18/03/2025
आदरणनीय किसान दाजुभाइहरूमा नमस्कार । विगत ६ महिनादेखि नेपालमा पानी परेको छैन । पानीको मुवानहरू सुक्दै गएको छ ,खोला नालाहरू सुक्न थालिसकेको छ । यसरी नै खडेरी लागि राख्ने हो भने अबको १५ दिन पछाडि पिउने पानीको पनि हाहाकार हुने छ । पछिल्लो वर्ष भन्दा यस वर्ष नेपालमा कृषि उत्पादन धेरै नै कमी आउने आङ्कलन गरिएको छ । अलैचिको फसल पनि धेरै घट्ने देखिएको छ । अहिलेको समय भनेको अलैचिको फुल फुल्ने समय हो । यतिबेला अलैचीलाई पानीको आवश्यक हुन्छ । तर अहिलेको यो मौसमले गर्दा अलैचिलाई चाहिने पानी पुग्न सकेको छैन । अलैचिको फुलहरू सुक्न थालीसके , पातहरू रातो भए,बोटहरू सुक्न थालिसके। अलैचीको फसल धेरै नै कम आउने सम्भावना भयो। तर भारतको सिलगुडी मण्डीका केही ठुला व्यापारीहरू आफ्नो अलैचीको भण्डार बेचिसकेर आजभन्दा २ दिन अगाडिइलाम जिल्लाको फिक्कल बजारमा कुनै एउटा राम्रो बगानमा गएर त्यहाँको राम्रो बगानको भिडियो बनाएर अलैचीको फसल ४ गुणा छ भन्दै भ्रम फैलाउँदै अगाडि भारतका दिल्ली मण्डी, गुवालियर मन्डी, कानपुर मन्डी ,बम्बई मण्डी का व्यापारीहरूलाई झूठो भ्रम फैलाउँदै अलैचीको बजारलाई मन्दी गराएका छन् । यसरी किसान र हामी व्यापारीहरूको भविष्यमा खेलबाड भएको छ । यस विषयमा अलैचि व्यवसाय महासङ्घ किन मौन बसिरहेको छ । यसरी सिलगुडीका व्यापारीहरूको सिन्डीकेट कहिलेसम्म??? यस विषयमा व्यावसायि महासङ्घको व्छिटोभन्दा छिटो ध्यान आकर्षण होस् ।
