13/08/2024
गण्डकी प्रदेशको मनाङ जिल्लाको तल्लो क्षेत्रका किसानलाई यतिबेला स्याउ टिप्न चटारो । हिमाली जिल्ला मनाङको तल्लो क्षेत्रका किसानलाई स्याउ टिप्न चटारो छ । नासोँ गाउँपालिका- ८ ताचैका सोलबहादुर गुरुङका परिवारलाई अचेल स्याउ टिप्न भ्याइनभ्याई छ । भदौ लाग्न थालेसंगै उनको परिवार बिहानैदेखि बगैँचामै स्याउ टिप्न व्यस्त हुन्छन् । उनको बारीमा गाला, गोल्डेन, फुजी र जोनाप्रिन्स जातका स्याउ फलेका छन् । किसानका अनुसार तल्लो क्षेत्रका नासोँ गाउँपालिका २ ताचै, ४ ओडार, ७ तिल्चे, ९ दानक्युलगायत क्षेत्रमा स्याउ खेती गरिएको छ । ती क्षेत्रमा पनि स्याउ टिप्न सुरु भएको छ । मनाङको तल्लो क्षेत्रका किसानले पनि इटालीबाट बिरुवा ल्याएर ४ वटै जातको स्याउलाई हाइडेन्सिटी प्रविधिमा लगाइएका हुन ।
तस्वीर तथा जानकारी - सोलबहादुर गुरुङ/ मनाङ
