سعاد الهوني

20/09/2026

صباحكم تفائل
صباحكم راحة بال
صباحكم رزق الحلال
صباحكم زي قلوبكم ❤️❤️❤️❤️
وكل حد عارف قلبه شنو؟؟😂😂😂😂😂😂

19/09/2026

19/09/2026

صباحكم ورد
صباحكم اجمل الذكريات
فيا طبع قبل ما نرقد نتفرج علي ذكرياتى
واول ما انوض الصبح نتفرج تانى
عندكم علم انك لما تتفرجى علي ذكرياتك القديمه والحلوه تحسي روحك ترجعى صغيرونه
وتعبشى للحظات في عالم زمان القنين والحلو واللي كله براءه
الصوره هادي في وسط حوشنا زمان انى وخوى عبدو اللي من صغرنا وانى ديمه لاصقه فيه وحاصل فيا 😂😂😂وقاعد حاصل فيا لتوه هوا ديمه اللي واقف جنبي في اصعب اوقاتى و واقف جنبي في اسعد اوقاتي
وخوتى كلهم خير بركه وكلهم نحبهم ومستاحشتهم وغلاوتهم في قلبي شاده مكان مسكر بسبعين قفل
لاكن عبدو غلاوته بروحها
نتفرج علي الصوره وندير في زوم علي زليز الحوش ونقول ياحسره قداش كنست ونشفت وسيقت
وقداش نقزت بالحبل ولعبنا كوره
ولما الشمس تزرق وانتى حفيانه ما تقدريش تمشى فوقه نبداء انقز تنقيز 😂😂😂😂😂
والحوش كان كانه ملعب كبير ما فيش رياضه ما لعبناهاش فيه
كرة قدم
تنس طاوله
كرة اليد الحبل
ونديرو في فريق
وانى طبعا ديمه حارس
والمرمى كانت السقيفه اللي توه باينه في الصوره
وكانو مسميني الحارس عتوقه 😂😂😂😂
زمان في حارس تونسي مشهور اسمه عتوقه
ونجرو بكراطون اللوح
ونجرو بالبشاكليط
والبطش
والزرابيط
ونربطو الدرجيحه في الحبل متع نشر الحوايج
اعياد ميلاد
حفلات نجاح
عراس سبعه ايام وسبعه ليالي
وكل عشيه العاله مرشوقه والحوش مفتوح علي فردتين والخاش والطالع
وهذا كله في حوش عربي صغير
الشمس علي راسنا
والمطر على راسنا
لاكن كانت القلوب كبيره ومليانه حب وتسامح
ونرجعو لزليز الحوش 🫣
عندكم علم انى نعشقه
لحد الان لما نخش لحوش سيدى خليفه اول حاجه نحط عينى عليها الزليز
ونبداء قريب نهدرز معاه ونقوله تتفكر في ايام زمان ؟؟
ولا البيبان والرواشن هادوكا قصه بروحهم 😢😢😢😢
اللمهم الحمد لله عشنا فيه احلا ايام واحلا سنين
واحلا جيران وعشره
ربي يرحم اللي ماتو ويطرح البركه في عايش
اليوم سبت وفاضيه قلت خلي نفترش معاكم 😂😂😂😂😂😂😂😂😂😂
صباحكم مبروك

17/09/2026

مقادير الكعك الحلو
طاسه ميه
طاسه سكر ظرورى اتذوبي السكر في الميه بعدين حطي باقي المقادير
طاسه ونص زيت
نص طاسه زبده

ظرف بيك انبودر
كاشيك صغير منياكه
وما يعجنه دقيق

مقادير عجينة السينابون المالح
كوبين ميه معاهم خمسه او سته كواشيك كبار حليب نيدو
ونلعقه كبيره خميره بيره وملعقتين كبار سكر
ونص كوب زيت
تعجنيهم كويس وتخليها تخمر مرتين بيش ايجيك خفيف
وبعدين تفرديها زي السينابوى وتدهنى بشوية اجبان اي نوع عندك وتلفيها وتقصيها وتستفي في الطاجين

وتدهنى بالحليب وصفر بيضاء وحبيبات نسكافيه يعطيها لون حلو
وتصبحو علي خير

13/09/2026

استاحشت قهيوتى وحويشي وغريساتي
مشكله الانسان لما يتعلق بحاجات ممكن يستغنا عنها
اللمهم استاحشت تفاصيل حوشى واستاحشتكم

12/09/2026

هلا هلا هلا
انى بخير ومنقعه في البحر
شكرا لكل من يسال عليا
وقسما بالله استاحشتكم

09/09/2026

يابنات
امس حطيت فيديو للمرفوسه
وقلت جت في خاطرى 😂😂😂
قصدى خطرت عليا لاكن ما درتهاش
اللمهم هلبه يسالو وين الطريقه
حنحطلكم اللينك في التعليقات