Монгол улсын хөгжлийн ирээдүйг тодорхойлогч эрчим хүч, уул уурхай, барилга, авто зам, төмөр замын салбарт олон улсын стандартын шаардлага хангасан өндөр бүтээмжтэй техникүүд орж ирж байгаатай уялдан чадварлаг залуу боловсон хүчин, мэргэжилтэй ажилчинг бэлтгэн нийлүүлэхэд манай сургалтын төвийн эрхэм зорилго оршиж байгаа юм.
Энэхүү зорилгыг биелүүлэхийн мөн чанар нь Монгол улсын залуу иргэдийг те
хникийн өндөр боловсролтой, харилцааны өндөр соёлтой, итгэл дааж ажиллаж чадах ур чадварыг эзэмшүүлж ажил олгогчдын эрэлт хэрэгцээг хангахад оршино. Манай сургалтын төв нь байгуулагдсан цагаасаа эхлэн улсын ба хувийн хэвшлийн үйлдвэрүүдэд өөрийн бүтээгдэхүүн болсон чадвартай шавь нараа ажлын байранд бэлтгэн нийлүүлсээр ирсэн. Сургалтын төв нь сургалтын материаллаг баазаа улам өргөтгөж сургалтын төлөвлөгөө хөтөлбөрийг олон улсын шинжлэх ухаан техник технологийн хөгжилд нийцүүлэн шинэчилж, уул уурхайн үйлдвэрүүд болон шинээр байгуулагдан ажиллаж байгаа газруудтай харилцан хамтын ажиллагааг явуулахын зэрэгцээ өндөр мэдлэгтэй багшлах боловсон хүчнийг бүрдүүлж, мэргэжлийн сургалтын үйлчилгээний чанарыг сайжруулахад онцгой анхаарч ажилладаг.
Эх орны уул уурхайн салбарын эрчимтэй хөгжлийг хангах, хүний нөөцийг бүрдүүлэхэд бүтээлч, чадварлаг, идэвхи санаачлагатай, техникийн ажилтны шинэ үе залуу халааг бэлтгэж ажлын байраар хангахад сургалтын төвийн багш удирдлагууд чармайн ажиллаж байна.
Тус сургалтын төвд итгэл дааж ажиллаж байгаа багш нар болон сургалтын хөтөлбөрийг амжилттай гүйцэтгэж ажлын байран дээр нэр төртэй ажиллаж байгаа нийт шавь нар болон мөн бидний ажлыг дэмжин хамтран ажиллаж байгаа улсын болон хувийн уул уурхайн компаниуд, үйлдвэрийн газрын хамт олонд ажлын өндөр амжилт хүсч чин сэтгэлийг халуун мэндчилгээг дэвшүүлье.
Монгол хүний хөгжлийн төлөө хамтран ажиллаж эх орноо хөгжүүлье.
