08/05/2026
Сүүлийн үед компанийн захирлууд, хүний нөөцийн менежерүүд, хувиараа бизнес эрхлэгчид, үйлчилгээний байгууллагын хүмүүс, бүр олны танил хүмүүс хүртэл нэг ижил асуудлыг ярьдаг болжээ.
“Монгол хүнээ урт хугацаанд тогтвортой ажиллуулах үнэхээр хэцүү болж байна. Заримдаа гаднаас хүн авах нь илүү найдвартай мэт санагддаг...” гэж.
Бид өөрсдөө чадвартай, хөдөлмөрч хүмүүс. Гэхдээ ажил олгогчдын зүгээс хамгийн их тулгардаг асуудлууд үнэхээр нийтлэг болжээ.
Тухайлбал:
• Ахуйн шалтгаанаар гэнэтийн чөлөө их авдаг
• Цалин буусан маргааш ажилдаа ирэхгүй алга болдог
• Архи, шоу цэнгээний асуудлаас болж ажлын хариуцлага алддаг
• Урт хугацаанд ажиллах итгэл төрүүлээд дундаас нь орхиод явчихдаг
• Байгууллагын эд зүйлс, бараа материал алдагдах асуудал гардаг
• Ажил олгогчийн дотоод асуудлыг гадагш ярьдаг
• Зааж сургасан ур чадвараа аваад шууд өрсөлдөгч болоод явчихдаг
• Ачаалал, ажлын шаардлагаа даахгүй атлаа цалин нэмэх асуудлыг түрүүлж ярьдаг
Мэдээж бүх хүн ийм биш. Маш сайн, үнэнч, тууштай ажилладаг хүмүүс олон бий. Гэхдээ ажил олгогч талд ийм эрсдэлүүд байнга давтагдсаар байгаа нь үнэн.
Ажил гэдэг зөвхөн цалин аваад явах биш —
итгэл, хариуцлага, тууштай байдал дээр тогтдог харилцаа юм.
Хэрвээ бид өөрсдөө ажлын байран дээрээ хариуцлагатай, тогтвортой байж чадвал гаднаас ажиллах хүч авах хэрэгцээ ч багасна. Монгол хүнээ Монголдоо үнэлдэг, хамтдаа өсдөг орчныг бий болгох нь бид бүгдийн асуудал болоод байна.
Та ямар бодолтой байна вэ?
