16/02/2021
НЭТВОРК МАРКЕТИНГ БИЗНЕСИЙН ТҮГЭЭМЭЛ 11 АСУУЛТ
Нэтворк маркетинг бизнес сонирхоод, хийж үзмээр санагдавч яг шийдвэр гаргахад эргэлзээтэй зүйлс тулгараад байна уу? Хүмүүст тулгардаг хамгийн гол ба түгээмэл 10 асуултанд дэлгэрэнгүй хариулж бичлээ. Эндээс мэдэхийг хүссэн зүйлийнхээ хариултыг олно гэдэгт итгэлтэй байна. Уншиж судлаад, шийдвэрээ гаргаарай!📷📷
1. Энэ чинь сүлжээний бизнес биз дээ?
Сүлжээний бизнес буюу олон улсын стандарт нэршил нь нэтворк маркетинг бизнес нь хууль ёсны, ёс зүйтэй, шударга үнэлгээтэй, шууд худалдааны зарчимтай бизнесийн систем юм. Үйлдвэрээс гарсан өвөрмөц, чанартай бүтээгдэхүүнийг хэрэглэгчийн гар дээр нэмэлт өртөггүй, дамжлагагүй хүргэх гол зорилготой юм. Тэгснээр хэрэглэгч хамгийн боломжит үнээр өндөр чанартай бүтээгдэхүүн хэрэглэх юм. Харин ашиг орлого олохыг хүссэн хүн бүр /насанд хүрсэн/ үнэгүй бизнес эрхлэгчээр бүртгүүлээд, бэлэн сургалт, системийн дагуу ажиллах боломжтой. Ажиллахадаа бүтээгдэхүүний борлуулалт хийх болон шинэ дистрибьютрүүдийг бий болгох замаар баг үүсгэж, түүнийхээ хөгжүүлэлт үзүүлэлтийн дагуу олон урамшууллыг авдаг.
2.Би сүлжээ хийж чадахгүй
Юуны өмнө та өөрөө сүлжээний хэрэглэгч гэдгээ ойлгоорой. Та Номин, Имарт, Сансар сүлжээ дэлгүүрүүдээс орж хүнс авдаг, United Colors of Benetton, Terranova, Gobi, Goyo сүлжээ дэлгүүрүүдээс хувцас авдаг, Mobicom, Skytel, Ddish, Univision, Skygo, Netflix сүлжээг ашиглан интернет орж, утсаар ярьж, ТВ болон бусад контент үздэг, гадаадад аялахдаа Uber, Airbnb сүлжээг ашиглаж буудаллаж, такси барьдаг, Facebook, Youtube, Pinterest, Snapchat гээд олон нийтийн сүлжээ цаг тутамд ашиглаж хүмүүстэй харилцдаг. Энэ бол сүлжээ. Сүлжээний бизнес хийнэ гэдэг нь тэдгээр шиг олон салбар үүсгэж, харилцаа холбоогоо ашиглан борлуулалт хийн ажиллахыг л хэлж байгаа юм. Та угаасаа л сүлжээн дотор амьдарч байгаа юм чинь тэрийгээ ашиглаад орлого олж болохгүй гэж үү?!
3. Би хэр их мөнгө олж болох вэ?
Нэтворк маркетинг бизнес эрхэлнэ гэдэг нь өөрийнхөө хувийн бизнесийг эхлүүлж байна гэсэн үг. Бид жижиг хүнсний дэлгүүр ажиллуулахаар бизнес хийж байна гэж ойлгодог. Хэрэв дэлгүүр нээсэн бол та сард дэлгүүрээсээ хэдэн төгрөгний орлого олмоор байна. Орлогоо нэмэгдүүлэхийн тулд юу хийх байсан бэ? Яг түүнтэй адил нэтворк маркетингийн бизнесээс хэдийг олмоор байна та өөрөө л шийднэ. Хамгийн энгийн нэмэлт орлого гэвэл 200-300К. Ах дүү, найз нөхөддөө хэрэглээний бүтээгдэхүүн санал болгоод ийм мөнгө олж болно. Amway компаний бизнес эрхлэгч болоод баг үүсгэж, суралцаж, хүмүүстэй хамт хөгжсөнөөр сардаа 3-5 сая төгрөгний орлоготой болж болно. Дунджаар 6 сараас 1 жилийн хугацаанд хүмүүс ийм орлогод хүрч чаддаг. Amway дээр орлогын дээд хязгаар гэж байхгүй. Хэр сайн ажиллана, түүнийхээ хэрээр олдог. 2-4 жил ажиллаад, амжилтын тодорхой түвшин шаардлагад хүрвэл сард 15-20 сая төгрөгний орлоготой болох боломж хүн бүрт бий. Яг ийм орлогыг авч чадсан, улам нэмсээр байгаа хүмүүс монголд бий.
4.Бизнес эрхлэхийн тулд одоо байгаа ажлаасаа гарах шаардлагатай юу?
Үгүй. Хүмүүсийн 80-90% нь хагас цагаар буюу үндсэн ажлынхаа хажуугаар бизнесээ эхэлдэг. Өөрийн чинь зорилго, хандлагаас 100% шалтгаалж таны ажиллах цаг хуваарь гарна. Зүгээр л нэмэлт орлого олох гэж байна уу, жижиг бизнесийн хэмжээнд орлого хүсч байна уу, эсвэл том бизнес буюу сард 10 саяас дээш орлогыг өөрт чинь өгөх хэмжээнд хүртэл хиймээр байна уу гэдгээс шалтгаална гэсэн үг юм. Хэрэв та 3 сая төгрөгийг эхний ээлжинд зорьж байвал ажлынхаа хажуугаар хийх бүрэн боломжтой. Оройн цагаар суралцах, бизнесдээ цаг гаргах, амралтын өдрийг ашиглах зэргээр явж болно. Хүмүүс долоо хоногт 7-10 цагийг зарцуулж ажиллах нь элбэг. Мэдээж таны орлого хөдөлмөрийн бүтээмжээс чинь шууд хамаарах тул өөрөө хувиараа зохиох нь чухал юм. Бизнесд өсөлт гарахын хэрээр яваандаа орлого чинь үндсэн ажлын чинь цалинг давах үед ажлаасаа гарч, бизнестээ бүрэн төвлөрөх шийдвэрийг гаргаж болно. Аа бас та өөртөө итгэлтэй, шийдэмгий, зорилготой бол шууд бизнесээ шинэ ажил шиг хандаж, төвлөрч ажиллах боломжтой.
5. Хэр их цаг зарцуулах шаардлагатай вэ?
Өмнөх асуултын хариулттай бараг л адил. Таны өөрийн чинь мэдэх хэрэг. Ихэнх хүний хувьд анх эхлэхдээ долоо хоногт 7-10 цаг зарцуулж байгаад яваандаа өөрийн зорилгоос шалтгаалж тогтмол цагийн хуваариа шийддэг. Эхний хэдэн сарын хувьд суралцахад цаг их зарцуулах хэрэгтэйг анхаараарай! Бизнесийн аргачлал, маркетинг, дүрэм, бүтээгдэхүүнүүд, ур чадвар, хүмүүстэй харицлах гээд олон шинэ мэдлэг чадварыг эзэмшиж байж амжилттай бизнесээ босгоно. Харин дараагийн хэдэн сард багийн хүмүүсээ яг өөр шигээ суралцахад нь дэмжиж, дасгалжуулж ажиллах юм. Баг өсөхийн хэрээр ирээдүйн пассив орлогын суурь тавигдаж байна гэсэн үг. Харин суралцана гэхээр нэг анги танхимд очиж өдөржин сууна гэсэн үг биш, таны аз болоход манай Ampreneur групп байгаа газраасаа интернет, гар утсаа ашиглаад сурах боломжийг хангадаг. Бүр унаанд бөглөрч байхдаа сонсоод л шинэ юм сураад авах боломж бий.
6.Бизнес хийхийн тулд олон хүн таньдаг байх ёстой юу?
Үгүй. Үнэндээ бид ямар олон хүн таньдгаа огт анзаараагүй байдаг. Нэрсийн жагсаалт гаргаад үзэхээр энэ хорвоо дээр ямар олон хүн таньдгаа та гайхах болно. Бизнесээ босгох, багаа үүсгэхийн тулд танд цөөхөн хэдэн идэвх чармайлттай, амьдралаа өөрчлөх чин хүсэлтэй хүмүүс хэрэгтэй. Уламжлалт бизнес, бусад ажлын байртай харьцуулахад бараг хүн бүр өөрийн чинь боломжит хэрэглэгч бас бизнес эрхлэгч байж чаддаг. Нас хүйс, туршлага, диплом, чадвар гээд нарийн шалгуур огт байхгүй. Тэтгэвэртээ гарсан хүн, гэртээ хүүхдээ хардаг ээж, их сургуулийн оюутан гээд хэнд ч бизнес нээлттэй. Хамгийн чухал нь өөртэй чинь адилхан тодорхой орлогод хүрэх зорилготой, амьдралын чанараа дээшлүүлэх, өөрийгөө хөгжүүлэх хүсэлтэй хүн багийн чинь сайн лидер болж чаддаг. Amway-ын хувьд та 3 ийм, тууштай хүнийг багтаа оруулж, бизнес хамтрагчаа болгосон байхад сарын 3 саяын орлогод хурдан хүрнэ. Хамгийн энгийн, зөв бүтэцтэй багийн шаардлага нь энэ юм.
7. Намайг сургалт, заавар зөвлөгөөгөөр хангах уу?
Тэгэлгүй яахав. Нэтворк маркетинг бизнес, ялангуяа Amway-г хүмүүс борлуулалтын бизнес гэж хардаг боловч үнэндээ энэ нь сургалтын системд суурилсан бизнес юм. Тэгэхээр сургалт бол зайлшгүй байна гэсэн үг. Мэдлэгээ хуваалцдаг, бизнесийн know how-аа бэлэн зааж өгдөг, бүгд хамтдаа өөдөлж өсдөг бизнес. Сургуульд онц сурдаг хүүхдээсээ хуулаад сайн дүн авах нь буруу зүйл байсан бол энэ бизнесд онц сурдаг хүмүүс нь өөрсдөө зааж өгөөд, яг дуурайгаад хуулаад хийхийг зөвшөөрдөг. Нэг нь л шилдэг байдаг, нэг хүн л тушаал дэвшдэг ялдаг биш олуулаа ялдаг бизнес. Үүний тулд төрөл бүрийн, зориулалт бүрийн бэлэн хичээл, сургалтууд тогтмол явагддаг. Онлайн хичээл, подкаст, нийтлэл мэдээ, чат групп гээд олон эх сурвалж танд заахад бэлэн байна.
8.Амжилттай ажиллахын тулд супер борлуулагч байх ёстой юу?
Үгүй. Уламжлалт борлуулалт, худалдааны тактик энэ бизнест амжилт олдоггүй. Учир нь тэгдгээр арга барилууд яаж ийгээд хүнд юмаа зараад салахыг боддог бол нэтворк маркетингт удаан хугацааны харилцаа, үнэнч хэрэглэгч, бүтээгдэхүүний зөвлөгчийг бэлддэг. Хүмүүст санаа тавьж, асуудлыг илрүүлж, түүнийг нь шийдэж өгдөг найрсаг, үнэ цэнэтэй харилцаан дээр амжилт суурилдаг. Үнэнч шударга, ёс зүйтэй байх нь хэрэглэгч нартай ч, багийн хамтрагч нартайгаа ч харилцахад шаардагддаг.
9. Хэрэв энд тийм шилдэг, чанартай бүтээгдэхүүн байдаг юм бол яагаад дэлгүүрт зарж болдоггүй юм бэ?
Хамгийн эхний асуултанд байсан шиг нэтворк маркетинг бизнесийн зарчим нь үйлдвэрлэгчээс хэрэглэгчид шууд үйлчлэх юм. Уламжлалт бизнесд бараа бүтээгдэхүүн үйлдвэрээс гараад брокер компани, дистрибьютр компани, бөөний төв, жижиглэн худалдаа гэх мэт олон дамжлагаар явж, тэр бүрт нэмэлт өртөг шингэсээн анхны үнээсээ хэд дахин илүү үнээр хэрэглэгч дээр очдог. Бүтээгдэхүүнийг дэлгүүрт байршуулж борлуулахын тулд эдгээр дамжлага, дээр нь нэмээд дэлгүүр талбай, түрээс, худалдагч, тохижуулалт, олон төрлийн реклам сурталчилгаа, бүтээгдэхүүнийг удаан хадгалах нөхцөл, орц найрлага гээд олон ажиллагаа гарч, тэр бүрийг шийдвэрлэхэд зардал гардаг. Тэр зардлыг бүтээгдэхүүний борлуулалтын үнээс нөхөж авдаг тул бүтээгдэхүүн үнэтэй зарагдана гэсэн үг. Amway дээр хэн хэзээ авах бол гэж дэлгүүрийн тавиур дээр хүлээх биш зөвхөн хэрэглэгчийн захиалсан нэр төрөл, тоо хэмжээгээр бүтээгдэхүүнийг нийлүүлдэг. Мөн Amway бүтээгдэхүүн органик орц найрлагтай, эко бүтээгдэхүүнүүд байдаг тул зөвхөн өөрийн стандартаар /тээвэрлэлт, хадгалалт, савлагаа/ худалдаалагдах нь хамгийн тохиромжтой байдаг. Дистрибьютрүүд буюу бизнес эрхлэгч нар нь бүтээгдэхүүнийг шууд борлуулж, борлуулалтын ашгаас хувь хүртэж ашиг олдог тул хэрвээ дэлгүүр тавиад зарвал эдгээр олон хүнд орлогын өргөн боломж хаагдах юм. Дэлгүүрийн эзэн л ашиг олж, ажилчид нь тогтмол цалингаа авдаг уламжлалт салбарыг бодвол Amway дээр бизнес эрхлэгчээр бүртгүүлсэн бол өөрөө дэлгүүрийн эзэн боллоо гэж ойлгож болно.
10.Нэтворк маркетинг бизнес нь тогтвортой бизнес болж чадах уу, эсвэл түр зуурын ашиг орлого уу?
Нэтворк маркетинг бизнес нь аль хэдийн хагас зуун жилийн турш тогтвортой ажиллаж, батлагдсан системтэй. Amway компани анх 1959 онд үүсгэн байгуулагдсан цагаас эхлэн сүлжээний зарчмаар ажиллаж, олон сая үнэнч хэрэглэгчдийг бий болгож, олон мянган хүмүүсийг санхүүгийн эрх чөлөөнд хүргэсэн. Мөн цаашид ч удаан хугацаанд үйл ажиллагаа явуулж чадна гэдэг нь эдийн засгийн олон үзүүлэлтээр батлгаддаг. Орчин үед технологийн хөгжил нэмэгдэхийн хэрээр уламжлалт бизнесүүд ч интернетэд суурилсан нэтворк маркетинг системийг ихээр ашиглах болсон. Amway үндсэн үйл ажиллагаа бүгд цахим хэлбэрээр буюу интернет системээр явагддаг. Ямар ч дэвшил, шинэ технологи гарсан бай түүнийг Amway нэвтрүүлэх бөгөөд хүнээс хүнд маркетингийн арга, эрүүл чанартай бүтээгдэхүүн, дэвшилтэт бүтээгдэхүүн үйлчилгээ нь цаг үетэйгээ үргэлж нийцэх бас ганхахгүй систем болж чадна. Бас та бизнес эрхлэгчээр ажиллаад үүсгэсэн баг чинь ажиллаж л байвал түүнээс салаалах олон багууд бий болж, өсч үржин бие даан ажилласаар байна. Харин та ажиллахгүй байсан ч компаний хувьцаа эзэмшигч шиг ашиг орлого хүртсээр байх систем энд бий.
Нэтворк бизнес эхлүүлэхэд хэр их мөнгө шаардагдах вэ?
Мөнгөний хувьд бас л танаас 100% шалтгаална. Зарим хүмүүс бизнесдээ нилээд нухацтай хандаж, өөртөө багахан барааны эргэлт үүсгэж, хувийн оффис тохижуулж, гарааны мөнгө зарцуулдаг. Бүртгэлийн, элсэлтийн хураамж гэж байхгүй. Ямар ч үнэгүй та бизнесд элсэж болно. Бас хүсвэл огт мөнгө зарлагадахгүйгээр ажиллах аргачлал бий. Amway-н хувьд 15% болон 23% гэсэн 2 янзын бүртгэлийн ангилал байдаг бөгөөд 23% болсноор бизнес хийх эрх нь нээгддэг. Бизнесээ ямар аргаар явуулахаа та өөрөө шийдэж, бас бэлэн загварыг даган дуурайж хийж болно. Зарим хүмүүс ажлын байр, нэрийн хуудас, хувийн урамшуулал хүн татах үйл ажиллагаа санаачилдаг бол дөнгөж эхэлж байгаа таны хувьд интернет, ухаалаг гар утсаа ашиглаад л ажиллаж болно. Бүтээгдэхүүний мэдээлэлтэй сэтгүүл, үнийн каталог, нэмэлтээр үзүүлэх туршилтын бүтээгдэхүүн материал гээд маш бага зардал өөрөө хүсвэл гаргаж болно. Жишээ нь: Amway бүх бүтээгдэхүүний жагсаалт, үнэ бүхий каталог нь 2500₮ үнэтэй байдаг. Багаар эхэлж, томоор өсөх боломж бол нэтворк маркетинг бизнес.
