Bacolod KFive Station

Bacolod KFive Station The number 1 radio station in Bacolod City
(8)

YATE NGA NAGAKARGA BULIG PARA SA MGA BIKTIMA SANG LINOG, NASUNOG!Nasunog ang isa ka yate nga nagakarga sang food supply ...
12/06/2026

YATE NGA NAGAKARGA BULIG PARA SA MGA BIKTIMA SANG LINOG, NASUNOG!

Nasunog ang isa ka yate nga nagakarga sang food supply nga ipadala kuntani para sa mga biktima sang linog sa Glan, Sarangani sini nga Biyernes.

Base sa inisyal nga impormasyon, nasalbar ang tanan nga mga sakay sang yate.

Samtang, ginahibalo pa sang mga otoridad ang gintunaan sang sunog.

📷: Joshua Delos Santos

“3,860 AFTERSHOCKS” NA-RECORD SA MINDANAO, SINI NGA BIYERNESNagapadayon pa ang mga pagtay-og sa Mindanao, kasunod sang 7...
12/06/2026

“3,860 AFTERSHOCKS” NA-RECORD SA MINDANAO, SINI NGA BIYERNES

Nagapadayon pa ang mga pagtay-og sa Mindanao, kasunod sang 7.8 magnitude nga linog sa Maasin, Sarangani, sang tinalikdan nga Lunes, Hunyo 8.

Base sa report sang Philippine Institute of Volcanology and Seismology okon PHIVOLCS, las 9:00 sang aga, Biyernes, Hunyo 12, nagsaka na sa 3,860 ang kadamuon sang mga aftershocks, okon mahina nga mga pagtay-og kasunod sang mabaskog nga linog, sa diin 64 diri ang nabatyagan sang mga residente.

May kabaskugon nga 1.2 tubtub 6.4 magnitude ang nasambit nga mga aftershocks.

Sunshine Lacson/June 12/Friday

VICE PRESIDENT SARA DUTERTE NAGPALAYAG NGA WALA SIYA SANG INTENSYON NGA AGAWON ANG POSISYON NI PRESIDENTE MARCOSGinklaro...
12/06/2026

VICE PRESIDENT SARA DUTERTE NAGPALAYAG NGA WALA SIYA SANG INTENSYON NGA AGAWON ANG POSISYON NI PRESIDENTE MARCOS

Ginklaro ni Vice President Sara Duterte nga wala siya sang intensyon nga ibagsak ang administrasyon ni Presidente Ferdinand Marcos Jr. kag wala man siya sang plano nga agawon ang posisyon sang pangulo.

Suno kay VP Sara, nagsumpa siya nga e preserve kag depensahan ang constitution sang Pilipinas.

Apang, ginklaro man sang bise presidente nga nangin kritikal siya sa administrasyon, bangud luyag niya nga ipakita sa publiko, kon anu ka wala huya ang pangulo.

Sa karon, wala pa sang komento ang Malakanyang sa statement sang bise presidente sang Pilipinas.

STATEMENT OF DUTERTE:
“Wala sa aking mga kamay ang pagsasagawa ng extra constitutional means to overthrow the current administration. At hindi ko din gusto ‘yun. Hindi ko gusto agawin ‘yung posisyon ni Bongbong Marcos. Gusto ko makita ng taong bayan hanggang sa dulo kung gaano ka walang hiya si BBM.”

Sunshine Lacson/June 12/Friday

LOOK: Naga amat-amat na pauli ang pila ka mga mamumugon sa kampo nga nagapanghilamon bangud sa amat-amat na nga pagsingk...
12/06/2026

LOOK: Naga amat-amat na pauli ang pila ka mga mamumugon sa kampo nga nagapanghilamon bangud sa amat-amat na nga pagsingkal sang init dala sang El Nino. Ini nga katubuhan nahamtang sa dakbanwa sang Bago nga isa sa mga lubos nga nagbatyag sa halit tuga sang Super El Niño sadtong tuig 2015 tubtub 2016. | Litrato kag sulat ni Julius D Mariveles

BABAYI GINLAMPUSAN BASEBALL BAT SANG LIVE-IN PARTNER SA SAGAY, AMAY NGA NAGTAMBAG GINLAMPUSAN MAN[Paandam: sensitibo. Hu...
12/06/2026

BABAYI GINLAMPUSAN BASEBALL BAT SANG LIVE-IN PARTNER SA SAGAY, AMAY NGA NAGTAMBAG GINLAMPUSAN MAN

[Paandam: sensitibo. Hungod nga wala ginhingadlan ang mga imbolbado.]

Pilason nga gindala sa ospital ang isa ka babayi kag iya amay nga 75-anyos matapos ginlampusan sang baseball bat sa siudad sang Sagay.

Ang suspetsado amo ang live-in partner sang babayi sa sulod sang pito ka tuig.

Sa interview sang K5 News FM Sagay kay alyas Kara, himata sang biktima, hinali nga nakabati sila nga nagasinggitan kag nagapangayo sang bulig ang babayi nga biktima sang Hunyo 9, 2026.

Gilayon nga nagkadto ang amay sang babayi, upod si Kara, kag didto nakita nga duguon ang babayi samtang ginalampusan sang baseball bat sang live-in partner.

Gintinguhaan sang amay nga magtambag apang pati ini ang ginlampusan man sa ulo.

Sa bulig sang pamilya kag mga residente, nahingagaw dala ang mag-amay sa ospital kag padayon nga nagapaayo ang mga ini.

Nadakpan na ang suspek kag yara ini sa kustodiya sang kapulisan sa kaso nga paglapas sa Republic Act No. 9262 ukong ang "Anti-Violence Against Women and Their Children Act of 2004.”

Base sa inisyal nga imbestigasyon, nagbaisay ang duha antes magluntad ang krimen.

Nahibaluan man nga may 2-anyos nga anak ang mag live-in partner.

—M. Aranjuez | June 12, 2026
via K5 Ariel Apas (11 MBPS)

‘WELCOME BACK HOME, BOBET’Napauli na ang bangkay sangn student-athlete nga si Rene Clert Baterbonia sa Ateneo de Davao.📷...
12/06/2026

‘WELCOME BACK HOME, BOBET’

Napauli na ang bangkay sangn student-athlete nga si Rene Clert Baterbonia sa Ateneo de Davao.

📷: Fr. Karel San Juan

LOOK: Ginpangunahan ni Negros Occidental Governor Eugenio Jose Lacson ang selebrasyon sang ika-128 nga Independence Day ...
12/06/2026

LOOK: Ginpangunahan ni Negros Occidental Governor Eugenio Jose Lacson ang selebrasyon sang ika-128 nga Independence Day sa Provincial Capitol Park subong nga aga, Biyernes, Hunyo 12, 2026. | ginsulat ni Czyro Vann Albay, gikan sa Negros Occidental Provincial Government.

UTOD SANG ANAY GOBERNADOR GIN-ARESTO BANGUD SA ONLINE SEXUAL HARASSMENTGin-aresto sang mga otoridad, Huwebes nga adlaw, ...
12/06/2026

UTOD SANG ANAY GOBERNADOR GIN-ARESTO BANGUD SA ONLINE SEXUAL HARASSMENT

Gin-aresto sang mga otoridad, Huwebes nga adlaw, Hunyo 11, ang utod sang anay gobernador sa Cebu, bangud sa gin-alegar paglapas sa Safe Spaces Act, okon section 12 sang Republic Act 11313.

Ginhingadlan ang suspek bilang si Byron Garcia, nga utod ni anay Cebu governor Gwen Garcia.

Nakasaad sa arrest warrant nga ginpasaka ang tatlo ka counts sang paglapas sa Safe Spaces Act, ni Dr. Elisse Nicole Catalan, nga anak ni Cebu Governor Pamela Baricuatro.

Suno kay Catalan, nag-eksperyensya siya sang anxiety, emotional distress kag iban pa, bangud ginpakahuy-an siya sang suspek sa social media.

Kalakip sa mga ebidensya nga gin-sumiter sa pagpasaka sang kaso, amo ang kopya sang video sa diin ginapakahuy-an sang suspek ang biktima, nga isa ka doctor kag ginhambalan nga “overweight kag obese doctor.”

Ginpanginwala naman sang suspek ang akusasyon.

Samtang, mahimo naman nga magbayad sang piyansa nga P108,000 ang suspek para sa iya temporaryo nga kahilwayan.

Nahibaluan nga ang suspek nga si Garcia, nagserbisyo sadto bilang warden sang Cebu Provincial Detention and Rehabilitation Center nga nagsikat bangud sang “dancing inmates.”

Sunshine Lacson/June 12
📷: via ABS CBN

MANUNUDLO GINLUTHANG SANG NOBYO NGA MIYEMBRO SANG MILITAR, PATAY[Paandam: sensitibo]Ginbawian sang kabuhi ang isa ka ma...
12/06/2026

MANUNUDLO GINLUTHANG SANG NOBYO NGA MIYEMBRO SANG MILITAR, PATAY

[Paandam: sensitibo]

Ginbawian sang kabuhi ang isa ka manunudlo sa Del Gallego, Camarines Sur, matapos nga ginluthang sang iya nobyo nga miyembro sang militar.

Suno sa mga eyewitness, nagakaon sa plaza ang biktima kaupod ang iya mga abyan, sang hinali lang nga ginbutong sang suspetsado

Samtang, isa naman ka tanod ang nagtingwa nga mapakalma ang sitwasyon, apang una ini nga ginluthang sang soldado.

Kasunod sini, nabatian pa gid ang asud asud nga lupok sang armas luthang kag diri na nakita ang manunudlo nga natumba.

Ginluthang man sang suspek ang iya kaugalingon, apang nakaluwas ini sa kamatayon.

Gindala na sa ospital ang militar nga suspek, kag hugot nga ginabantayan sang mga pulis.

Nakaluwas naman sa insidente ang barangay tanod.

Nagpanawagan na sang hustisya ang pamilya sang manunudlo.

Sunshine Lacson/June 12
📷: ofc pictures, iStock (FOR VISUALS ONLY)

READ: Mensahe ni Brianna Nikola Ang sa mga Bacolodnon sa pag-selebrar sang ika-128 nga Philippine Independence Day sa si...
12/06/2026

READ: Mensahe ni Brianna Nikola Ang sa mga Bacolodnon sa pag-selebrar sang ika-128 nga Philippine Independence Day sa siudad subong nga aga, Biyernes, Hunyo 12, 2026. | gikan kay Wilson Villena, gin-edit ni Czyro Vann Albay.

Address

Bacolod CIty
6100

Website

Alerts

Be the first to know and let us send you an email when Bacolod KFive Station posts news and promotions. Your email address will not be used for any other purpose, and you can unsubscribe at any time.

Shortcuts

Share