06/09/2026
Ээ бурхан минь😦 Би саяхнаас нэг цэвэрлэгээний компанид ажилд орсон юм. Манайхдаа гэрээтэй гээд нэг айл 4 үйлчлэгч дуудсан юм байна. Манай захирал сайн цэвэрлээрэй гээд захиж захиж биднийг явуулав. Аймаар баян айл гэдгийг очих замдаа мэдсэн л дээ. Зөндөө л баян айлд очиж байлаа, гэхдээ энэ айл😮😲 Гэрт нь ороод шок😮
Бурхан будда минь. Алтан мөнгөн авдар ч байх шиг бид нээрэн яаж амьдардаг юм бэ😭. Зүгээр тэр айлыг энд бичих илүүц угаасаа тасарчихсан. Миний харсан зүйлд та нар ч итгэхгүй угаасаа. Хамгийн аймаар нь 13-14 орчим насны охинтой, охин нь 2 найзтайгаа орж ирээд биднийг зүгээр нохойноос дор үзэж байна🥹
Тэдний хүүхдүүд хоорондоо жирийн айлын хүүхдүүд гэж бид нарын хүүхдүүдийг ярьдаг юм байна. Тэр жоохон охид бие биедээ хувцас гутлаа гайхуулж байна, 2000$, 3000$, 10.000$ ерөөсөө л $ ярьж байна. Тэр охинд дэлхийн бүх брэнд байна. Юун Данхын бэр, тэр бол жулдана. Бүгд 16 про мах барьсан, бүгд л хамгийн үнэтэй болгоныг хэрэглэсэн өсвөр насны жоохон охид. Зуны амралтаараа Сингад байсан Америкт байсан тухайгаа яриад😮
Би ийм юм солонгос кинон дээрээс л харж байлаа, үнэндээ. 10 сард ээж дүү нар нь Сингапур дахь хаусандаа өвөлжинө, аав бид хоёр амралтын өдрүүдээр очоод байна ч гэх шиг. Нээрэн бид одоо яаж амьдраад байгаа юм бэ. Би 11 настай охинтой. Миний охин 150000 төгрөгөөр пүүз авч өгөхөд хагартлаа баярлаж байгаа юм чинь. Би жоохон хүүхдэд арай үнэтэй гутал авчихлаа даа гэж бодож байсныг яана😒 Зүгээр жишээ хэлье, энэ айл хаусныхаа шатны голоор унжуулсан абжур нь 1.2 тэрбум төгрөгний үнэтэй абжуртай😳 Атаархал төрөх шиг, үзэн ядах шиг. 12 өрөөг өдөржин цэвэрлэж ирээд унтах гээд хэвтэж байхдаа гурван хүүхдээ хараад хоолой зангирч өрөвдөх шиг, өөртөө ч гомдох шиг🥹 Бидний хажуухан талд цөөхөн хэдэн хүн зүгээр үлгэрийн амьдралаар амьдарч байна.
