Al'ummar Mu

Al'ummar Mu Wayar da kan Al'ummar mu na Arewa akan fannoni mabanbanta da muke da naƙasu akai. wanda ya haɗa da TO DEVELOP ISLAMIC RELIGION

07/06/2026

KAMIN KI DAUKI MUTUWAR AURE MATSAYIN MAGANIN MATSALAR AURENKI YAKAMATA KISAN WASU ABUBUWA GAME DA ZAWARCI.

1). Duk duniya babu wani gidan auren da bashi da matsala acikinsa, sai dai ma'auratan su san yanda suke magance tasu matsalar amma duk yanda k**e ganinsu cikin annashuwa akwai wani abu da suke haquri dashi tsakaninsu.

2). Duk yanda k**e tsammanin cewa haquri k**eyi da mijinki shima sai an sami wasu abubuwan da haqurin yakeyi dake (Duk kuwa nagartarki da lalacewarsa)

3). Duk yanda k**e tsammanin babu macen da zata iya zama dashi idan bake ba, wata na can tana fatan Allah ya bata koda irinshi ne domin nata yafishi munanan halaye.

4). Abubuwan nan da k**e fama dasu, sune fa wadanda a kayita baki haqurin su tun ranar aurenku kamin fara faruwarsu.

5). Kaso mafi yawan matan da s**a fita gidajensu saboda matsala, sunyi dana sani sak**akon matsalar da s**a iske a zawarci tafi ta aurensu da ya mutu.

6). Daga randa aurenki ya mutu kika koma gida nan zaki fara fuskantar wata sabuwar rayuwar da baki taba tsammanin kasancewarta ba a rayuwarki : -

* Da ancewa maza ga bazawara zakiga k**ar ance musu ga karuwa.

* Kusan kowa idan zaizo wajenki maganar banza ce a bakinsa (Koda ko tsaran mahaifinki ne a shekaru).

* Qannenki dake ruguguwar zuwa gidanki yanzu zasu koma sufara rainaki saboda kin dawo cikinsu.

* Sabulun wanka da na wanki saiya fara gagararki.

* Iyayenki da s**a haifeki zasu fara jin kyashin ciyar dake (ko da kuwa su s**ace a sakar musu diyarsu) saboda ciyarwa tana da ciwo.

* Zakiga kowa ya fara janye ya'yansa (musamman mata) daga gareki saboda karki kwarkwarar dasu.

* Abokin qaninki ma zai iya zuwa wajenki fira tare dacewa kinsan kila ko a budurwa k**e bazai iya aurenki ba.

* Zaki iya haduwa da nagartaccen matashi wanda ya cancanci ki aureshi amma a hanashi aurenki ace kin masa tsufa (Kuma hakan ne 🙄).

* Idan kina da ya'ya zakiga yan gidanku suna kallon yaran naki matsayin qarin dawainiya.

* Mijinki yaga damar ya kwace yaranki ya mayar dasu qauye saboda ya quntata miki.

* Za'a iya hanaki abinci gidanku kuma kiyi kwalliya kifita bawanda zai tambayeki ina zaki? Wato kin dade baki fara karuwanci ba.🥹

* Idan kika sami komawa gidan mijinki dole kiyi haquri saboda yasan kawai wahala ta maidoki bawai zaman ya'ya ba (Kamar yanda ake cewa).

* Zaki sami kanki cikin quncin da duk duniya zaki rasa wanda zai saurareki kuma ya fahimceki.

* Zaki fara tunanin gara ki yarda ki auri koma wanene yazo wajenki, daga qarshe kila sai kinje ki iske sabuwar matsala saboda duk aure yana dauke da ita.

* Duk inda zakije sai kiga yammata ma sunata tsofewa babu mijin aure inaga ke bazarawar?

Allah muke roqo ya zaunar daku lafiya a gidajenku, sukumu zawarawan Allah yakawo musu mafita. Allah ya bamu mata nagari, yajiqan iyayenmu.

✍️ Ahmad Yusuf Dansarai
21st Dhul-hijja, 1447
7th June, 2026

https://chat.whatsapp.com/DMpiEPpHpbDJUnt3nqyzp2

11/04/2026

WASU ABUBUWA DA YA KAMATA MATA SU SANI GAME DA MU MAZA.
- Wato mufa maza muna son mace wayayya amma muna tsoron mace gogaggiya (wadda takai maqura a wayewa). Don haka idan mace tanaso ta zauna da namiji lafiya dole ne ta boye masa gogewarta musamman akan ababen da dama basu buqatar a nuna maqurar wayewa akansu.

- Mu maza munfi buqatar mace mai aiki ba mai surutu ba; Abin nufi anan shine idan mijinki ya bayyana miki wani abu dayake buqata to ki aikata masa wannan abin (koda baikai yadda ya nema ba) yafi akan kidinga jaddada masa cewa zaki aikata abinda yanda yakeso ko sama da yanda yakeso.

- Namiji yafi buqatar biyayya sama da tsantsar soyayya. Duk soyayyar da zaki nuna ga namiji idan bazai iya neman abinda yakeso ba kuma kimasa shi a sanda yakeso to bazai taba fahimtar duk abinda zaki masa ba da zai nuna soyayyarki gareshi.

- Namiji yanason juriya a mace amma bayason jarumtarta domin sarki biyu baya zama wuri daya. Juriya tana nufin dakewa duk da cewa ita mace halitta ce mai rauni, ita kuwa jarumta siffa ce dake nuna cikar namiji don haka idan kema kika siffantu da ita to kin kishiyanceshi kenan dole yaji tsoronki.

Shawarata a wannan gabar itace, koda Allah ya halicceki da halin jarumta to idan kika ga abin tsoro (ga 'yan'uwanki mata) misalin qadangare, bera ko kyankyaso to ko bai baki tsoron ba kinuna kinji tsoron saboda rashin nuna jin tsoron matsala zai haifar miki wajen mijin da k**e tare dashi.

- Namiji bayason macen da batayin shirme, Eh shirme dakika sani.... wannan shirmen yana cikin dalilan da s**a sa mafi yawan maza suke fifita auren mata masu qananun shekaru sama da masu manya, hak**a yana cikin fifikon auran budurwa akan bazawara. Don haka duk hankalinki kidan dinga k**anta shirme (mai ma'ana) wajen mijinki yafi kice komai ke na hankali zakiyi saboda kin mallaki hankalin kanki.

- Namiji dama data kadai yake bawa mace idan tayi amfani da damar ta ribaci zuciyarsa shikenan idan kuma tayi sakaci da damar ta hanyar amfani da damar wajen muzguna masa to daya kwace dama baya iya qabayar da ita gareki.

- Namiji yana jaraba mace da abubuwa dayawa kamin tasamu haqiqanin karbuwa a zuciyarsa, amma daga sanda ta karbu din to kuma sai yanda taso juyashi (sai dai idan batasan hannun ta ba).

- Zaki iya kiyita qoqarin kyautatawa namiji amma kiga yanata qin amincewa dake sak**akon kila wata data taba shiga rayuwarsa ta cutar dashi ko ta munana masa.

Bari dai na bari hakan, sai wani lokacin idan Allah yaqara ara min dama sai muji wadansu daban. Allah ya bamu ikon amfanuwa.

✍️ Ahmad Yusuf Dansarai
1 Ramadan, 1447
18th February, 2026

Allah Gwani: Yin Sallah Na Rage Ciwon Baya — Binciken Kimiyya Ya Tabbatar:Wani muhimmin bincike da masana s**a gudanar a...
23/01/2026

Allah Gwani: Yin Sallah Na Rage Ciwon Baya — Binciken Kimiyya Ya Tabbatar:

Wani muhimmin bincike da masana s**a gudanar a Jami’ar Binghamton da ke New York, Amurka, ya nuna cewa sallah ba ibada kaɗai ba ce, har ila yau tana da babban amfani ga lafiyar jiki, musamman wajen rage ciwon baya.

Me Binciken Ya Nuna?
~~~~~~~~~~

Binciken ya bayyana cewa idan musulmi s**a rika yin sallah yadda Musulunci ya tanada, tare da cika dukkan ka’idojinta da tsarinta, hakan na taimakawa sosai wajen:
~ Rage ciwon baya
~ Inganta lafiyar ƙashi, tsoka da jijiyoyi
~ Rage taurin gaɓoɓin jiki

Wanda Ya Jagoranci Binciken
~~~~~~~~~

Farfesa Muhammad Khasawneh, wanda ya jagoranci binciken, ya bayyana cewa:

~ Yin ruku’u, sujjada da zaman sallah yadda ya dace na iya zama wata hanya ta halitta wajen rage matsalolin ciwon baya.

Muhimmancin Sujjada
~~~~~~~~~
Daga cikin dukkan motsin sallah, sujjada na da fa’ida sosai saboda:
~ Tana ƙara sassauta gaɓoɓin jiki
~ Tana rage riƙewar tsoka
~ Tana inganta motsin ƙashi da jijiya

Masana sun lura cewa motsin sujjada yana k**a da atisayen fisiyo (physiotherapy) da ake bai wa masu fama da ciwon baya da matsalolin ƙashi.

Amfanin Sallah Ga Sauran Sassan Jiki
~~~~~~~~~~
Baya ga rage ciwon baya, binciken ya nuna cewa:
~ Sallah na inganta aikin numfashi
~ Tana ƙarfafa zuciya da hanyoyin jini
~ Tana ƙara zagayawar jini da iskar oksijin a jiki
~ Tana taimakawa ƙwaƙwalwa ta hanyar inganta isar jini zuwa gare ta

Inda Aka Wallafa Binciken
~~~~~~~~~~~~
An wallafa sak**akon wannan bincike a mujallar kimiyya mai suna:
~ International Journal of Industrial and Systems Engineering

Wannan bincike ya kara tabbatar da cewa:
~~~~~~~~~
~ Abubuwan da Allah Ya umarce mu da su, ba don ibada kawai aka yi su ba, har da kiyaye lafiyar jiki.

Hakika, Allah Gwani ne 🕌
Lafiya Uwar Jiki

Address

Rigasa
Kaduna

Telephone

+2347083295405

Website

Alerts

Be the first to know and let us send you an email when Al'ummar Mu posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Al'ummar Mu:

Shortcuts

Share

Category