Пүрэвдоогийн Батхишиг

21/05/2026

Эрх баригчид гадаадын хөрөнгө оруулалт хайгаад дуудаад явж байтал энд байгаа цөөхөн хэдээс нь буцааж гарч байна гэхээр нэг юм буруу байна даа. Харин тэр нь юу бэ?

20/05/2026

За даа аялал жуулчлал эдийн засгийн том салбар болох яахав 1 сая жинхэнэ жуулчин ирдэг болбол🤔. Гэтэл өдөрт 100$ үрдэг жуулчин чухал уу 1000$ гээд бодох. Гэтэл Францын Эйфэл цамхаг дээр л гэхэд 7 сая жуулчин, Ботсванагийн үндэсний паркт 2 сая, Бразилын Копакабана далайн эрэгт 4 сая жуулчин жилд ирдэг гэхээр бүтэн улсаараа 1 сая ч бага л юм. Гэхдээ улсаараа энд тэнд байдаг юмаа дэлгэж үзүүлээд сая хүрэхгүй гэхээр хүн заавал үздэг улс биш үзүүлэн, үзүүлэх юмтай л болмоор байгаам.

19/05/2026

Хотыг маань бас нэг идэвхитэн удирдах гээд бна уу даа🤪 бүтэхгүйээ

18/05/2026

18/05/2026

“Үлдэх зориг” баримтат кино өнөөгийн ардчилсан сайхан цаг үе ямар хүнд нөхцөлөөс ямар их золиос, зориг, ухаан шаардаж ирснийг мэдүүлэх, ойлгуулах ёстой олон санааг С.Зоригоор дамжуулан өгүүлжээ. Төрийн зүтгэлтэн хүн уншдаг, боддог, улс орны эрх ашгаа дээдэлдэг, түүнийхээ төлөө зогсож чаддаг, манлайлж чаддаг байх ёстой ажээ.

Киног бүтээсэн хамт олонд талархал илэрхийлье!

Надаас нэг ах хүнд

Тэр монгол хүний саруул ухаанд итгэдэг байжээ
Тэр хүний саруул ухаанд итгэдэг байжээ
Тэр саруул ухаанд итгэдэг байжээ
Тэр ухаанд итгэдэг байжээ
Тэр итгэдэг байжээ
Тэр байжээ
Байжээ.

Яруу найрагч Б.Батзаяа

"Үлдэх зориг" баримтат кино

16/05/2026

За байзөө🤔

16/05/2026

Номын баяраар уламжлалт ёсоор орлоо. ЕС асан С.Баяр гуайн гарын үсэгтэй Далан нөхөөс, Наян нажид авлаа. Жаран бутархайг уншихад олон зүйл тодорхой болсон шиг олон зүйлийн учиг тодрохуй хэмээн уншмуй.

Өндөр албан тушаалд хүрэгсэд өөрийн гэсэн өв үлдээх нь чухал. Сайнаар уу муугаар уу гэдгийг хойч нь үе нь үнэлнэ. Цаг хугацаа гэж шударга шүүгч буйг мөнхөд санаж явахыг хичээсү. Номоо уншаад сэтгэгдлээ хуваалцана даа✅

16/05/2026

Өдөр тутмын хэрэглээний махны үнэ талийлаа. Зарим сайд нь өндөр үнэтэй бол хямд тахиа гахайны махаа ид гэж байна. Зарим нь махыг улс бэлтгэн нийлүүлье гэнэ. Нөөцийн мах гээд жил бүр өгөөд байгаа хөнгөлөлттэй зээл чинь тэр л дээ. Гэтэл урд хөршид үхрийн мах манайхаас хямд байна гэнэ. Удахгүй урдаас мах импортолж идэх нь үү.

Мах үнэд орвол малчдад хэрэгтэй биз дээ! Үнэтэй үед нь хурдхан хэдэн хонь үхрээ зарвал намар хүүхдийн сургалтын төлбөр, байр түрээсний мөнгөнд толгой өвдөхгүй. Мөнөөх шинэ хоршоо уул нь яг ийм зорилгод нийцэх эд. Айл хотлоороо нийлээд зоорио бариад, махаа бэлтгээд, үнэ оруулж зарахад улсын гар хараад байх юмгүй.

Харин нөөцийн мах бэлтгэнэ гээд хөнгөлөлттэй зээл авч буй нөхдүүд бол хэзээ ч хоршоог дэмжихгүй. Махны үнийг ч барьж чадахгүй. Харин тэр зээлийн хүүг хэдүүлээ инфляци, төгрөгийн ханшны уналтаараа төлцгөөдөг дөө.

Газар тариалангийн, аялал жуулчлалын, шатахууны, ямар нэг хөтөлбөрийн хөнгөлөлттэй зээлийн хүүг цөөхөн нь хүртэж дийлэнх нь төлөлцөж буйг ойлгочихвол тээ✅

13/05/2026

ChatGPT гэж бас л сайхан зална шүү дээ. Харангын Долгорын дуу гээд бичихэд л сайхан хариулж байгаам. Тэр ч яахав ажлын багаж зэвсэг учраас тэрийг хэрхэн ашиглах бэ гэдэг нь оюун ухаант хүнээс хамаарна.
Гэхдээ бас бүхэл бүтэн яамны өмнөөс тийм юм шууд постлох ч … за тэгээд буруутан олох ч амархан буулга нь хамгийн доод түвшиндээ л хатуу буугаад дарга захирал шат шатны нөхдүүд амиа аваад бултах нь элбэг. Танай байгууллагад алдаа гарахаар хэн дээр бууж байна? Бод бод.