14/08/2026
Эрчим хүчний салбарын нийт ажилтан, албан хаагч, ахмадууд, ИТА-ууддаа эрчим хүчний ажилтны өдрийн баярын мэндийг дэвшүүлье
МЭНДЧИЛГЭЭ
Эх орныхоо хөгжил дэвшлийн галыг бадрааж, айл өрх, үйлдвэр, аж ахуйн нэгж бүрийг гэрэл, дулаанаар хангах эрхэм үйлсэд сэтгэл зүрх, мэдлэг оюун, хүч хөдөлмөрөө зориулан ажиллаж ирсэн эрчим хүчний салбарын үе үеийн ажилтан, албан хаагчид, инженер техникийн ажилтнууд, эрдэмтэн судлаачид, ахмад буурлууд Та бүхэндээ “ЭРЧИМ ХҮЧНИЙ АЖИЛЛАГСДЫН ӨДӨР”-ийн баярын мэндийг өргөн дэвшүүлье.
Та бүхэн жилийн дөрвөн улирал, цаг агаарын ямар ч нөхцөлд хариуцлага, мэргэжлийн ур чадвараа дайчлан, улс орныхоо эрчим хүчний найдвартай, тасралтгүй үйл ажиллагааг ханган ажиллаж ирсэнд талархал илэрхийлье.
Цаашид эрчим хүчний салбар маань тулгамдсан асуудал, сорилт бэрхшээлийг хамтын хүчээр даван туулж, дэвшилтэт техник, технологид суурилсан, найдвартай, үр ашигтай салбар болон улам бүр хөгжинө гэдэгт итгэлтэй байна.
Гэрэл түгээгчид, Монгол Улсын гал голомтыг бадраагчид аа,
Та бүхэндээ болон гэр бүлд тань эрүүл энх, аз жаргал, сайн сайхан бүхнийг хүсэн ерөөж, ажил үйлс тань өөдрөг, амжилт бүтээлээр дүүрэн байхын ерөөлийг дэвшүүлье!
Монгол Улсын хөгжил дэвшлийн гал голомт болсон Эрчим хүчний салбар мөнхөд өөдлөн дэвжих болтугай 🇲🇳
МОНГОЛ УЛСЫН ИХ ХУРЛЫН ГИШҮҮН,
ЗАСГИЙН ГАЗРЫН ГИШҮҮН,
ЭРЧИМ ХҮЧНИЙ САЙД Б.НАЙДАЛАА
