The Mindanao Inquirer "Dyaryo sa baryo, tingog sa Mindanao"

17/04/2026

12/01/2026

PANABO, DAVAO DEL NORTE – “Wala ko nag-apas sa ranking. Mas importante alang nako ang paghatag ug maayong serbisyo ngadto sa katawhan,” mensahe si City Councilor Omar P. Ranain sa dihang gi-interview kini ning pahayagan. Si Konsehal Omar gipili sa katawhang Panaboans sulod na sa duka ka higayon ug gibalus niini ang matinud-anong pagserbisyo nga walay pu-as. Kahinumduman nga si Konsehal Omar gipiling No. 10 niadtong pinili-ay sa tuig 2022 sa linyada ni Mayor Joe Relampagos ug tungod sa iyang mga maayong binuhatan (good performance) ug walay pagkausab nga kinaiya ngadto sa mga lungsoranon sa walay pagpihig ug pagpili, si Omar gipiling No. 4 niadtong pinili-ay sa 2025 alang sa iyang ika-duhang termino padulong sa 10th City Council. Sumala sa iyang kampo, si Omar kugihan lang gyud sa iyang trabaho isip magbabalaod sa siudad, maduolan ug buotan sa iyang kinaiyahan isip sulogoon sa katawhan. Ang maong konsehal tserman sa 3 ka mga dagkung komitiba sa 10th City Council, bise tserman ug miembro sa ubang mga komitiba ug matinud-anong nagalihok pagpasa sa mga tukmang balaodnon alang sa ikaayo sa katawhan. Tungod sa iyang walay pu-as nga pagpangalagad ug humot nga kinaiya ngadto sa mga Panaboans, gituohan nga ang maong konsehal makahuman gayud sa iyang ika-3 nga termino karon 2028 nga adunay dakung legasiya nga ikabilin ngadto sa publiko.