02/04/2024
https://www.facebook.com/100070665070024/posts/311373361228164/?mibextid=rS40aB7S9Ucbxw6v
Нэг хээнцэр залуухан бүсгүй өөрийн тарьж ургуулсан гүзээлзгэнээ зарж байсан эмээгээс нэг хувин гүзээлзгэнэ ямар үнэтэйг асуухад худалдагч эмээ:
- 350 гэж хариулав.
- «Би 300- аар авъя, эсвэл явлаа»гэж бүсгүй хэлэхэд эмээ:
- « Өөрийнхөө боломжтой үнээрээ авдаа, хонгорхон минь….
Надад энэ мөнгө амьдралд минь нэмэр болдог юмаа» гэж эелдэгээр хариулав.
Өнөөх залуу бүсгүй өөрийн хэлсэн үнээрээ гүзээлзгэнээ аваад ялалт байгуулсан сэтгэгдэлтэйгээр үнэтэй машиндаа суугаад одов.
Хэдхэн цагийн дараа өнөөх бүсгүй олонд нэртэй болоод байгаа тансаг зоогийн газарт найз бүсгүйн хамт очоод хоолны цэснээс өөрсдийн хүссэн бүхнээ захиалан авч, зураг хөрөгөө авцгааж, хоолоо багахан зооглоцгоогоод захиалсан хоолнуудынхаа ихэнхийг үлдээгээд, хоолны төлбөр 2600 болсон ч тэд 3000- ыг төлөөд хариултыг нь “гарын мөнгө” болгон үлдээгээд гарч явцгааж.
Энэ явдал өнөө үед тансаг зоогийн газрын эзэн болон олон хүнд байдаг л нэг зүйл мэт санагдах ч зуслангийнхаа алга дарамхан газартаа хүч хөдөлмөрөө зарцуулан тарьж ургуулсан жимсээ зарж амьдралдаа нэмэрлэх гэж зүдрэн байж, ялангуяа халуун нар шарсан өдөр бол бүүр ч хэцүү зам туулан байж хот газар очсон эмээгийн хувьд тун шудрага биш явдал биш үү?!
Олонхи нь яагаад ядрангуй, өөрсдөөсөө дорой харагдсан, бидний дэмжлэг хэрэгтэй хүмүүсээс юм худалдан авахдаа эр бар, сүр хүчийг үзүүлэх дуртай байдаг мөртлөө дэмжлэг тусламж хэрэггүй хүмүүст нэг их өгөөмөр царайлдаг юм бэ?!
Аав минь ядарсандуу хүмүүсээс барааг нь өөрт нь хэрэггүй байсан ч хэлсэн үнээр нь худалдан авч заримдаа илүү үнэ төлөх ч үе байдаг байсан.
Би нэг удаа ааваасаа:
— « Та яагаад ингэдэг юм бэ?» гэж асуухад аав:
— «Энэ бол өөрийнхөө чансаандаа өлгийдөж боосон сайн үйл юмаа. Хүү минь бид үргэлж хүмүүст талархаж, дэмжиж байхын төлөө хичээх ёстой юм шүү“ гэж билээ.
P.S. Энэ нийтлэлийг ихэнхи нь бусадтай хуваалцахгүй гэдгийг мэдэж байна. Гэхдээ та үүнийг энэ хүртэл уншиж байгаа хүмүүсийн нэг бол энэрэнгүй үйлдлийн тухай энэ түүх таны зөв чигт алхахад чинь нэмэр болно гэж бодож байна.
Орч.Luvsandorj Tsetsgee.
https://www.facebook.com/vovakozhurin
