16/07/2025
DA ƊUMI-ƊUMI: Buhari Ya Saki Matarsa A’isha Kafin Ya Rasu, Cewar Farfesa Farook Kperogi
Fitaccen marubucin nan, Farfesa Farooq Kperogi, ya bayyana cewa mutane suna yaɗa labaran cewa Buhari ya ba wa matarsa, A’isha wasiyya cewa idan ya mutu ta roƙa masa afuwar ƴan Najeriya a madadinsa, "amma dai, a abin da na sani, babu aure a tsakanin Buhari da A’isha. Sun rabu tun kafin ya rasu, kuma ta koma amfani da asalin sunanta na A’isha Halilu". Cewar Farook, kamar yadda Dokin Ƙarfe TV ta ruwaito.
Farfesa Kperogi, kuma ya ƙara da cewa duk da cewa bai san inda wancan labari na wasiyya ya samo asali ba, amma in jama’a sun kula ko a lokacin da Buhari ya koma Daura bayan ya bar mulki ba da A’isha ya koma ba. Sannan kuma shi kaɗai ya koma Kaduna daga Daura.
"Magana ta gaskiya, ko lokacin da ya kwanta rashin lafiya a Ingila an nemi ta je ta kula da shi amma ba ta amince ba saboda a lokacin ita ba matarsa ba ce. Duk da haka, ta je Æ´an kwanaki kaÉ—an kafin ya mutu bayan an takura ta". In ji shi.
Faefesa Farook, ya kuma ƙara da cewa, ko a yanzu da ake cikin jimamin mutuwarsa, "za a fahimci ba ta taka wata rawa a matsayin matarsa ba". In ji shi.
Me zaku ce ?
