27/02/2026
ސިއްރު ކަންތައް
ހަގީގީ ހާދިސާ
----------------
"ބައްޕީ. ސިއްރު ކަންތައް ކުރާއިރު ކޮޓަރިއަށް ނާންނައްޗޭ" އުމުރުން 5 އަހަރުގެ ފިރިހެން ދަރިފުޅު މައުސޫމުކަމާއެކު ބުންޏެވެ. އޭރު ދަރިފުޅު ހުރީ ދަރިފުޅުގެ ބޮޑުބޭބެގެ 6 އަހަރުގެ ފިރިހެން ކުއްޖަކާއެކު ކޮޓަރީގައި ޓީވީ ބަލާށެވެ.
ހިތަށް އެރިއެވެ. މި ސިއްރު ކަމަކީ ކޮބައިބާއެވެ. ބަލައިލާނަމެވެ. ދެ ދޮރަކުން ވަދެވޭ ކޮޓަރިއެއް ކަމުން، އަނެއް ފަރާތުން ގޮސް، ވަރަށް މަޑުމަޑުން ކިރިޔާ އެއްލޮލުން ފެންނަވަރަށް ބަލައިލީމެވެ. އިންނާ ލިއްލާހް... އަޅުގަނޑުގެ ދެލޯ ބޮޑުވެ ހަށިގަނޑުން ދިޔައީ ހީ ބިހި ނަގައިގެންނެވެ.
ފަޓްލޫނު ތިރިކޮށްގެން ތިބެ .........................-@ # #$&_&-+++::::(((
މި ކުޑަ ދަރިފުޅުގެ ކިބައިން ތަޙައްމަލު ކުރަން މިޖެހުނީ ކޮން ފަދަ ކަމެއް ބާވައެވެ. ވަގުތުން ކޮޓަރިއަށް ވަނީމެވެ. ދަރިފުޅު ހުރީ ވަރަށް ބޮޑަށް ސިހިފައެވެ. ބޮޑުބޭބެގެ ކުއްޖާއަށް ލިބުނު ސިހުމުގައި އެކުއްޖާ އަށް ވެދެވުނީ އެނދު ތަންދޮށަށެވެ.
ވަގުތުން އަންހެނުން ގެނެސް ވީގޮތް ކިޔައިދިނީމެވެ. އަޅުގަނޑު ހުރީ ދެން ހަދާނެގޮތް ނޭނގިފައެވެ. އަންހެނުން ދަރިފުޅުގެ ބޮޑުބެގެ އަންހެނުން ގާތުގައި އެވާހަކަ ދެއްކި އެވެ. އަޅުގަނޑަށް ނަމަ ނުކެރުނީހެވެ.
އަޅުގަނޑުގެ އަންހެނުންނަކީ ކުޑައިރުއްސުރެ ގޭތެރެއިންނާ، ބޭރު ތެރެއިންވެސް ވަރަށް ގިނަ ޖިންސީ ގޯނާ ކުރިމަތިވެ އަނިޔާ ލިބިފައި ވާ މީހެކެވެ. އެކަމުގެ ވޭން އަދިއަދަށްވެސް އެދަނީ އުފުލަމުންނެވެ.
އެހެންވެ ދަރިން ލިބުނީއްސުރެ އަންހެނުން ބުނާނެއެވެ. ތިމަންނައަށް ވީގޮތް އިރާދަކުރެއްވިޔާ ތިމަންނަގެ ދަރީންނަށް ވިޔަކަ ނުދޭނަމެވެ. އަޅުގަނޑު ބުނީމެވެ. އެކަމަކު އަހަރެމެންގެ ތިބީ ފިރިހެން ދެ ކުދިން ނޫންހެއްޔެވެ. "ރާއްޖޭގައި ފިރިހެން ކުދިންނާ ނުބެހޭ ހެއްޔެވެ؟" ހާޒިރު ޖަވާބެއް ހެން އަންހެނުން ބުނެއެެވެ.
އަންހެނުންނަށް ކަންކަން ދިމާވެފައި ހުރިގޮތުން، މަޖުބޫރީ ހާލަތެއްގައި ނޫނީ، ދަރިން ލޯ މަތިން ގެއްލުނަކަ ނުދޭނެއެވެ. އަބަދުވެސް ތިބޭނީ ފެންނަ ފަށުގައެވެ.
ބެލެނިވެރިންނެވެ.
މައިންނެވެ.
ބަފައިންނެވެ.
ދަރިންނާ މެދު ހޭ އަރާށެވެ.
ކިތަންމެ ކުޑަޔަސް، ކިތަންމެ ބޮޑަސް، ކިތަންމެ ގާތަސް، ކިތަންމެ ތިމާތްގަސް، ކިތަންމެ ރައްޓެއްސަަސް، ދަރިންނަށް ރައްކާތެރި ނުވެދާނެކަމަށް ދެކޭށެވެ.
ދަރިއަކަށް ޖިންސީ ގޯނާއެއް ލިބިއްޖެ ނަމަ އެއީ އެކުއްޖާފުޅު މުޅި ޢުމުރަށް އުފުލާނެ ވޭނެކެވެ. އަޅުގަނޑުމެން އެވަރަށް ބަލައިގެން އުޅުނީމަ ވެސް، ކަންތައް މިވީ އެންމެ ހީ ނުކުރި ވަގުތު އެންމެ ހީ ނުކުރިމީހާގެ ކިބައިންނެވެ.
