11/08/2024
TSADAR RAYUWA: Za A Gudanar Da Addu'ar Gama Gari A Nijeriya A Ranar Litinin 12 Ga Watan Agusta
..za a yi saukar Ƙur'ani miliyan daya, ana son kowa ya dauki Azumi a ranar
..jama'a a yada (sharing) domin sako ya isa ga sauran al'umma
YADDA TSARIN SAUKOKIN ZAI KASANCE IN SHA ALLAH...
1. Ba za mu je Abuja ba saboda dalilan tsaro. Jama'ar kowace jaha za su haɗu a wani babban masallaci, ko gurin haɗuwa na mutanen jahar, su ɗebi wani adadi na saukar karatun da za su iya yi a ranar, sannan addu'a ta biyo baya. Buƙatarmu shine mu haɗa sauka MILIYAN ƊAYA zuwa faɗuwar ranar Asabar.
2. Za a fara da salatin Annabi Sallallahu Alaihi Wasallam ranar Juma'a, wato ranar 9 ga wata. Ba mu ɗaukewa kowa ba a wannan. Muna fatan kowa ya yi salati dubu (1000) zuwa sama a wannan ranar. Don Allah kowa ya ware wata awa, ko awanni, don yin salati a wannan ranar, kaɗai don neman taimakon Allah Subhanahu wata'ala a kan sha'anin ƙasarnan!
3. Ranar 10 ga watan ita ce ranar Asabar kuma, wato ranar Al-Ƙur'ani. Don haka za mu yi saukokin karatu a ranar ne kawai, sannan mu yi Azumi a ranar Litinin, 12 ga Agusta kenan, duka don neman taimakon Allah Subhanahu wata'ala.
4. Muna kira ga ƴan'uwa Gwanayen Alƙur'ani na wannan dandali da su isar da wannan saƙo ga dukkanin ƴan uwa makaranta Al-Ƙur'ani da ke kowane lungu da saƙo, Islamiyyu da makarantun Al-Ƙur'ani a duk inda su ke.
5. Za mu sanar da gurin haɗuwarmu a nan Kano, tare da adadin saukar da za mu yi a nan Kano, da kuma jagororin taron addu'ar in Sha Allahu, zuwa gobe.
6. Muna jiran saƙonnin ragowar jahohi.
7. Za mu buɗe ƙofa ga duk wanda ya ke da ikon kawo ruwa, lemo ko abinci ga masu karatu a ranar Asabar, musamman saboda masu tahowa daga nesa, da kuma dalilin shigar da ladan ciyarwa cikin ibadun da za mu yi tawassuli da su!
Allah ya karɓi addu'o'inmu, Ya kawar mana da dukkanin azzaluman da s**a matsa mana, ya karo mana lafiya da zaman Lafiya da arziki mai Albarka a kasarmu Nigeria albarkacin Annabi Sallallahu alaihi Wasallam da Al-Ƙur'
