04/06/2026
चितवन उद्योग वाणिज्य संघका टोलिलाई लेखनाथमा स्वागत
लेखनाथ,२० जेठ । चार दिने अध्यान अवलोकन भ्रमणमा निस्कीएका चितवन उद्योग बाणिज्य संघका भ्रमण टोलीलाई बुधवार लेखनाथमा स्वागत गरिएको छ ।
गत आईबार बिभिन्न १२ वटा उद्योग बाणिज्य संघको भ्रमण गर्ने गरि चितवनबाट रुपन्देही हुदै लमही, घोराई, तुल्सीपुर, रुकुमकोट, ढोरपाटन, वाग्लुङ, म्याग्दी, पर्वतबाट पोखरा हुदै लेखनाथ आएको २५ सदस्यीय टोलीलाई एक कार्यक्रमका बिच स्वागत तथा सम्मान सहित एक आपसमा अनुभव साटासाट गरिएको हो ।
कार्यक्रममा चितवन उद्योग बाणिज्य संघका अध्यक्ष चिरञ्जीवि सुवेदी सहितको टोलीलाई स्वागत गर्दै संघका अध्यक्ष जानुका पराजुली अधिकारीले संस्थाको ईतिहासीक पृष्ठभुमी देखि संघले हरेक वर्ष गर्दै आएको लेखनाथ महोत्सव र यहाँ रहेका प्रकृती स्रोत र साधनको उपयोग गर्दै सदैव व्यवसायिहरुको हितमा कार्य गर्दै आएको बताउनुभएको थियो ।
साथै उहाँले संघले सामाजिक क्षेत्रमा गरेको योगदान र बेगनासाताल र रुपातालको विकासले आन्तरिक एवंम वाहिय पर्यटन प्रवद्धमा सहयोग पुगेको विश्वास दिलाउनुभयो ।
कार्यक्रममा चितवन उद्योग वाणिज्य संघका चिरञ्जीवी सुवेदीले आफुहरुले विशेष गरि शिक्षा, स्वास्थ्य, कृर्षि,पर्यटन र सुचना प्रविधीलाई आधार बनाएर ब्यवसायीकको हक हितमा काम गर्दै आएको बताउनुभएको थियो । सोही अवसरमा लेखनाथ उद्योग बाणिज्य संघका संस्थापक अध्यक्ष चन्द्रकृष्ण कर्माचार्य, नेपाल उद्योग बाणिज्य महासंघका कार्यकारिणी सदस्य हीरा भटराई लगाएतले पर्यटन क्षेत्रलाई चलायमान बनाउन सकियो भने आर्थिक क्षेत्र स्वतह चलायमान हुने विश्वास दिलाउनुभएको थियो ।
उक्त अवसरमा नेपाल उद्योग वाणिज्य महासंघका नवनिर्वाचित र मनोनित कार्यकारिणी सदस्य गोकर्ण कार्की, हीरा भट्टराई र सुमनकुमार श्रेष्ठलाई बधाई तथा सम्मान गरिएको थियो । कार्यक्रममा चितवन उद्योग वाणिज्य संघका पुर्व अध्यक्षहरु उदयकुमार श्रेष्ठ, उत्तमलाल चुके, कल्याण जोशी, सहनलाल प्रधान, लेखनाथ उद्योग वाणिज्य संघका पुर्व अध्यक्षद्धय बावुराम गिरी, लक्ष्मीप्रसाद त्रिपाठी, दुवै संस्थाका पदाधिकारी र कार्यसमितिहरुको सहभागिता रहेको थियो ।
संघका अध्यक्ष जानुका पराजुली अधिकारीको अध्यक्षतामा सम्पन्न कार्यक्रमको सञ्चालन उपमहासचिव गंगा मल्लले र धन्यवाद ज्ञापन वरिष्ठ उपाध्यक्ष गोपिचन्द्र बाँस्तोलाले गर्नुभएको थियो ।
