03/05/2025
KIRA GA MATASAMMU NA MEDIA.
Babu laifi Tallata maigidanka ko yabashi idan yayi abin a yaba masa kuma babu wata doka da ta hana, don haka babu Wanda ya isa ya hanaka muddin a yaban naka babu cin mutuncin wani ko zagi.
Domin ita siyasa dole sai kanada maigida musamman a matsayinka na matashin Dan siyasa mai kokarin gina gobensa.
Amma fa kasani Kai abinda maigidan naka yayi ya birgeka har kake yaba masa, to shi kuma wani bai birgeshiba kuma shi a wajensa ba wannan abin ya kamata yayi ba ko kuma abinda akayi ba a wajen da yakeso ayi akayi ba.
Kuma wani lokaci a rubutun da kake tunanin anayi don nuna gazawar Maigidan naka zaka gano wani abinda ya kamata ayi kuma An Manta ba ayiba, ko wani kuskure da akeyi sai ka nunawa Maigidan naka domin a gyara.
Don haka yakai matashi yakamata kasani aduk lokacin da kake yabon maigidanka kada kayi tunanin kowa sai ya yabeshi, muddin kana wannan tunani tabbas kana bawa kanka wahalane kawai.
Domin ita kanta rayuwar kowa da irin tasa, don babu yadda zakace kowa saiya bi yadda kakeso. Kuma idan har ka yadda zaka iya taimkawa maigidanka wajen yada Alkhairi to dole saika zama mai zurfin tunani da Hakuri, juriya domin ta hakane zakana Taimaka masa wajen nuna masa daidai da akasin haka.
Allah yasa mu fahimta kuma muyi amfani da lafiyarmu,Hankalimmu, tunanimmu, iliminmu wajen kawowa Al ummar cigaba
Allah yasa mudace.
