Sunnfjord Utvikling AS

08/09/2026

Smakslandet Sunnfjord er i gang, og vi ønsker å rette ei stor takk til Sparebanken Norge, Agenda Vestland, Sparebankstiftinga Fjaler og Vestland fylkeskommune for støtta.

Firda var også på plass på lanseringa🍽️🌾

Ta ein titt her:

Sunnfjord Utvikling og Nytta i Fjaler går saman om å lage Smakslandet Sunnfjord. No skal Sunnfjord vise fram at dei har like god matproduksjon som Nordfjord.

04/09/2026

I går møttest vi for å feire at satsinga Smakslandet Sunnfjord endeleg kan starte. Rundt bordet i det tradisjonsrike Fjordamattunet på Jølster sat bønder og bakarar, kokkar og andre med interesse og engasjement for lokalmat.

Bak satsinga står Sunnfjord Utvikling og Nytta As, i samarbeid med Aksello. Målet er å styrke verdiskapinga mellom landbruk, kulturarv og reiseliv i regionen vår.

Prosjektleiar Janne Karin Støylen tok oss med gjennom historia til Sunnfjordingen, som alltid har funne levevegar attåt landbruket. Langs fjorden og elvane, over breane, i vevstover, eldhus, smier og bakstekjellarar. No skal vi saman finne nye moglegheiter for dei som vil dyrke jorda, nytte seg av dei ressursane vi har rundt oss og tilby besøkande gode opplevingar.

Kveldens gjest, tv-kokk Andreas Viestad, minna oss om kvifor dette betyr noko:

«Mat er ein veldig fin måte å sette eit reisemål på kartet. Sunnfjord er lite kjent, men har så mykje ressursar».

Satsinga vart fullfinansiert 25. august med tilretteleggingsmidlar frå Vestland fylkeskommune, i tillegg til støtte frå Sparebanken Norge, Agenda Vestlandet og Sparebankstiftinga i Fjaler.

«Vi har venta på dette signalet lenge, og no er vi klare. Partnarane og gründerane som har sagt
seg villige til å bidra, har venta på nettopp dette», seier Ørjan Stubhaug, dagleg leiar i Sunnfjord
utvikling AS.

25/08/2026

I dag er Bjørn Lødemel i Bergen for å møte Stortingets transport- og kommunikasjonskomité. Med på laget er Sogn og Fjordane Næringsråd og Innsatsgruppe E39, der mellom anna Jenny Følling, Elisabeth B Hatlenes og Ørjan Stubhaug sit.

Bodskapen er tydeleg: Arbeidet med ny reguleringsplan for E39 Storehaugen–Førde må stansast.

«Hafstadfjelltunnel-prosjektet er det som verkeleg brenn no», seier Lødemel, som fryktar at ein ny planrunde vil forseinke prosjektet med fleire år.

Reguleringsplanen frå 2023 er allereie godkjend. Difor meiner NHO Vestland, LO Vestland og Sogn og Fjordane Næringsråd at løysinga ligg her og ikkje i endå ein planprosess.

Video: Jostein Vedvik

21/08/2026

Heilekonferansen 2026 nermar seg (27. - 28 august) og det er framleis nokre billettar igjen!

Verda er i rask endring. Demokratiet er under press, næringslivet møter nye rammevilkår, og teknologi, kriser og globale konfliktar skaper uro.

På Heilekonferansen løftar vi blikket og utforskar korleis vi kan forstå endringane, stå stødigare i dei, og finne moglegheitene som ligg i ei uroleg tid.

På scena møter vi blant anna:

• Thomas Seltzer
• Ketil Solvik-Olsen
• Kadafi Zaman
• Tuva Fellman
• Julie Brodtkorb
• Ørjan Berg frå Bodø/Glimt
• Etisk Hacker

Vi har også eit flott kveldsprogram med steike god mat (!) og ein hemmeleg artist som er verdt å få med seg!

Les meir og meld deg på her:
https://www.heilekonferansen.no/

13/08/2026

For ei veke!

For oss har Arendalsuka vore ein viktig møteplass for næringslivet i Vestland. Saman med gode samarbeidspartnarar, mellom anna Region Fjordane, har vi løfta fram saker som betyr mykje for utviklinga av regionen.

To sentrale arrangement var:

«Kraftforlik – er det noko vi kan einast om?»
Ein samtale om den viktige og stadig meir polariserte kraftdebatten i Noreg, med Ørjan Stubhaug, Elisabeth Birkeland Hatlenes, Olav Halseth, Knut Arild Flatjord og Erik Espeset.

«E39 Sogn og Fjordane – venting er den dyraste løysinga»
E39-utvalet i Sogn og Fjordane inviterte til debatt om prioritering, finansiering og framdrift, med Rolf Sanne-Gundersen, Jenny Følling, Ingrid Dahl Hovland og Kjetil Gillesvik.

Takk til alle som har bidrege, delt perspektiv og teke seg tid til gode samtalar.

11/08/2026

Kvar utsetjing av E39 kostar både i kroner, tid og trafikktryggleik.

«Her er det trafikkstans, det oppstår alvorlege situasjonar, og utrykkingskøyretøy kjem seg ikkje fram», seier stortingsrepresentant for Sogn og Fjordane, Torbjørn Vereide.

Under Arendalsuka inviterer E39-utvalet i Sogn og Fjordane til ein debatt om prioritering, finansiering og framdrift. På scena møter vi representantar frå Statens vegvesen, Vestland fylkeskommune, næringslivet og sentrale politikarar.

Finn meir informasjon her:
https://lnkd.in/eCEyt3fC

11/06/2026

08/06/2026

Det skal litt til å halde styr på alt som prosjektleiar 😅
Tusen takk til Sordalgruppen og alle dei andre sponsorane våre. Elevate hadde ikkje eksistert utan dykk 🙏

05/06/2026

Elevate 2026 nærmar seg slutten – og for ei veke det har vore!

Saman har vi skapt ein arena for læring, inspirasjon, nye moglegheiter og verdifulle møte. No er tida komen for å sjå tilbake på det vi har oppnådd.

Nokre høgdepunkt frå årets Elevate:
• 4 dagar med aktivitetar, læring og opplevingar
• Over 20 arrangement
• 7 ulike lokasjonar
• Over 500 deltakarar
• Over 30 inspirerande foredragshaldarar
• Meir enn 26 timar med fagleg innhald og over 10 timar med nettverksbygging

I år samla Elevate både unge talent med store ambisjonar og etablerte aktørar frå næringslivet i Sunnfjord-regionen. Nokon kom for å ta dei første stega på karrierevegen eller starte si eiga verksemd. Andre kom for å dele erfaringar, finne nye samarbeidspartnarar og utvikle vidare det dei allereie har bygd opp.

Gjennom foredrag, workshopar og møte mellom menneske vart nye idear skapte, relasjonar bygde og kunnskap omsett til handling. Her vart teori til praksis, og inspirasjon til motivasjon for vidare vekst.

For mange handla Elevate om å utvide nettverket sitt. For andre handla det om læring, samarbeid eller nye moglegheiter. Og nokre kom rett og slett for å kjenne på energien som oppstår når engasjerte menneske møtest.

Elevate er meir enn eit arrangement. Det er ein møteplass for menneske som ønskjer å utvikle seg, utfordre seg sjølve og skape noko større – saman.

Tusen takk til alle sponsorane, samarbeidspartnarar, foredragshaldarar og frivillige som gjorde Elevate 2026 mogleg.
SpareBank 1 Sogn og Fjordane Enivest AS Photoevent Elvetorget Kunnskapsparken Vestland Jostein Vedvik Vookal Fiken Visere - rekruttering ledere og spesialister Atea Norge Bouvet Høgskulen på Vestlandet HVL Lotteritilsynet Norec Proresult AS Tekna IT-forum Vest Sordal Supply As

Vi gler oss allereie til å møte dykk igjen neste år! 🚀✨