www.bona.mn
🏭 Protein Mongolia үйлдвэрийн бүтээгдхүүн.
🌱 Хаягдлаас эрүүл хөрс, эрүүл хөрснөөс итгэл дүүрэн ирээдүй
From Waste to Soil Nutrition
From Healthy Soil to a Sustainable Future Монгол Улсын хэмжээнд 2021 оны байдлаар 70 гаруй сая толгой мал тоологдсон бөгөөд түүнээс 20 сая орчмыг /богд шилжшүүлснээр/ нь хүнсний болон бусад хэрэгцээнд зориулан бойлж, эдгээр малын амьдын жингийн 40% орчмыг яс, цус болон дайвар бүтээгдэхүүн эзэлдэг. Тэдгээрийг хүмүүс хэрэгцээндээ төдийлөн ашигладаггүй бөгөөд энэ нь байгальд шууд хаягддаг байна.
Иймд монгол орны бэлчээрийн мал аж ахуйн голлох төрөл болох үхэр, хонь, адууны яс, цус, толгой, шийр, гэдэс дотор зэрэг дайвар бүтээгдэхүүнийг “Протейн” үйлдвэр нь үндсэн түүхий эдээ болгосон юм. Үйлдвэрлэлийн түүхий эдийг тусгай зөвшөөрөл бүхий хүнсний зориулалтаар мах бэлтгэдэг, экспортолдог үйлдвэрүүдээс шууд татан авдаг
Одоогоор манайд 10 гаруй аж ахуйн нэгж тогтмол түүхий эд цуглуулж, нийлүүлж байгаа бөгөөд энэ аж ахуйн нэгжүүдийн 30-40 ажилтан тогтмол орлоготой, ажлын байртай болсон.
Эрхэм зорилго:
Монгол Улсын малын гаралтай био хог хаягдлыг дэвшилтэд технологиор боловсруулан, иноваци шингэсэн бүтээгдэхүүнийг үйлдвэрлэж, байгаль орчны тэнцвэрт байдлыг хадгалах замаар тогтвортой хөгжлийг дэмжихэд оршино.
Үйлдвэрийн товч танилцуулга:
“Промон трейд” ХХК-ийн “Протейн” үйлдвэр нь монгол орны бэлчээрийн малын гаралтай яс болон дайвар бүтээгдэхүүнийг дэлхийд тэргүүлэгч Европ стандартын дагуу Итали технологиор боловсруулж, цэвэр байгалийн гаралтай мах-ясны тэжээлийн уураг, тос, органик бордоо болон гэрийн тэжээвэр амьтны тэжээл үйлдвэрлэдэг.
Манай үйлдвэр нь удирдлага, санхүү, бүтээгдэхүүн хөгжүүлэлт, инженер техникийн болон аж ахуйн албатайгаар үйл ажиллагаа явуулж байна.
Бүрэн автомат “Протейн” үйлдвэр нь Европын холбооны шаардлагыг хангасан 6 шат дамжлагатайгаар боловсруулалт хийдэг. Үүнд:
• Түүхий эдийг 5см-6см хэмжээтэй бутална.
• 10 барын даралтаар 133°С -140°С температурт 30 минутаас багагүй хугацаанд чанаж ариутгана.
• Шахагч машинаар тосыг шахаж гаргана.
• Гарсан тосыг цэвэршүүлнэ.
• Тэжээлийг тээрэмдэнэ.
• Тэжээлийг савлана.
Үйлдвэрлэж буй бүтээгдэхүүнүүд:
Уураг
Гахай, тахиа, мал, амьтны аж ахуй, малчид болон зарим ХАА-н нэгжүүдийн дотоодын хэрэгцээг бүрэн хангаж байгаа, импортыг орлох бүтээгдэхүүн юм.
Хоногт 33 тн үйлдвэрлэх хүчин чадалтай.
Манай хэрэглэгчид
Түмэн шувуут ХК – өндөгний аж ахуй
НВЦ ХХК-ийн Баян өндөгний аж ахуй
Гранд пиглет ХХК – гахайн аж ахуй
Бөднө шувуут ХХК – өндөгний аж ахуй
Астра интернейшнл ХХК – гахайн аж ахуй
Фор ви ар грийн ХХК – загасны аж ахуй
Бордоо
Яс болон малын гаралтай хаягдлуудыг химийн нэмэлт, урвалгүйгээр боловсруулж гаргаж авсан тул нэмэлт химийн найрлагагүй ОРГАНИК бордоо юм.
Газар тариалан, хүнсний ногоо, хүлэмжийн аж ахуй, ойжуулалт, цэцэрлэгжүүлэлт, уул уурхайн нөхөн сэргээлтэнд ашиглах зориулалттай хөрсний ялзмагийн шимт чанарыг нэмэгдүүлдэг, Кальци, Кали, Магни, Азот, Фосфороор баялаг.
Химийн бордоо нь зөвхөн ургамлыг тэтгэж, улмаар хөрс доройтдог бол ОРГАНИК “БОНА” бордоо нь хөрсний ялзмагийн шимт бодисыг нэмэгдүүлж, фосфор, азотын, кальци, кали, магнийн агууламжаараа ургамлыг давхар тэтгэж байдаг давуу талтай.
Тос
Хоногт 16 тн үйлдвэрлэх хүчин чадалтай.
Саван, гоо сайхны бүтээгдэхүүний үндсэн түүхий эд бөгөөд биодизель, тосолгооны материалын түүхий эд болдог.
©“Промон трейд” ХХК 2022
