International Nepalese Chef Society Malta

01/06/2026

📰 अन्तर्राष्ट्रिय नेपाली सेफ सोसाइटी, माल्टा (INCS Malta) को प्रथम ऐतिहासिक महाधिवेशन सम्पन्न

अन्तर्राष्ट्रिय नेपाली सेफ सोसाइटी, माल्टाको प्रथम ऐतिहासिक महाधिवेशन सन् २०२६ जुन १ तारिखमा सफलतापूर्वक सम्पन्न भएको छ। उक्त महाधिवेशनले संस्थाको आगामी कार्यदिशा, नेतृत्व संरचना तथा दीर्घकालीन योजनासम्बन्धी महत्वपूर्ण संस्थागत निर्णयहरू सर्वसम्मत रूपमा पारित गरेको छ।

महाधिवेशनबाट संस्थाको नयाँ कार्यसमिति गठन गरिएको छ, जसले संस्थाको एकता, पारदर्शिता तथा सशक्त सञ्चालनलाई अझ प्रभावकारी बनाउने लक्ष्य लिएको छ। ।सस्थाको उदेस्य अनुरुप निवर्तमान अध्यक्ष श्री बसुदेव भुसालज्यूले आफ्नो कार्यकाल सफलतापूर्वक सम्पन्न गर्दै नवनिर्वाचित अध्यक्ष श्री ध्रुव राज पाण्डे ज्यु को नेतृत्व मा १५ सदस्यिय कार्यसमिति चयन भएको छ ।जसलाई संस्थाले सम्मानपूर्वक स्वीकार गरेको छ।

नवनिर्वाचित सम्पूर्ण पदाधिकारी तथा सदस्यहरूलाई हार्दिक बधाई तथा सफल, समृद्ध र उपलब्धिमूलक कार्यकालको शुभकामना व्यक्त गर्दछौं। संस्थाको निरन्तर प्रगति र उज्ज्वल भविष्यका लागि सम्पूर्ण सदस्यहरूको साथ, सहयोग र ऐक्यबद्धता रहने विश्वास व्यक्त गरिएको छ।

✨ नवगठित 2026/2028

सम्रक्षक तथा बरिस्ठ सल्लाहकार : श्री बासुदेव भुसाल
सल्लाहकार : श्री बाबु अर्याल

अध्यक्ष: श्री ध्रुव राज पाण्डे
वरिष्ठ उपाध्यक्ष: श्री सुन्दर घिमिरे

उपाध्यक्षहरू:
• श्री उदय चन्द्र अधिकारी
• श्री टंका लामा
• श्री सुमन बुद्ध मगर

महासचिव: श्री श्याम भण्डारी
सचिव: श्री दुर्गा बहादुर के.सी.
सह–सचिव: श्री राकेश थापा

कोषाध्यक्ष: श्री एकराज पोखरेल
सह–कोषाध्यक्ष: श्री नरेश गुरुङ

सक्रिय सदस्यहरू:
• श्री मान बहादुर खत्री
• श्री परशुराम अधिकारी
• श्री बसन्त बहादुर खत्री

नवगठित सम्पुर्न कार्यसमिति लाइ हार्दिक बधाई तथा सफलता को शुभकामना ब्यक्त गर्दछु।



🙏 धन्यवाद
श्याम भण्डारी
महासचिव
अन्तर्राष्ट्रिय नेपाली सेफ्स सोसाइटी, माल्टा

11/05/2026

आर्थिक सहयोग हस्तान्तरण सम्बन्धी सूचना
(अन्तर्राष्ट्रिय नेपाली शेफ सोसाइटी माल्टा परिवार)

स्व. श्री तुलसीराम तामाङज्यू र स्व. श्री रामकुमार सिजालीज्यूको नाममा संकलित कुल रकम €९२७ (नौ सय सत्ताइस यूरो) रहेको थियो।

उक्त रकमलाई दुवै स्वर्गीय व्यक्तिहरूबीच बराबरी रूपमा विभाजन गर्दा प्रत्येकको भाग €४६३.५० (चार सय त्रिसठ्ठी दशमलव पाँच यूरो) हुन आउँछ।

सोही अनुसार, सम्बन्धित दुवै स्वर्गीय व्यक्तिहरूका परिवारका बैंक खातामा प्रति परिवार नेपाली रुपैयाँ रु. ८२,००६.७७ (बयासी हजार छ रुपैयाँ सत्तहत्तर पैसा) बैंक ट्रान्सफर माध्यमबाट हस्तान्तरण गरिएको जानकारी गराइन्छ।

🙏 सहयोग गर्नुहुने सम्पूर्ण महानुभावहरूमा हार्दिक धन्यवाद व्यक्त गर्दछौं।
🤝 तपाईंहरूको सानो सहयोगले ठूलो सहारा प्रदान गरेको छ।

02/05/2026

🎤 नेपाली लोक सांस्कृतिक मञ्च, माल्टा द्वारा आयोजित “दोहोरी धमाका” 🎶

माल्टामा रहेका सम्पूर्ण नेपाली दाजुभाइ तथा दिदीबहिनीहरूमा हार्दिक निमन्त्रणा! 🇳🇵❤️

हाम्रो कला, संस्कृति र पहिचानलाई जगेर्ना गर्ने उद्देश्यले आयोजना गरिएको भव्य सांगीतिक कार्यक्रम “दोहोरी धमाका” मा तपाईंहरूको उपस्थितिको अपेक्षा गरेका छौँ।

🎶 विशेष आकर्षण:
✨ राष्ट्रिय कलाकारहरूको दमदार प्रस्तुति
✨ स्थानीय प्रतिभाशाली कलाकारहरूको विशेष कार्यक्रम

🎵 गीत, संगीत र रमाइलो माहोलसँगै नेपालीपनको अनुभूति गर्ने सुनौलो अवसर नछुटाउनुहोस्!

📍 स्थान: Topaz Hotel, Bugibba
🗓️ मिति: May 05, 2026
🕕 समय: साँझ

01/05/2026

अन्तर्राष्ट्रिय नेपाली सेफ सोसाइटी, माल्टाको तर्फबाट सम्पूर्ण श्रमिक दाजुभाइ तथा दिदीबहिनीहरूमा साथै बुद्ध जयन्ती तथा उभौली पर्वको हार्दिक मंगलमय शुभकामना व्यक्त गर्दछौं।

परिश्रम, समर्पण र इमान्दारिताले नै हाम्रो समाज र राष्ट्रको निर्माण सम्भव भएको छ। विशेषगरी होटल तथा रेस्टुरेन्ट क्षेत्रमा दिनरात खटिने सम्पूर्ण सेफ तथा श्रमिकहरूको योगदान अत्यन्त महत्वपूर्ण र सराहनीय रहेको छ।

यस विशेष अवसरमा भगवान गौतम बुद्धले देखाउनुभएको शान्ति, करुणा र अहिंसाको मार्गले हामी सबैलाई सदैव प्रेरित गरोस् भन्ने कामना गर्दछौं। साथै, उभौली पर्वले प्रकृतिप्रतिको सम्मान, सहअस्तित्व र समृद्धिको सन्देश फैलाउँदै हाम्रो जीवनमा सुख, शान्ति र समृद्धि ल्याओस् भन्ने शुभेच्छा व्यक्त गर्दछौं।

यस दिनले श्रमिकहरूको अधिकार, सम्मान र सुरक्षित भविष्य सुनिश्चित गर्न सबैलाई थप सचेत र प्रतिबद्ध बन्न प्रेरणा मिलोस् भन्ने कामना गर्दछौं। साथै, सम्पूर्णमा आपसी सद्भाव, एकता, प्रेम र खुशीयाली बढोस् भन्ने अपेक्षा राख्दछौं।

🙏 श्रमको सम्मान गरौं, श्रमिकको कदर गरौं।

धन्यवाद।
अन्तर्राष्ट्रिय नेपाली सेफ सोसाइटी, माल्टा

29/04/2026

शोक समवेदना सन्देश

हिजोको दुःखद घटना सेलाउन नपाउँदै, आज बिहान पुनः माल्टा तथा गोजोमा बसोबास गर्ने नेपाली समुदायमा अर्को अत्यन्त दुःखद खबर प्राप्त भएको छ।

नेपाल, चितवन जिल्ला (साबिक रैगञ्ज–०५, गुञ्जनगर) घर भई विगत ४ वर्षदेखि माल्टालाई कर्मथलो बनाउँदै आउनुभएका ५२ वर्षीय श्री तुलसीराम तामाङको आज बिहान करिब १:३० बजे हृदयघातका कारण दुःखद निधन भएको खबर उहाँका रुममेटमार्फत प्राप्त भएको छ। हाल उहाँको पार्थिव शरीर माटरदेई अस्पतालको मोर्चरी विभागमा राखिएको जानकारी प्राप्त भएको छ।

स्वर्गीय तुलसीराम तामाङप्रति हार्दिक श्रद्धाञ्जली अर्पण गर्दै यस दुःखद घडीमा शोकाकुल परिवारजनप्रति गहिरो समवेदना व्यक्त गर्दछौं। भगवानले दिवंगत आत्मालाई चिरशान्ति प्रदान गरून् तथा परिवारजनलाई धैर्य धारण गर्ने शक्ति प्रदान गरून् भन्ने कामना गर्दछौं।

अन्तर्राष्ट्रिय नेपाली शेफ सोसाइटी माल्टा परिवार
तथा सम्पूर्ण नेपाली समुदाय ।

29/04/2026

माल्टामा रहनुहुने सम्पूर्ण नेपाली दाजुभाइ तथा दिदीबहिनीहरूमा,

माल्टामा पछिल्ला समयहरूमा निरन्तर रूपमा यस्ता दुःखद घटनाहरू घटिरहनु अत्यन्तै पीडादायी विषय बनेको छ। आफ्नो जन्मभूमिबाट हजारौं माइल टाढा, बिरानो भूमिमा संघर्षरत हामी सबै नेपाली समुदायबीच यस्ता कठिन घडीमा अझ बढी एकता, सहकार्य र सामाजिक सद्भाव कायम राख्नु हाम्रो साझा दायित्व हो।

नेपाल, काभ्रेपलाञ्चोक जिल्ला घर भई हाल माल्टामा कार्यरत २८ वर्षीय राम कुमार सिजालीको असामयिक निधनको खबरले हामी सम्पूर्ण नेपाली समुदाय स्तब्ध र अत्यन्त दुःखी भएका छौं।

यस दुःखद घडीमा स्वर्गीय राम कुमार सिजालीप्रति हार्दिक श्रद्धाञ्जली अर्पण गर्दै शोकाकुल परिवारजनप्रति गहिरो समवेदना व्यक्त गर्दछौं। उहाँको आत्माले चिरशान्ति पाओस् भन्ने कामना गर्दछौं।

उहाँको पार्थिव शरीर सम्बन्धी सम्पूर्ण व्यवस्थापनका लागि NCC Malta र LCC Gozo ले आपसी समन्वयमा आवश्यक प्रक्रिया अगाडि बढाइरहेको जानकारी गराइन्छ।

यस कठिन समयमा सम्पूर्ण नेपाली दाजुभाइ तथा दिदीबहिनीहरूलाई संयमित रहन, एकअर्कालाई सहयोग गर्न तथा सामाजिक सद्भाव कायम राख्न हार्दिक अनुरोध गर्दछौं।

Antarastriya Nepali Chef Society Malta परिवार

17/04/2026

अन्तर्राष्ट्रिय नेपाली शेफ सोसाइटी, माल्टाको तर्फबाट हार्दिक नमस्कार 🙏

हाम्रो निमन्त्रणामा माल्टा भ्रमण गरी आफ्नो साङ्गीतिक प्रस्तुति दिनुहुने गायक श्री अर्जुन सापकोटा ज्यूलाई हामी हार्दिक धन्यवाद व्यक्त गर्दछौँ।

माल्टामा रहँदा तपाईंको उपस्थितिले हाम्रो कार्यक्रमलाई अझै विशेष र स्मरणीय बनाएको छ। यहाँको कार्यक्रम सफलतापूर्वक सम्पन्न गरी तपाईंले आफ्नो आगामी यात्राको लागि प्रस्थान गर्नुभएको छ।

हामी आशा गर्दछौँ भविष्यमा पनि फेरि यस्तै रमाइलो क्षणहरू सँगै बाँड्ने अवसर प्राप्त हुनेछ।

तपाईंको आगामी यात्रा सफल, सुरक्षित र उज्ज्वल रहोस् भन्ने हार्दिक शुभकामना व्यक्त गर्दछौँ।

अन्तर्राष्ट्रिय नेपाली शेफ सोसाइटी, माल्टा 🙏

16/04/2026

अन्तर्राष्ट्रिय नेपाली शेफ सोसाइटी, माल्टाद्वारा आयोजित “भान्से धमाका – सिजन १” लाई सफल बनाउन प्रत्यक्ष तथा अप्रत्यक्ष रूपमा सहयोग गर्नुहुने माल्टामा अवस्थित सम्पूर्ण संघ–संस्था, विभिन्न व्यवसायीहरू तथा सम्पूर्ण माल्टा र गोजोबासी आमा, बुवा, दाजुभाइ, दिदीबहिनीहरूमा हार्दिक धन्यवाद व्यक्त गर्दछौं 🙏

साथै, हाम्रो संस्थामा आवद्ध सम्पूर्ण शेफज्यूहरूलाई विशेष धन्यवाद व्यक्त गर्न चाहन्छौं। यस कार्यक्रमलाई सफल बनाउन सबै शेफहरूको उत्तिकै महत्वपूर्ण भूमिका रहेको छ।

तपाईंहरूको साथ, सहयोग र मायाले यस कार्यक्रमलाई सफल बनाउन ठूलो योगदान पुर्‍याएको छ। आगामी दिनहरूमा पनि यस्तै साथ र सहयोगको अपेक्षा गर्दछौं।

धन्यवाद 🙏

14/04/2026

🎉 नयाँ वर्ष २०८३ को हार्दिक शुभकामना 🎉

अन्तर्राष्ट्रिय नेपाली शेफ सोसाइटी, माल्टाको तर्फबाट
देश तथा विदेशमा रहनु भएका सम्पूर्ण नेपाली दाजुभाइ तथा दिदीबहिनीहरूमा
नयाँ वर्ष २०८३ को सुख, शान्ति, समृद्धि र उत्तरोत्तर प्रगतिको हार्दिक शुभकामना व्यक्त गर्दछौँ 🙏

यो नयाँ वर्षले तपाईंहरूको जीवनमा नयाँ ऊर्जा, उत्साह र सफलताका अवसरहरू लिएर आओस् भन्ने कामना गर्दछौँ।
तपाईंहरूको निरन्तर साथ, सहयोग र समर्थनप्रति हार्दिक आभार व्यक्त गर्दछौँ।

✨ Happy New Year 2083 ✨

13/04/2026