүдээ сөхөж гэртээ өөрийн өмнө хүндлэн оруулна. Хадмын гэрт юм уу эцгийн гэрт худууд ирвэл бэр тэнд орж тэдэнд мэндчилээд, хурдан гарч гэртээ орж цайгаа чанаж, тэр зочныг гэртээ заавал урьдаг заншилтай.

Эр хүн айлд зочлон орохдоо морио сайн уяж, лавлан хянаж үзээд айлын үүдээр орохын өмнө дээл хувцсаа янзлан, бүсээ засаж, хутгаа буулган, нударгаа эргүүлэн гэрт орж бүх хүмүүсийн амар амгаланг асууж мэндэлдэг. Бүгдийн мэндийг мэдэж уламжлалт заншил ёсоор гэрийн баруун талд сууж, тэдгээр хүмүүсийн тус бүрийн ажил үйлсийг ерөөн, насны эрэмбээр тамхилдаг.

Зочин орж ирэхэд суулгаад мэнд амраа мэдсэн даруй хамгийн түрүүнд таван тансаг идээний дээд гэж заавал шинээр цай чанаж, эзэгтэй цай аягалан барьдаг.

#Мэндлэх ёсон
Монголчуудын мэндлэх, хүндлэх ёс арвин баялаг уламжлалтай байдаг. Монголчуудын хүндэтгэлийн заншил нь нарийн дэг ёс, уламжлалтай ёсонд насаар дүү хүн буюу гаднаас ирж буй зочин хүн эхэлж мэнд амар айлтгадаг бөгөөд хэрэв шинэ жил гарсаар уулзаагүй бол золгодог ажээ.

Дүү хүн ахмад хүнийхээ тохойг дороос нь хоёр гардан хүндлэн золгодог.
Монголчууд дүү нь ахмад хүнийхээ амар мэндийг эхэлж асуудаг юм. Эрдэмтэн мэргэд, эзэн дээдэс, баатар цолтныг эгэл хүн энх амгаланг нь эрдэг ёстой. Олон түмэн мэндэлж золгохдоо насны эрэмбээр нь мэндэлж золгодог учиртай.

Халхчуудын мэндлэх ёсон
Халхчууд мэндлэх, мэндчилгээний баялаг хэллэгийг амьдрал ахуйдаа уламжлан өргөн хэрэглэсээр ирсэн заншилтай.
Халхчуудын мэндлэх ёс нь жилийн дөрвөн улиралд зохицсон байхын хамт уулзсан хүнийхээ хийж буй ажил үйлсийг ерөөж, талархаж мэндлэх, улмаар амар амгаланг айлтгадаг аж.
Үүнд:
Зуны улиралд: Сайхан зуншиж(зусаж) байна уу? Мал тарга авч байна уу? Ногоо цагаа элбэг үү?

Намрын улиралд: Тарган сайхан намаржиж байна уу? Мал сүрэг тарга сайн авав уу? Сөл ногоо сайн уу?

Өвлийн улиралд: Тарган тавтай, өнтэй сайхан өвөлжиж байна уу?

Хаврын улиралд: Сайхан хаваржиж байна уу? Өвөлдөө мал сүрэг тарган оров уу? Төл мэнд, сүрэг өсч байна уу?
Гэх мэтээр цаг улирал харгалзан мэндчилэх үгс нь монголчуудын эрхлэн адгуулж ирсэн мал сүрэг, аж ахуй өөдрөг байхыг эрхэмлэн дээдлэхийн билэгдэлтэй үргэлж холбоотой байсан ажээ.
#УлаанбаатарБрэнд

09/02/2018

Сар шинэ хаяанд ирлээ..
Misheel Expo Center - Цагаан сарын үзэсгэлэн худалдаанд #УлаанбаатарБрэнд -н бүх бүтээгдэхүүнүүд үйлдвэрийн үнээр худалдаалагдаж байна.
Та бүхэн сар шинэдээ сайхан шинэлээрэй.

05/02/2018

Шинийн нэгэнд нар мандахтай уралдан босож, шинэ дээл хувцасаа өмсөн, цайгаа чанан цай идээний дээжээ нар, байгаль дэлхийдээ өргөн, гэрийн тэргүүнтэй гэр бүлийн гишүүд эхэлж золгоно.
Ахмад хүнтэй золгохдоо хоёр гараар тохойг нь түшин золгож хоёр хацраа үнсүүлэн золгоно.

#Хадагтай золгох ёсон

Хадагтай золгох, хадаг барьж золгох нь золгогчоо хvндэтгэж байгаагаа илэрхийлэх талаараа адил боловч ялгаатай тал бий.
Хадаг барьж золгох ёсонд дvv хvн нь ахмаддаа хадгаа бvр мөсөн өгч золгодог бол хадагтай золгох ёслолд хадгаа хvнд өгдөггvй, ямагт өөртөө авч байдаг.
Ямар ч насны хvнтэй хадагтай золгож болно. Хадагтай золгоно гэдэг нь хадагныхаа нэг үзүүрээс баруун гарынхаа ядам хурууг дотор талаас нь нар зөв хоёр ороогоод чигчий хуруутай тал руу доош унжуулсан чигээрээ золгоно.
Мөн таныг золгох гээд дөхөж очиход цаад хvн хадаг авч хуруугаа ороогоод эхэлбэл та "энэ хvн намайг ихэд хvндэтгэж байгаа юм байна" гэж бодоорой.

#Хадаг барих ёсон

Монголчуудын баяр ёслолд хадгийг эдийн манлай болгон барьдаг. Хадаг нь хээ угалз, өнгө үсэг гэх мэт маш олон янз бөгөөд урт богиноороо ч харилцан адилгүй байдаг. Хээ чимгийн байдлаар хүний дүрстэй Аюуш хадгийг эцэг эх, ахмад настан, эрхэм хүнд голчлон барих бөгөөд нар, сар үсэг бүхий Нанжвандан хадгийг ихэвчлэн оршуулгын ёслолд хэрэглэнэ.
Хадгийг барих хүн рүүгээ амыг нь харуулж хүндийн эрэмбээр мэхийх юмуу сөгдөж барина. Авах хүн нь хариу мэхэсхийн хадгийг хоёр гардан аваад нямбай эвхэж хямгадах ёстой. Хадгийг барихдаа уул ёслолын тухай бэлэгтэй үг өгүүлж сүүлд нь эл баярт нийцүүлэн барих хадгийнхаа тухай доорхи үгийн аль нэгийг хэлж хадгаа гардуулна.

#Хадаг барихад хэлэх үг:

Цаглашгүй урт наст ариун хадаг
Тэгш эрхийн тэнгэрээс цэцэглэсэн
Дэлгэрэнгүй урт наст ариун цагаан хадаг
Идээний дээж элгэн цагаан тараг
Эдийн дээж ариун цагаан хадаг
Хадаг барьж золгохсон /хадгаа барьж золгоно/
#УлаанбаатарБрэнд

03/02/2018

Аясуу цагийн баярын билэгдэл
Алаг мэлхий өрж
Амттан бүхний дээжийг
Суваргалуулан битүүлж
Урин цагийн анхны өглөөг
Сүүн цацлаар угтан
Эрдэнийн чулуун хөөргөөр
Эр биесийн амрыг мэндчилж
Эхийн сэтгэл шингэсэн
Уураг улаан цайгаар
Хотол түмнээ дайлсан
Эртний түүхтэй Монголын цагаан сар
#УлаанбаатарСүү

02/02/2018

Цай чанах ёсон 🍵🤱👴👵💕
Шинийн нэгний өглөө гэрийн эзэгтэй эртлэн босож цай чанадаг. Эртний Монгол ахуйд гал түлж хоол цай хийх болон гэр дулаацуулахад тулгын гурван чулуунаас эхлээд дөрвөн хөлтэй төмөр тулга хэрэглэж байсан. Монголчуудын гал голомтын нэг бэлгэдэл нь тулга юм. Тиймээс тулгыг их хүндэтгэж ирсэн. Тулганд буй ил гал нь өрх гэрийг ивээж эрч хүчийг арвижуулж амьдралыг бадраана гэж үзсээр ирсэн.

Цайгаа чанаж байхдаа сайн сайхан бүхнийг бодож 108 удаа самардаг ба энэ нь маш онцгой энерги, амттай цай болдог. Цайныхаа дээжийг хангай дэлхий, тэнгэр бурхандаа өргөсний дараагаар цайны дээжээ гэрийн эзэн болоод настай хүндээ хүндлэн эхлэн барьдаг сайхан ёс уламжлалтай билээ Монголчууд бид.
#УлаанбаатарБрэнд

31/01/2018

ШИНИЙН НЭГНИЙ ИДЭЭ ЗАСАХ ЁС 🐕🐑🥖☯️🍵

Шинийн нэгний идээ будааны шим шүлт, өнгө жавхаанаас тэр жилийн буян хишиг тогтоно гэж үздэг.
Шинийн идээг засахдаа цагаан идээний билэгдлийг юу юунаас эрхэмлэдэг.

Шинийн идээ ундааг их идээ, бага идээ гэж эсвэл цагаалга, битүүлэг гэдэг. Их идээ томхон цар тавагт зассан самнаа хавсай, ул (хэвийн боов, самар, сүүл, цоохор боов, саран боорцог, шар, цагаан тос, ааруул хурууд, бал бурам, чихэр, үзэм, чавга)-аар чимэглэсэн идээг хэлдэг. Бага идээ гэдэг нь багашаархан няд тавагт зассан шүүс, буюу өвчүү хонтой шаант, залаатай богтос, дал дөрвөн өндөр зэргийг хэлдэг.
Их идээ буюу цагаан сарын тавгийн идээг засахдаа хавсай боов буюу ул боовыг гурав, тав, долоо, ес давхарладаг ёстой. Айл гэр бүл, ураг төрлийн дээдэс болсон өвөг юм уу эцгийн гэрийн тавгийн идээг долоо давхарлан засдаг. Өвгийн гэрийн идээг долоон давхар, эцгийн гэрийн идээг таван давхар, ураглаж хуримласан хүүгийн гэрийн идээг гурван давхар засна.

БИТҮҮНИЙ ИДЭЭ ЗАСАХ ЁС

Битүүний зоог эрүүг нь заагаагүй хонины битүү толгой юм уу өвчүү байдаг. Өвчүү чанасан бол өвчүүгээ өөд нь харуулан дээр нь дал, дөрвөн өндөр, шаант, залаатай богтос тавина. Битүү толгой чанасан бол аманд нь өвс ногоог төлөөлүүлэн сонгино сармис суулгаж, гургалдайны түрийтэй үзүүрийг толгойныхоо ард тавьж гургалдайгаар нар зөв ороож сэмжээр бүтээн дал дөрвөн өндөр, шаант богтосны аль нэгийг тавьдаг.
Битүүний орой бууз жигнэж банш чанан, мөн шөлний будаа хийж, айл хөршийндөө хүүхдээр хүргүүлдэг. Бууз, баншиндаа цагаан мөнгө хийж тэр бууз, банш таарсан хүн ирэх жил олз омогтой явахыг билэгшээдэг.
#УлаанбаатарБрэнд

Улаанбаатар Брэнд

16/11/2020

21/01/2019

14/02/2018

13/02/2018

12/02/2018

12/02/2018

10/02/2018

09/02/2018

05/02/2018

03/02/2018

02/02/2018

31/01/2018

Address

Opening Hours

Telephone

Website

Alerts

Contact The Business

Shortcuts

Share

Category

Monday	08:30 - 18:00
Tuesday	08:30 - 18:00
Wednesday	08:30 - 18:00
Thursday	08:30 - 18:00
Friday	08:30 - 18:00
Saturday	08:30 - 18:00