Vaksdal Næringsselskap As

05/06/2026

Me set pris på om de vil senda inn spørsmål på førehand.
Dette kan sendast til [email protected], så plukker me ut utvalde spørsmål.

04/06/2026

Vaksdal Næringsselskap hadde planlagt eit arrangement under Daledagane i år. Dette er dessverre avlyst.

I staden for vil me invitera til ope folkemøte med Coop Hordaland i Dalesalen torsdag 18.juni kl. 18:00.
Meir informasjon kring dette kjem i morgon, hald av i kalendaren.

31/03/2026

Arbeidet vårt mot Vinterkonferansen 2027 saman med Vintertreffet er faktisk allereie i gong, og me held på med å sondere terrenget for å få spanande og inspirerande menneske til Vaksdal fredag 19.februar.

Men før me kjem så langt, har flinke Artem Novokhatskiy laga ein flott film etter Vinterkonferansen 2026.
https://vimeo.com/1168097888?fl=pl&fe=vl

Med dette ynskjer me alle ein riktig god påske😊

This is "Vinterkonferansen 2026-2" by Jørgen Lie Kjøndal on Vimeo, the home for high quality videos and the people who love them.

23/02/2026

For ein kjekk dag! Fredag var 130 deltakarar samla på Vaksdal for å delta på Vinterkonferansen 2026. Fullt hus, gode samtalar og kjempegode foredragshaldarar + musikarar gjorde arrangementet til ein suksess.
Me vil takka Bergsdalstunet for god mat, takk til Artem Novokhatskiy for foto, og spesielt takk til Vaksdal Underhaldningslag for flott samarbeid ifm. jubileet til Vintertreffet.

Me skal evaluera konferansen om nokre veker, før me set i gong med planlegginga av Vinterkonferansen 2027.

Eit lite utval av bilete frå konferansen, fleire kjem 😊

03/02/2026

Vinterkonferansen nærmar seg, er du påmeld?

Me har no 17 plassar att, 17 dagar før konferansen startar.

Vil du sjå Olaf Tufte inspirera på Vaksdal?
Kva med å høyre Renate Lunde si historie om braksuksessen Vossabia?
Er du Brann-supportar? Då kan vel Mons Ivar Mjelde sin "stein på stein"-tankegang før gullet i 2007 vera kjekk å høyre på.

Dette, og mykje meir, er på Vaksdal fredag 20.februar. Konferanse, konsert og mat frå Bergsdalstunet er grunn god nok til å halde av denne dagen.

Kjøp billettar her før dei siste vert utseld:

Vi startar dagen med lett servering og mingling frå kl. 12.00. Sjølve programmet er i gang kl. 13.00, og vi oppmodar alle om å vere på plass i god tid før det. Programmet varar til kl. 19.00, før vi forflyttar oss vidare til Vintertreffet i Vaksdal Samfunnshus.

27/01/2026

To flotte moglegheiter for næringsbygg på Dale ligg no ute til sals.

Skulegata 1B, tidlegare Jernia-bygget, skal no seljast, prisantydning 1.590.000,-
Her kan det vere gode moglegheiter til å starte opp ein butikk, eit bakeri/kaffibar, kontorfelleskap eller kanskje noko innafor kulturfeltet. Her set berre fantasien grenser. Visning i morgon, onsdag 28.januar kl 12:00.

Lenke: https://www.finn.no/realestate/businesssale/ad.html?finnkode=437117880

I tillegg skal Eviny selje eit av bygga sine, for å samlokalisera tilsette i eit anna bygg. Prisantydning: 6.000.000,-
Dette er eit stort, praktisk bygg med god takhøgd, stort uteområde og parkeringsplass.
Produksjonsverksemder, verkstad, distribusjon, eller rett og slett ein liten næringspark? Her kan ein få mange ulike krefter inn for å utnytte arealet til bygget på best mogleg måte.
Visning avtalast her direkte med meklar.

Lenke: https://www.finn.no/realestate/businesssale/ad.html?finnkode=446934781

Send meg gjerne melding om du ynskjer meir informasjon om området eller om du ynskjer å sparre med ein ekstern aktør vedrørande eit eventuelt kjøp.

Kort om eiendommenSkulegata 1B har en svært sentral og attraktiv beliggenhet midt i Dale sentrum. Eiendommen ligger med umiddelbar nærhet til dagligva

07/01/2026

To nye foredragshaldarar klare for Vinterkonferansen 2026!

Øyvind Rafto er ein kjend komikar (for mange mest kjend frå Raske Menn) som no gjer stor suksess med foredraget "Ingen friksjon - ingen framdrift".
No kjem han faktisk til Vaksdal og skal underhalde oss på Vinterkonferansen. Øyvind skal fortelje oss korleis ueinighet kan vere avgjerande for utvikling, med mykje humor involvert. Dette er det berre å gleda seg til!

Renate Lunde er etablerar og dagleg leiar av Vossabia, der ho har gjort stor suksess med prisvinnande, naturlege produkt innan hud- og hårpleie frå ein gard på Bulken. Historia bak er kjempespennande, og no skal ho dele suksessoppskrifta med oss på Vinterkonferansen.

For 1390,- får du oppleve Øyvind og Renate, Olaf Tufte og mange fleire på Vaksdal fredag 20.februar.
Inkludert i prisen er òg lokal mat og drikke, pluss konsertbillettar til Vintertreffet på kvelden.
Fullt program for konferansen kjem neste veke.
Kjøp billettar og finn meir informasjon her: https://event.checkin.no/214944/vinterkonferansen-2026

27/12/2025

Har skrive litt om næringsfondet i Vaksdal, om noko som kan gje oss eit fortrinn i kampen om arbeidsplassane i framtida.

LESARINNLEGG: I ei tid der mange kommunar, inkludert vår eigen, må prioritere hardt, er det viktig å løfte fram val som bidreg til aktivitet, arbeidsplassar og framtidstru. Bruken av næringsfondet i Vaksdal er eit godt døme på nettopp dette.

16/12/2025

Då kan me endeleg opna for påmeldingar til Vinterkonferansen 2026! Ein konferanse for næringsliv, innbyggarar og "folk flest".
Temaet for konferansen er "Små stader, store idèar - Korleis skapa levande lokalsamfunn"

Olaf Tufte, Monica Mæland, Mons Ivar Mjelde og mange fleire skal underhalda dykk fredag 20.februar på Vaksdal, før kveldskonsertane på Vintertreffet.

Førre gong vart det fullt allereie etter nokre veker, og me hadde venteliste. Me har òg gjort endringar for i år basert på tilbakemeldingane me fekk, så dette trur me faktisk skal bli endå betre enn i fjor.
Me vonar at programmet fell i smak.

Det kjem til å bli fleire dyktige foredragshaldarar og gode underhaldningsinnslag, dette vil me sleppe når det nærmar seg.

Billetten inkluderer konferanse, mat, drikke, og konsert på kvelden.

Kjøp billett i dag, via denne lenka:
https://event.checkin.no/214944/vinterkonferansen-2026

Artikkel i VaksdalPosten: https://www.vp.no/olaf-tufte-og-mons-ivar-mjelde-til-vinterkonferansen/s/5-134-157070

Dei fleste førelesarane til Vinterkonferansen på Vaksdal 20. februar er klare. Blant dei er Olaf Tufte, Monica Mæland og Mons Ivar Mjelde.

04/11/2025

Sjølv om haustmørket er her no, er snart Vaksdal Næringsselskap og Vaksdal Underhaldningslag ferdig med planlegginga av Vinterkonferansen 2026.

Vinterkonferansen vert avhalde fredag 20.februar, i Bravida sine lokale på Vaksdal.
Me hadde stor suksess på samme stad i fjor med over 130 deltakarar, og jobbar no for at arrangementet skal verte minst like bra neste år.

Billettsalet startar i slutten av november, då vil me òg presentera namna på nokre av dei spennande og dyktige foredragshaldarane me skal ha med på konferansen.

Hald av datoen og følg med her når billettsalet startar. Vinterkonferansen 2025 vart utseld, så her er det lurt å ikkje sitja på gjerdet for lenge😊