23/01/2023
HATSARIN DOGARO DA ALBASHIN AIKIN GWAMNATI
1. Abinda kake samu, kai baka tara sun biya maka bukata ba.
2. Dangi da sauran 'yan uwa nayi maka kallon rufin asiri kuma marowaci alokaci guda saboda ba zaka iya yin wani katabus daga cikin albashin garesu ba.
3. Shi aikin ya dabaibaye ka, yayi maka daurin-daiman-minti. Bi ma'ana: Ganin kana aiki zai hana a baka, Kai baka isa ka bayar ba.
4. Idan ka bishi sau-daka-fa ba zai bari kayi wani aikin ko wata sana'ar azo-agani ba. Hakan zaisa har kayi Ritaya ka tsufa baka iya juya Taro ya koma Sisi ba.
5. Zai sanya maka girman-kai da jin wai kai wani ne (wai irin sunanka yana payroll dinnan), tareda jin haushin wanda yake samu fiyeda kai saboda kawai shi ba aikin gwamnatin yake ba kuma bai gaza samu ba.
6. Yana da matukar kashe zuciya.
7. Idan kanada matar aure daya, to bashi shine matarka ta biyu, Kaida bashi Mutu-ka-raba.
8. Muddin da abinda kake samu daga aikin albashi ka dogara, to baka isa kayiwa wani Alheri da Kaso 5 (5%) na albashin ba ko nawa kake samu kuwa, Idan kuma kayi saika gane kurenka.
9. Duk wani Ma'aikacin Gwamnati yasan wannan tamsirin sarai.
Dukda tana biyan karamar bukata, tabbas aikin gwamnati karamar sana'a ce da wasu ke ganin idan bakayi kamar ka rako wasu duniya ne.
Amma ayanzu Wallahi Tallahi Billahi wanda ya riki sana'ar sa ta sayarda Lemo, Shushena, Sayarda Kayan Miya, Teburin Shayi, Kifi Sadin da sauran kananan sana'o'i ya fi ka rufin asiri nesa ba kusa ba kwatankwacin tazarar nisan Legas da Maiduguri muddin aikin gwamnatin shi kadai ka rike sana'a.
Kai, idan aikin gwamnati dashi kadai ka dogara, duk inda kaga Me Keke Nape ka risina masa don kallonka kawai yake.
A hada aikin gwamnati da Noma, kiwo, sana'a ko aikin-hannu ko a dawwama cikin wahala da labtun bashi 🚶
Ya Allah ka cigaba da nuna mana hanya !!!
