28/03/2023
यो तस्बिरलाई " The Vulture And The Little Girl " को नाम दिइएको थियो । यस तस्विरमा एक गिद्ध चरम भोकले तड्पिएर मर्न आँटेकी एक सानी बालिका मृत्युको प्रतीक्षा गरिरहेको छ । यो तस्विर साउथ अफ्रिकन फोटो पत्रकार केविन कार्टरले ( Kevin Carter ) सन् १९९३ मा सुडानमा अनिकालको समयमा खिचेका थिए ।
उक्त तस्बिरबाट उनले पुलिट्जर पुरस्कार ( Pulitzer Award ) सम्मानित पनि भएका थिए । तर, कार्टरले त्यस सम्मानको आनन्द धेरै दिन लिन भने पाएनन्, किनकि उक्त फोटो खिचेको केही महिनापछि ३३ बर्षको उमेरमा उनले आत्महत्या गरेका थिए ।
किन गरे त आत्महत्या ?
निसन्देह, जब उनी पुरस्कारबाट सम्मानित भए र खुशीयाली मनाउँदै थिए ।
उसबखत दुनियाभरका सञ्चार माध्यममा उनकै चर्चा भईरहेको थियो । यसै प्रख्यातिको माझ उनलाई एक फोन अन्तर्वार्तामा कसैले सोध्यो,
"त्यसपछि त्यो बालिकाको के भयो ?"
उनले जवाफ फर्काए, " त्यसपछि म रोकिईँन, किनकि मेरो फ्लाईट डिले हुँदैथियो । उनको उक्त जवाफपछि प्रश्नकर्ताले उनीतर्फ इङ्गित भने, " म तपाईँलाई भनिरहेकी छु कि त्यसदिन त्यहाँ दुईवटा गिद्धहरु थिए । जसमध्ये एकको हातमा क्यामेरा थियो ।"
फोटो पत्रकार करविन कार्टरलाई उक्त प्रश्नले यति विचलित बनायो कि अन्त्यमा पश्चातापमा पुगेर आत्महत्या गरे ।
****
त्यसैले कुनैपनि स्थितिमा केही कुरा हासिल गर्नुभन्दा पहिले मानवता जगाउनु पर्दछ ।
ति बालिका र कार्टर आजपनि जीवित रहन्थे यदि उनले ति बालिकालाई उठाएर युनाइटेड नेशनको फिडिङ्ग सेन्टरमा पुर्याईदिएको भए । जहाँ पुग्नका लागि बच्चा कोसिस गरिरहेकि थिईन् ।
त्यसैले जब कुनैपनि मौका पर्छ, त्यस्तो परिस्थितिमा फोटो खिच्नको सट्टा मद्दत गर्ने कोसिस गर्नुस् ।
आजकल दु:ख, दर्द, पीडा, गरिबी, घाइते, विरामी लगायतका फोटो खिचेर सामाजिक संजालमा मालामाल या भाइरल हुनकै लागि अपलोड गर्ने गरिन्छ । सहयोगको पुकारका लागि अनेकौँ उपायहरु अपनाएको देखिन्छ ।
एक हिसावले भन्ने हो भने मान्छेका अभाव, पीडा, व्यथा, दर्द आदिलाई सस्तो मजाक बनाईएको छ, कमाई खाने भाँडो बनाईएको छ । तर त्यस्तो फोटो/ भिडियो खिचेर भाइरल हुनु खोज्नेहरुले भने फिटिक्कै सहयोग गरेको देखिदैन् ।
त्यसैले, सोच बदलौँ मानवता सहितको सामाजिक उत्तरदायित्व पनि वहन गरौँ ।
