18/10/2023
Авхуулдаг хүүхэд сэтгэхүйн хөгжлөөрөө бусдаасаа илүү байдаг 😱
“Хүүхдийг их тэврээд байхаар тэврүүлээд сурчихдаг” гэсэн хүмүүсийн түгээмэл бодлын эсрэгээр мэргэжлийн хүмүүс хүүхдийг тэвэрч, хайр халамж үзүүлж бай хэмээн зөвлөсөн байдаг юм байна 🧐
0 -12 сартай хүүхдийг тэврэх нь түүний тархи болон мэдрэлийн системийн хөгжилд эерэгээр нөлөөлж, илүү ухаантай болоход нь тус болдог байна 🤓
Энгийн жишээ дурьдвал:
Ихэнхдээ л орон дээр эсвэл тэргэн дотроо хэвтэж байдаг хүүхдэд тэнгэр, тааз ч юмуу унь, хэдэн тоглоом, эсвэл хайчилсан үнэг, хааяа ээжийнх нь дээрээс тонгойх царай л харагдана. Гэтэл хүүхдийн сэтгэхүйн хөгжил ямар болох вэ гэдэг нь тааз ширтэж өнгөрөөх энэ эхний нэг жилээс л хамгийн их шалтгаалдаг гээд байгаа 🧐
Харин тэврүүлдэг хүүхдийн нүдэнд цонх, сав суулга, олон өнгийн даавуу, дэлгээстэй ном, сонин гээд олон зүйл тусна. Бас хүүхэдтэйгээ ярьж “одоо халбага, аяга, талхаа авна” гэх зэргээр барьж байгаа зүйлээ нэрлэж танилцуулж байх. Ингэж авахуулсан хүүхдүүд үзсэн харсан зүйлдээ сэтгэл ханаж, орчлон хорвоотой танилцаж тархи нь илүү хурдтай хөгждөг байхнээ 🧠
Мөн түүнчлэн эхийн энгэр, дулаахан өвөр нь нярай хүүхдийн дотоод сэтгэлийн тайвшрал, амар амгаланг бүрдүүлэхийн зэрэгцээ ирээдүйд өөртөө итгэлтэй байх хамгийн том эерэг нөлөөг үзүүлдэг нь мэдээж 👌🏻
Ер нь бид бяцхан үрсээ хэр удаан ингэж тэврэх билээ дээ. Тэд маань хэдэн cap өнгөрөхөд л мөлхдөг, явдаг болчихоод тэгж их авахуулах гээд байлгүй, өөрсдөө олон шинэ зүйлийг нээдэг болчихно шүүдээ 👼🏻
Хүүхэд насны богинохон энэ хугацаанд нь хөөрхөн үрсээ тэврэн хайрлаж байгаарай ээжүүд минь 🩵
🐨🐨🐨🐨🐨
💙 Энхрий үрсийн тань арьсийг хайрлах хөвөн даавуун материалтай Aiwibi 💙