Hardanger og Voss Næringshage

19/05/2026

Betre utnytting av ressursar og foredling + nettverk og samarbeid på tvers = auka verdiskaping i regionen vår🍀🤝📈

Hardanger og Voss Næringshage ynskja velkomen til inspirasjon og arbeidsøkt i temaet sirkulærøkonomi i landbruk, lokalmat og småskalareiseliv 13. mai i Skummesalen i Øystese.

💡Klarar vi å utvikle ein storskala epleskrellar?
💡Kan vi utnytte og foredle dei enorme mengdene med vrakfrukt?
💡Fins det hald i helsefokus i flytande epleprodukt?
💡Kan vi ha norske epler i butikken heile året?
💡Kan vi skape nye produkt og verdi av slakteavfall og saueull?

Noko treng å forskast på, anna nyvinning er allereie på god veg, medan enkelte harde nøtter har vi tygd på i 20 år.

Seniorforskarane Petter Ivar Grøtte og Øyvind Heimset Larsen frå Vestlandsforsking presenterte kva dei og FORREGION Vestland kan bidra med inn i innovasjon, berekreftig verdiskaping, grøn konkurransekraft og klimaomstilling. Dei tilbyr gratis rådgjeving og kan bidra med tilskot i forprosjekt, kompetansemekling, FoU-møter og prosjektverkstad. Ein kan til og med låne ein forskar inn i eiga verksemd!

Bioøkonomipyramiden gjev eit bilete på at vi får meir verdiskaping, arbeidsplassar og hentar mest nytte frå naturens ressursar om vi brukar bioråstoff først til mat og medisinar, før det går til andre formål som gjødsel og energi. Eller som Ivar Petter Grøtte seier; «det er særdeles ubra å kasta frukt!» -Noko vi kan applaudera.

Emily Follett, forskar på frukt i divisjon for matproduksjon og samfunn i NIBIO, har ein plan om at vi skal kjøpe norske epler på butikken heile året. I samarbeid med Fjordfrukt, har dei strekt lagringa 3 månader allereie ved å bremse etylenutvikling i epla.

Vi fekk øve oss på tålmodig behovskartleggjing, kunnskapsidentifisering og problemløysing i myldringa avslutningsvis på samlinga. Det er mykje spanande på gong i regionen vår, her er det berre å følgje med vidare!

Tusen takk til G**o og Hardanger Bygdeysteri. Det er fantastisk kjekt å høyre om osteeventyret i Mathuset! Både vertskapet, steikeostburgeren og kremmarskapet utmerka seg✨ (korga var tom når vi forlot lokalet🙌)

10/05/2026

Voss Byggsenter AS er målbedrift hjå oss, og vi er frykteleg stolte i lag med dei over vel fortent åtgaum og applaus på årets prisutdeling i Blink Hus kjeda 🎯👏

🏆Kai Arne Hårklau, "Årets beste seljar"
🏆Asle Rykke, "Årets beste tømrar"

"Det å bli sett når ein slit litt, det har litt å seie ja."
Det er audmjuke og takksame karar som let seg intervjua av avisa. Dei presiserer at samarbeid, struktur og kontinuerleg utvikling i verksemda er avgjerande faktorar for å lukkast.

Voss Byggsenter har grunn til å feira etter at to av deira tilsette, Kai Arne Hårklau og Asle Rykke, vart tildelt gjæve prisar for jobben dei gjer.

04/05/2026

Visste du at HVK Studiesenter er ein del av Hardanger og Voss Næringshage?
Det betyr at du har kort veg til relevant utdanning og kompetanse.

Me er veldig stolte av at me kan leggje til rette for fleksibel og desentralisert utdanning der folk bur. Tilbodet er eit strategisk samarbeid om utvikling og gjennomføring av kompetansetiltak, kompetansedeling og profilering i regionen.

Til hausten kan du ta eitt (eller fleire!) DIGI-emne frå Universitetet i Bergen. Og no har du moglegheit til å sikre deg plass før alle andre!

Dette er kurs som treff blink for dei fleste bransjar akkurat no, enten du jobbar med utvikling, leiing, teknologi eller omstilling.

👉 Dette er ei moglegheit du bør gripe.

Sjekk ut alle dei andre tilboda HVK Studiesenter har på: https://hvkstudiesenter.no/utdanningar/

27/04/2026

«Me skal vera fyrst,fremst og best med det me held på med. -Og det er me!»

Vi fekk særs nasjonalromantiske rammer rundt Næringslunsjen i Norheimsund 22. april hjå Jarle Tveiten Transport AS😍 Signalbygga på Valland står som ei naustrekkje i solskinet og er like imponerande som verksemda sjølv. Dei har stålkontroll og hjarte for drifta, og levande fisk i tankane🐟🐟🐟

MEN vi gjer anna enn å ete deilig lunsj, prate og la oss begeistre på møtene våre😁
Dagens hovudtema: "Korleis bli leverandør til forsvarssektoren?"

I 2024 kom Forsvarsløftet, ein langtidsplan for forsvarssektoren 2025-2036. Frykt, beredskapslager, jod, drivstofflager og alternative lademoglegheiter prega heile landet i etterkant.

Kva med å snu avgrensing og krise til moglegheiter og næring i dette løftet? Utvikling, innovasjon, samarbeid, doffin og ikkje minst det snodige fenomenet gjenkjøpsavtalar, var tema Harald Alfsen frå Stiegler Advokatfirma presenterte for oss. Nettverk, bransjekunnskap, evna til å samarbeide med andre og gode relasjonar er 🔑 for å kome i anbodsposisjon. Og flaks for våre medlemer, er det noko vi arbeider mykje med å fasilitere!

Vil du høyre meir frå Harald, gira på å møte potensielle samarbeidspartnarar eller treng repetisjon, meld deg på Last Tuesday i morgon, på Voss:
https://hardangervoss.no/arrangement/last-tuesday/

Takk til Jarle og Tor-Bjørn hos vertskapet for vitjing, ein strålande presentasjon og omsyning✨Jarle Tveiten Transport AS

22/04/2026

HO – leiar, var overskrifta som sette stemning og agenda for årets fyrste samling.

Høyrt frå scena:
💥«Eg likar å bestemme, og det må vere greit å sei».
💥«Sei ja til nye moglegheiter, sjølv om det er skummelt.»
💥«Andre folk er ikkje så smarte»
💥«Å vera vossing er generelt sett eit godt utgangspunkt i livet».

Hardanger og Voss Næringshage, i samarbeid med Sparebanken Norge og Agenda Vestlandet, fekk samla over 60 kvinner til inspirasjon, refleksjon og workshop på Voss 16. april.

Leiarskap, teknologi og framtida. Kva vil vere viktige val og prioriteringar i utviklinga av sterke verksemder i åra som kjem? Eigenskapar, haldningar, mot, kompetanse, utdanning, bias, arbeidsglede, einsemd, integritet, identitet og jenter som vil meir, var tema vi fekk belyst frå sterke leiarar i regionen vår.

Finn støtte, ta plass, tør å leie framfor å administrere og våg å vere deg sjølv. 80% er 100%, deleger det du kan og set grenser for deg sjølv (ingen andre gjer det for deg).

Tusen takk for inspirasjon, motivasjon og gode refleksjonar:
Helene Seim, administrerande direktør i Boliden Odda.
G**o Valland, redaktør og administrerande direktør i BA.
Åshild Lande, direktør i PwC
Reidun Skålheim Solberg, Sparebanken Norge

Synes du dette var ei lettbeint oppsummering?
Set av 25. juni i festivalteltet til Ekstremsportveko for neste HO🤩

20/04/2026

Det er alltid like kjekt å møte næringslivet og medlemane våre i Eidfjord🤩

Årets fyrste næringslunsj i Hardanger og Voss Næringshage, gav informasjon og inspirasjon, med både faglege og kulinariske høgdepunkt. Deileg lunsj frå Vik Bakeri gav drivstoff til ei rekkje engasjerande innlegg frå både kommunen og private aktørar.

Deltakarane fekk høyre om styrekandidatprosjektet (meld deg!), desentralisert utdanning for vaksne, strategisk næringsplan, glow up i sentrum, besøksforvaltning vs. reiselivsplan, gratis parkering med vilkår i sentrum, landstraum, 37 meter lengre kai, samarbeid og kommunikasjon med nabobygda og Norseman som næringsmolegheit.

Vi vart minna om at norske verdiar som ærlegdom, integritet og tillit gjer det mogleg å både starte og drive gode, lønsame verksemder (og sikre vilkårsparkering i sentrum).

30/03/2026

Gratulerer til årets vinnarar av Fjord- og Fjellfondet, som vart delte ut under Vossadagane 2026 førre veke 👏

Tre sterke verksemder fekk kvar sitt tilskot på 200.000 kroner:

🌊 Disruptive Value Group AS
Utviklar bio-baserte og mikroplastfrie materialløysingar for mellom anna maritim sektor, energi og havbruk.

🌱 Voss MicroZ AS
Produserer lokalt mikrogrønt med vekt på kvalitet, helse og berekraft.

🛩️ Ludens Aviation
Utviklar løysingar for elektrisk luftfart og KI-driven operasjon.

Felles for dei tre vinnarane er sterk innovasjon, tydelege klimaeffektar og potensial for regional verdiskaping.

Fjord- og Fjellfondet er ein pris me i Hardanger og Voss Næringshage deler ut i samarbeid med Sparebanken Norge og Agenda Vestlandet. Under årets utdeling var det leiaren for juryen, Reidun Skålheim Solberg frå Sparebanken Norge, som delte ut prisen.

Gratulerer igjen til alle tre – me gler oss til å følgja utviklinga vidare 🚀

10/03/2026

𝗧𝗮𝗸𝗸 𝗳𝗼𝗿 𝗲𝗶 𝗴𝗶𝗹𝗱 𝘀𝗮𝗺𝗹𝗶𝗻𝗴 𝗼𝗺 𝘀𝘁𝘆𝗿𝗲𝗮𝗿𝗯𝗲𝗶𝗱 𝗼𝗴 𝘀𝘁𝘆𝗿𝗲𝗸𝗮𝗻𝗱𝗶𝗱𝗮𝘁 𝗱𝗮𝘁𝗮𝗯𝗮𝘀𝗲𝗻 𝗽å 𝗩𝗼𝘀𝘀

26. februar samla Hardanger og Voss Næringshage AS og Voss herad engasjerte deltakarar til arrangement om den nye styrekandidatbasen i turistinformasjonen på Voss.

Me vil takka for godt oppmøte, stor interesse og for alle som bidrog til å gjera dette til ei svært vellukka samling. Det er alltid kjekt når det er ei aktiv forsamling, gode spørsmål og ekte engasjement i rommet.

Ein særleg takk går til initiativtakarane Stein Kvarekvål og Sigmund Vereide, som delte verdifulle erfaringar frå styrerommet.

Me er og takksam for at Trude Sviggum delte raust og nyttig av si erfarin frå mellom anna arbeidet i VossVind og andre roller. Og takk til rådmann i Voss herad, Martin W. Kulild, som gav innsikt i kva det vil seia å sitja i styret i kommunalt eigde selskap.

Samtidig vil me minna om det viktigaste:

𝗦𝘁𝘆𝗿𝗲𝗱𝗮𝘁𝗮𝗯𝗮𝘀𝗲𝗻 𝗺å 𝗯𝗿𝘂𝗸𝗮𝘀𝘁!

👉https://styrekandidat.hardangervoss.no/

No treng me at dei som har kompetanse, erfaring og motivasjon til å bidra melder seg inn. Og me treng at bedriftene i regionen faktisk tek databasen i bruk når dei skal styrkje styret og bedriftane sine.

Gode styremedlemmer kan gje verksemder ny kompetanse, nye perspektiv, betre styring og større verdi over tid. Det finst mykje sterk kompetanse i regionen vår, og styredatabasen skal gjera det lettare å kopla denne kompetansen med bedrifter som treng denne kompetansa.

For deg som kan tenkja deg å bli ein ressurs for dei mange styra på Voss og i Hardangerregionen:

Det er sett opp eit nytt informasjonsmøte om styrearbeid og den nye styredatabasen i Øystese 18. mars.

Me håpar å sjå både nye kandidatar og representantar frå næringslivet der.