Denne Stranda

16/09/2026

📣 Vi jobbar med planane for ein cowork i Stranda sentrum, for deg som treng ein stad å jobbe eller studere, anten det er drop-in ein dag iblant, for ein kortare periode eller som fast kontorplass🤝

Men vi ønskjer å skape meir enn berre ein stad å sitje og jobbe eller studere. Coworken skal vere ein møteplass for kreativitet, nye idear, nettverk og samarbeid, med både fagleg påfyll og litt sosialt rundt arbeidsdagen 🤩

No vil vi finne ut kven som kan ha nytte av eit slikt tilbod, kva behov som finst og kva som skal til for å skape ein attraktiv møte- og arbeidsplass i Stranda sentrum.

Kunne dette vore aktuelt for deg? Svar gjerne på den korte spørjeundersøkinga på 1-3 min og hjelp oss å forme tilbodet 👇

https://forms.gle/eeWTQPZUY2g9MD75A

25/08/2026

Måten vi søkjer etter bedrifter, produkt og tenester på har endra seg mykje med AI, så dette trur vi er svært relevant for mange lokale bedrifter🤩👇

24/08/2026

Nyheit! Ny bustadportal for Stranda🏡

Har du ein bustad eller ei tomt du ønskjer å selje eller leige ut? Eller er du på jakt etter ein stad å bu i Stranda kommune?

No har vi laga ein felles bustadportal på dennestranda.no/bustad, der vi ønskjer å samle og synleggjere ledige bustader og tomter i heile kommunen.

Eit godt og synleg bustadtilbod er særleg viktig for å gjere det enklare for nye folk å flytte til bygdene våre, ikkje berre for oss som allereie bur her.

Berre i løpet av sommaren har vi fått fleire førespurnader og høyrt frå folk som ønskjer å flytte hit, men som slit med å finne bustad til leige. Mykje blir i dag delt i lokale Facebook-grupper og gjennom kjennskap og nettverk, kanalar som kan vere vanskelege å finne fram til når ein ikkje har tilknyting til Stranda frå før.

👉 Derfor håpar vi at de vil ta portalen i bruk! Har du noko til leige eller sal, kan du enkelt leggje inn annonsa di i portalen. Du kan sjølv redigere eller slette ho seinare. Del gjerne lenka til annonsa vidare i lokale Facebook-grupper, då blir bustadane synlege både lokalt og for dei som leitar etter bustad i Stranda utanfrå.

🔗 Sjå ledige bustader og tomter, eller legg inn di eiga annonse på dennestranda.no/bustad

Portalen er både for langtidsleige og kortare leigeforhold, til dømes for sesongarbeidarar og andre som skal bu og arbeide i Stranda ein periode, men ikkje for turistutleige.

Vi ønskjer at nettsida vår skal vere ein naturleg inngangsport til livet i Stranda. Saknar du informasjon som burde vere enklare å finne? Send oss gjerne eit tips!

19/08/2026

To nye jobbmoglegheiter på Stranda! 🤩

Stranda Booking ser etter fleire folk på laget. No søkjer dei:

👉 Drifts- og bookingansvarleg; ei variert 100 % stilling der du får fridom, ansvar og moglegheit til å utvikle deg.

👉 Service- og reinhaldsmedarbeidar; ei fleksibel stilling med sjølvstende og varierte arbeidsoppgåver.

For begge stillingane er det først og fremst den rette personen og innstillinga som tel, du treng ikkje kunne alt frå før.

👉 Les meir og søk på https://karriere.dennestranda.no/

Kjenner du nokon som kunne passa? Tips dei gjerne!

17/08/2026

Mange har spurt etter kinoprogrammet...😍
No har vi lagt inn filmar for hausten, og her er det mykje kjekt og spennande🤩

Vi startar allereie komande søndag.
Film er best på det store lerretet og med god lyd! Velkomen på kino!

19/06/2026

Har du budd i Stranda kommune i over eitt år? Har du studielån?

Då kan du ha rett til å få sletta opptil 25 000 kroner av studielånet ditt kvart år gjennom den nye ordninga for distriktskommunar💰

⚠️ Det mange ikkje er klar over: Du må søkje innan tre månader etter at oppteningstida er fullført.

Til dømes: Flytta du til Stranda 19.06.2025 og oppfyller vilkåra, er oppteningstida fullført 18.06.2026. Då må du søkje seinast 18.09.2026 🗓

For å kvalifisere må du:
👉 Ha budd i Stranda kommune i minst 12 samanhengande månader
👉 Vere yrkesaktiv i minst 50 prosent
👉 Ha byrja å betale renter på studielånet ditt

Merk at oppteningstida tidlegast startar den dagen det byrjar å løpe renter på studielånet, ikkje nødvendigvis den dagen du flyttar til kommunen.

💡 Har fristen gått ut? Du kan framleis forsøke å søkje ved å leggje inn ein seinare startdato, så lenge du oppfyller krava og har ein ny oppteningsperiode på 12 samanhengande månader.

Sjekk om ordninga gjeld for deg på Lånekassen sine nettsider og del gjerne innlegget med nokon som må hugse å søkje 🙌

👉 https://lanekassen.no/nb-NO/gjeld-og-betaling/sletting-av-gjeld-i-utvalgte-kommuner/

01/06/2026

🚀 Noregs første astronaut kjem til Sykkylven på onsdag!

Onsdag kl. 18.00 kan du oppleve Janicke Mikkelsen fortelje om den utrulege vegen frå filmskapar til Noregs første astronaut.

Kanskje inspirerer ho deg også til å sjå verda med nye auge?

🎟️ Kjøp billett til foredraget her:
https://www.sykkylvenkulturhus.no/kulturprogram/KUL20260103

Foredraget er ein del av Teknologifestivalen 2026, som går av stabelen 4. og 5. juni på Næringsfabrikken i Sykkylven. Denne Stranda er med i programkomiteen og håpar å sjå mange frå Stranda både på foredraget og resten av festivalen!

🎟️ Sjå programmet og kjøp festivalbillett her:
https://www.teknologifestivalen.com/

29/05/2026

21/05/2026

Berre to veker til Teknologifestivalen! Vi er med i programkomiteen, og håper å sjå DEG i publikum! 🤩