Erdenes Oyu Tolgoi

01/09/2026

ОЮУ ТОЛГОЙН НОГДОЛ АШГИЙГ ИРГЭДИЙН ХУРИМТЛАЛ, ХӨГЖЛИЙН ТӨСӨЛД ЗАРЦУУЛНА

#ЕСөнШийдвэр
#Төсөв2027

01/09/2026

Эрдэмтэн багш нар, оюутан залуус, сурагч бяцхан хүүхдүүд Та бүхэндээ 2026-2027 оны хичээлийн шинэ жилийн баярын мэнд хүргэж, сурлага, урлаг, спортын өндөр амжилт хүсье💯📚.

Сурах үйлс нь гэгээн байж
Сурсан бүхэн нь дэлгэрэх болтугай

ХИЧЭЭЛИЙН ШИНЭ ЖИЛИЙН БАЯРЫН МЭНД ХҮРГЭЕ 💐🎉🎉

25/08/2026

Нэгдсэн Үндэсний Байгууллагын Цөлжилттэй тэмцэх конвенцын талуудын COP17 бага хурлын үеэр “Эрдэнэс Оюу Толгой” ХХК, Рио Тинто, “Оюу толгой” ХХК хамтран сэргээгдэх эрчим хүчний хэрэглээг нэмэгдүүлэх, усны нөөцийг хамгаалах, газрын доройтлыг бууруулах, нөхөн сэргээлтийн шилдэг туршлагыг нутагшуулах чиглэлээр хэрэгжүүлэх ажлуудаа цаашид эрчимжүүлэхээ зарлалаа.

Энэ үеэр “Эрдэнэс Оюу Толгой” ХХК-ийн Гүйцэтгэх захирал Б.Тэлмүүн, Рио Тинтогийн Зэсийн группийн Гүйцэтгэх захирал Кэйти Жаксон, “Оюу толгой” компанийн Гүйцэтгэх захирал С.Мөнхсүх нар байр сууриа илэрхийлэв.

Oyu Tolgoi
Rio Tinto

21/08/2026

18/08/2026

COP17: Ногоон бүсийн нээлт боллоо

Цөлжилттэй тэмцэх тухай НҮБ-ын конвенцын талуудын 17 дугаар бага хурал (COP17) өчигдөр (2026.08.17) албан ёсоор нээлтээ хийсэн. Хурал нь цэнхэр бүс болон ногоон бүс гэсэн хоёр хэсгээс бүрдэж байна.

🔶 Цэнхэр бүсэд албан ёсны хэлэлцээ, салбар хуралдаанууд зохион байгуулагдаж байгаа бол ногоон бүсэд олон нийт, бизнесийн байгууллага, иргэний нийгмийн байгууллагууд байгаль орчныг хамгаалах чиглэлээр хэрэгжүүлж буй төсөл, хөрөнгө оруулалт, шилдэг туршлага, шинэлэг шийдлүүдээ танилцуулж зориулсан үзэсгэлэн, хэлэлцүүлэг, олон төрлийн арга хэмжээг зохион байгуулж байна.

🔶 Тухайлбал, “Оюу толгой” ХХК тогтвортой хөгжлийн зорилтуудад оруулж буй хувь нэмэр, байгаль орчны чиглэлээр хэрэгжүүлж буй сайн туршлага, ус дахин ашиглалт, биологийн олон янз байдлыг хамгаалах, ойжуулалт, нөхөн сэргээлт, хог хаягдлын менежментийн талаар мэдээллээ ногоон бүсэд танилцуулж, нээлттэй мэдээлэл өгч байна.

🔶 Харин “Чингис хаан баялгийн сан нэгдэл” ХХК бүрэлдэхүүний компаниудынхаа хамтаар 12 өдрийн турш үргэлжлэх цуврал арга хэмжээг зохион байгуулахаар төлөвлөж, өнөөдөр ногоон бүс дэх үйл ажиллагааныхаа нээлтийг хийлээ. Нээлтийн үеэр “Чингис хаан баялгийн сан нэгдэл” ХХК-ийн Гүйцэтгэх захирал Б.Даваадалай “Уул уурхай гэдэг нь зөвхөн газрын хэвлийн баялгийг олборлох тухай ойлголт биш. Байгалийн баялгийг хариуцлагатай ашиглаж, байгаль орчинд үзүүлэх сөрөг нөлөөллийг бууруулан, доройтсон газрыг нөхөн сэргээж, үр өгөөжийг нь ирээдүй хойч үедээ өвлүүлэн үлдээх нь бидний эрхэм үүрэг” хэмээн онцлон тэмдэглэв.

Монгол Улсын Засгийн газар
Erdenes Mongol
Oyu Tolgoi

17/08/2026

НҮБ-ЫН ЦӨЛЖИЛТТЭЙ ТЭМЦЭХ КОНВЕНЦЫН ТАЛУУДЫН 17 ДУГААР БАГА ХУРАЛ (UNCCD COP17) ЭХЭЛЛЭЭ

🇲🇳Монгол Улсын нийслэл Улаанбаатар хотноо НҮБ-ын Цөлжилттэй тэмцэх конвенцын Талуудын 17 дугаар бага хурал албан ёсоор өнөөдөр нээлттээ хийж байна.

Дэлхийн улс орнуудын төр, засгийн тэргүүн, сайд нар, олон улсын байгууллага, эрдэмтэн судлаач, бизнес, иргэний нийгэм, залуучуудын төлөөлөл “ЭХ БАЙГАЛИА СЭРГЭЭЕ, ИТГЭЛ НАЙДВАРАА БАДРААЯ” уриан дор Монгол Улсад чуулна.

14/08/2026

03/08/2026

220 кВ-ын ил хуваарилах байгууламж ашиглалтад орлоо

🔶Монгол Улсын эрчим хүчний системийн найдвартай ажиллагааг дээшлүүлэх, өсөн нэмэгдэж буй хэрэглээг хангахад дэмжлэг үзүүлэх ач холбогдолтой “Зэс-Оюу” 220 кВ-ын ил хуваарилах байгууламж өнөөдөр (2026.08.03) Өмнөговь аймаг дахь Оюутолгойн уурхайн цогцолборт ашиглалтад орлоо.

🔶“Оюутолгой” компанийн хөрөнгө оруулалтаар барьсан эл байгууламж нь Монгол Улсын төвийн эрчим хүчний системийг Өвөр Монголын Өөртөө Засах Орон (ӨМӨЗО)-ы эрчим хүчний системтэй зэрэгцээ ажиллагаанд залган ажиллах техникийн боломж бүрдүүлж буй. Ингэснээр өвлийн оргил ачааллын үед 80 МВт хүртэлх цахилгааныг ӨМӨЗО-оос нэмж импортлон, өмнөд бүсийн зарим хэрэглэгчийг хангаснаар төвийн бүсийн эрчим хүчний системийн ачаалал буурна.

🔶 220 кВ-ын зургаан оруулгатай, гурван км урт цахилгаан дамжуулах агаарын шугамын хамт барьсан энэхүү иж бүрэн байгууламж нь Оюутолгойн уурхайн цахилгаан хангамжийг Монгол Улсын эрчим хүчний нэгдсэн системтэй холбох дэд бүтэц юм.

Монгол Улсын Эрчим Хүчний Яам
Oyu Tolgoi

28/07/2026

ДЭЛХИЙ НИЙТ НЭГ ЗОРИЛГЫН ТӨЛӨӨ МОНГОЛД ЧУУЛНА ✅

📌COP17 нь дэлхийн мэргэжилтнүүд болон орон нутгийн иргэдийг нэгтгэн, газар нөхөн сэргээх, хүнсний аюулгүй байдал, уур амьсгалын тэсвэрлэх чадавхыг бэхжүүлэх бодит шийдлүүдийг хэлэлцэнэ.

📍Монголын өвөрмөц нүүдлийн соёл, баялаг уламжлал, уудам тал нутгийг дэлхийд таниулах боломж.

ЭХ БАЙГАЛИА СЭРГЭЭЕ
ИТГЭЛ НАЙДВАРАА БАДРААЯ