20/03/2026
अब गठन हुन लागेको बालेन नेतृत्वको सरकार सामु चुनौतीहरूको पहाड छन् । सर्वप्रथम किसानका समस्यालाई उच्च प्राथमिकतामा राखी ठोस र परिणाममुखी कदम चालिनु अपरिहार्य छ। साना तथा मझौला उद्योगी–व्यवसायीका जटिल समस्याको समाधान खोजिनुपर्छ।
नेपालको कृषि उत्पादनले भारतीय बजारमा सहज र निर्बाध प्रवेश पाउने वातावरण निर्माण गरिनु आवश्यक छ। पर्यटन प्रवर्द्धनमा कुनै किसिमको कञ्जुस्याइँ नदेखाई सशक्त पहल गरिनुपर्छ। यी आधारभूत कार्यहरूको थालनी पहिलो १०० दिनभित्रै हुनु अत्यावश्यक छ—यसमा कुनै विकल्प छैन।
नयाँ नेतृत्वले प्रशासनिक संयन्त्र (ब्युरोक्रेसी) लाई दक्षता र पारदर्शितासहित सही ढङ्गले परिचालन गर्न सक्नुपर्छ। अन्ततः, समग्र परिवर्तनको मूल आधार सोचको रूपान्तरणमै निहित छ—त्यसतर्फ दृढतापूर्वक अग्रसर हुनु जरुरी छ।
