27/03/2022
Sa mga hindi nakakabasa ng Qur-an ay ito yung pamamaraan kung saan ba dapat magsimula para matutu..
PAANO NGA BA MATUTU MAGBASA NG QURAN?
Una, ang ang pinaka unang dapat gawin ay ang humingi ng gabay sa Allah, at dapat ang nasa puso mo ay gusto mo matutu magbasa ng Qur-an para sa Allah at syempri para din sa sarili mo.
ITO YUNG MGA UNANG HAKBANG NA DAPAT MONG GAWIN PARA MABILIS KA MATUTU.
1- Ang pinaka una mong gagawin ay ang kabisaduhin mo ang arabic alphabet.
2- Ang susunod na gagawin mo ay ang pag-aralan kung paano bigkasin ang bawat arabic alphabet. Ang arabic alphabet ay yung iba ay magkakapareho, pero magkakaiba ng pagbigkas, kaya kabilang sa pinaka dapat mong gawin ay ang pag-aralan yung tamang pagbigkas sa bawat letra.
MGA HALIMBAWA NG LETRA NA MAGKAKAPAREHO.
1- Kaaf at Qaaf ( ك ق)
2- Haa at Haa (ه ح)
Parehong letrang qaaf at kaaf, pero ang dalawang yan ay magkaiba ng pagbigkas, ganun din ang letrang haa at haa, parehong haa pero ang dalawang yan ay magkaiba ng pagbigkas.
3- Kabilang din sa dapat kabisaduhin o pag-aralan ay ang mga harakat, ang harakat ay kailangan pag-aralan dahil dyan nakasalalay kung paano natin mababasa ang bawat letra.
BAKIT MAHALAGA ANG HARAKAT O VOWEL?
Halimbawa, kapag ang letrang shiin (ش) ay pinatungan ng harakat na fathaa ay babasahin natin siya ng shaa.
BAKIT NAGING SHAA?
Yung letrang shiin (ش) ay idagdag mo sa kanya ang letrang A dahil ang katumbas ng harakat na fathaa ay A.
Sa letrang shiin ay ang kukunin mo lang ay ang SH at idagdag mo yung A na fathaa, kaya ang magiging basa ay SHAA.
SH + A = SHAA
ITO YUNG MGA HARAKAT.
1- Fathaa (A)
2- Kasra (I)
3- Damma (U)
PS: Sa Qur-an ay may tinatawag din na sukoon, ang sukoon ay yan yung maliit na bilog na nasa taas ng mga letra, kapag yung sukoon ay nasa itaas ng mga letra ay magiging sukoon ang letra.
ITO ANG HALIMBAWA NG SUKOON.
Shurb/Umiinom ( شُرْبْ)
BAKIT NAGING SHURB?
Yung letrang shiin (ش) ay pinatungan ng dammaa, kaya yung letrang shiin ay magiging shu. Sa letrang shiin ay ang kukunin mo lamang ay ang SH at idagdag mo yung U dahil pumatong yung damma sa taas ng letrang shiin, at ang katumbas ng damma ay U.
Yung letrang raa (ر) at letrang baa (ب) naman ay pumatong sa taas yung sukoon na maliit na bilog, kaya ang letrang raa at letrang baa ay magiging R at B lamang.
SH + U+ R + B = SHURB
4- Kabilang din sa dapat pag-aralan ay ang tanween, ang tanween ay madalas makikita sa taas at baba ng mga letra, at kailangan din kabisaduhin ang tanween dahil kapag hindi natin alam ang iba’t-ibang uri ng tanween ay pweding hindi natin mabasa ang Qur-an.
BAKIT MAHALAGA ANG TANWEEN?
Kapag ang letrang shiin (ش) ay nasa taas niya ang dammataan ay babasahin natin siya ng shun.
BAKIT NAGING SHUN?
Yung letrang shiin (ش) ay idagdag mo sa kanya yung UN dahil ang dammataan ay ang magiging katumbas ay UN.
Sa letrang shiin ay ang kukunin mo lang ay ang SH at idagdag mo yung UN na dammataan, kaya magiging SHUUN ang basa.
SH + UN = SHUN
TATLONG URI NG TANWEEN.
1- Fathataan (AN)
2- Dammataan (UN)
3- Kasrataan (IN)
DAGDAG KAALAMAN.
Kung gusto mo talaga matutu magbasa ng Qur-an ay mag umpisa ka sa pinaka umpisa, ang pagbabasa ng Qur-an ay hindi lamang basta binabasa, mahabang proseso yan at may mga kailangan na kabisaduhin, kaya hindi mo kailangan bilisan ang pag-aaral sa Qur-an, magsimula ka sa pinaka umpisa para hindi ka mahirapan at para mabilis ka matutu.
