Sunnfjord Miljøverk IKS

14/08/2026

Det er taco-fredag, og vi veit kva det betyr! 🌮

Tacosaus, mais, bønner, jalapeños - og gjerne ein del tom emballasje når tacoen er eten. 🤔

Skyll lett tomme glas frå tacosaus, salsa, og jalapeños.
Tøm hermetikkboksar frå mais, bønner, og anna.
Legg emballasjen laust i dunken for glas- og metallemballasje! ♻️

Vi har ny runde med tømming av glas- og metallemballasje i veke 35 og veke 37!
Sjå når vi tømmar din dunk på https://www.sumavfall.no/ eller i SUM-Appen!

11/08/2026

🥳Nyheit hos SUM: Møt den digitale kundehjelparen vår! 🤖👋

No har SUM lansert ein digital kundehjelpar på nettsida vår. Her kan du få svar på mange av dei vanlegaste spørsmåla våre kundar har, akkurat når det passar deg🤩

Lurer du på korleis noko skal sorterast? Når dunken blir tømd? Treng du informasjon om dunkar, utstyr, container, faktura eller renovasjonstenester? Den digitale kundehjelparen hjelper deg med å finne svar raskt og enkelt, heile døgnet.

Dersom du ikkje får svar på det du lurer på, kan du leggje igjen kontaktinformasjonen din. Då tek ein av våre kunderådgjevarar kontakt med deg.

Prøv den digitale kundehjelparen neste gong du besøker nettsida vår og opplev kor enkelt det kan vere å få hjelp når du treng det😊

No blir det endå enklare å få hjelp frå SUM. På nettsida vår finn du no ein ny digital kundehjelpar som kan svare på mange av dei vanlegaste spørsmåla frå…

31/07/2026

Visste du at renovasjonsdunken bør vaskast jamleg? 🧼♻️

Mange gløymer at avfallsdunken også treng litt omsorg. Regelmessig vask bidreg til mindre lukt, betre hygiene og ein trivelegare kvardag rundt avfallshandteringa 😊

Sjå korleis Kristine går fram når ho vaskar dunken her, og få gode tips til korleis du og enkelt kan halde den rein og frisk😊

Sjå innlegget her: https://www.instagram.com/p/DbV_aNAjQNz/

https://www.instagram.com/p/DbV_aNAjQNz/?utm_source=ig_web_copy_link&igsh=MzRlODBiNWFlZA==

Takk til Kristine som kjem med gode råd 💚
https://www.instagram.com/thewergelands/

23/07/2026

Sommar betyr sein frukost på terrassen, kaffikoppen i sola og kanskje ein ekstra kopp eller to på hytta.

Uansett kor mange koppar du kosar deg med denne sommaren, håpar vi at du kjeldesorterer både kaffigrut og kaffifilter. Og skulle du vere i tvil: Ja, kaffifilteret skal sorterast som matavfall saman med gruten. ♻️☕

Visste du at nordmenn er blant dei som drikk mest kaffi i verda? Kva er vel betre enn ein varm kopp kaffi medan du nyt sommaren?

Kor drikk du den beste sommarkaffien: på terrassen, i båten, på fjellet eller på hytta?😊

17/07/2026

Skal du på Skjærgårdstreffet i helga?🌞
Då håpar vi du tek turen innom SUM sin stand på laurdag! Her kan du slå av ein prat med oss, bli betre kjend med arbeidet vårt og høyre meir om korleis vi saman kan byggje eit meir sirkulært lokalsamfunn.
Når du først er i området, vil vi også tipse om eit besøk til Gratisbutikken i Askvoll, ein av våre flotte SUM-partnarar!😊

Gratisbutikken er mykje meir enn ein butikk. Her er alt gratis, og tilbodet er ope for alle. Det er ein stad for gjenbruk, fellesskap og gode møte mellom menneske. Driven av engasjerte frivillige og bygd på rausheit og dugnadsånd, har Gratisbutikken blitt ein viktig møteplass for både store og små. Her kan du gi ting nytt liv gjennom gjenbruk, ta ein kopp kaffi og slå av ein prat medan ein kan la barna leike og vere saman i trygge omgjevnader.

Gratisbutikken er eit lite stykke Askvoll på sitt aller beste.🍀
Vi gler oss til å møte deg på Skjærgårdstreffet laurdag!

Les meir om Gratisbutikken her:
https://www.sumavfall.no/gratisbutikken

29/06/2026

Gjer klede klare for sommar med Solbringer! 👗
Har du eit plagg som treng litt kjærleik før sommarfesten, bryllaupet – eller berre til fine dagar i sola? Då kan Solbringer midt i Førde sentrum vere løysinga 🌿
Hos Kateryna finn du eit dyktig skreddar- og systudio med høg fagkunnskap og ekte omsorg for kvart einaste plagg. Her kan du få:
👖 Reparert favorittkleda dine – som jeans, kjolar og meir
🧵 Tilpassa klede slik dei sit perfekt
👗 Skreddarsydd plagg tilpassa deg – kanskje til eit bryllaup eller ein spesiell sommarfest?
🪡 Bytt glidelås eller få fiksa små og store ting.
Å reparere og tilpasse i staden for å kjøpe nytt er eit smart val – både for miljøet 🌍 og for lommeboka 💚
Samtidig støttar du eit lokalt handverk og ei verksemd i Førde sentrum.
Ta vare på plagga dine – og gje dei nytt liv denne sommaren 🌼
Les meir om Solbringer her:
https://www.sumavfall.no/solbringer

15/06/2026

Sommar, sol – og felles ansvar! 🌿

No er sommaren her, og mange tek turen til hytta for å nyte rolege dagar, frisk luft og fine naturopplevingar ☀️🏡
Samtidig er det viktig at vi alle tek ansvar for å halde det ryddig rundt hyttecontaineren. Vi oppmodar alle om å:
✅ Kaste avfall på rett plass
✅ Ikkje setje frå seg boss utanfor containeren
✅ Ta med større avfall til godkjent mottak
✅ Rydde etter seg slik at området held seg triveleg for alle

La oss saman sørgje for at naturen rundt oss ser like fin ut etter besøket som før 🌼

Takk for at du tek ansvar – god sommar!

08/06/2026

SUM på sommarturné!

I sommar er SUM ute på stand fleire stader – kom og slå av ein prat med oss! Vi informerer om sirkulær økonomi og korleis vi alle kan bidra til eit meir berekraftig samfunn.

For dei unge (og konkurranselystne!) blir det sorteringskonkurranse med spanande utfordringar og premie 🎉

Vi var i helga på Kvernsteinsmarknaden i , Hyllestad – det var skikkeleg kjekt, og vi møtte mange engasjerte folk! No gler vi oss til resten av sommaren.

👉 Sjekk ut artikkelen for å sjå kvar og når du kan møte oss.
Vi håpar å sjå deg!

https://www.sumavfall.no/aktuelt/sum-p%C3%A5-sommarturn%C3%A9-vi-m%C3%B8ter-folk-der-dei-er

02/06/2026

📬 Nei, ei postkasse er dessverre ikkje emballasje.
Det er kreativt – men behaldarane for glas- og metallemballasje er ikkje ein «alt mogleg»-plass. Det er berre emballasje som skal oppi😊
Ja: hermetikkboksar, glasflasker og syltetøyglas
Nei: postkasser, steikepanner og andre solide overraskingar

🚛 Har du ikkje fått dunk endå? Slapp av – du er ikkje gløymd. Utkøyringa pågår, men det tek litt tid å nå alle.

📍 Hugs at returpunkta våre er opne som vanleg – bruk dei gjerne!

Takk for at du sortera 💚