25/03/2021
FOR LADIES ONLY: ‘Nangangating ‘ari’
MINSAN may nararanasan ang kababaihang pangangati ng ari pero madalas ay binabalewala ito.
Kaya ang karaniwang resulta, habang tumatagal, lalong lumalala ang nararanasan at nahihiya nang magpakonsulta sa espesyalista. Tandaan sanang mahirap ipagsawalang-bahala ang ganitong nararandaman dahil kailangan nito ng payo ng talagang may kaalaman sa medikal.
Kaya para malaman kung bakit nararanasan ng ilang kababaihan ang pangangati ng ari? Narito ang ilang dahilan.
BACTERIAL VAGINOSIS–––(BV)—Ang bacterial vaginosis ay dulot ng overgrowth bacteria na nagsisimulang mamerhuwisyo kapag nagiging madalas ang pakikipagtalik, sobrang pagod o kaya ay pagkakasakit.
Ang ilan sa palatandaan nito ay ang pagkakaroon ng ‘fishy odor’ na madalas naaamoy matapos ang pakikipagtalik at pagdi-discharge ng likidong kulay gray o puti.
Ang dapat gawin, agad magpakonsulta sa doktor upang mabigyan ng antibiotics tulad ng metronidazole o clindamycin.
TRICHOMONIASIS—Ang trichomoniasis ay sakit na nakukuha sa pakikipagtalik dulot ng tiny parasites. Maaari ring makuha mula sa maruruming palikuran at maruming swimming pool.
Ang ilan sa sintomas nito ay ang sobrang pangangati ng ari at inflammation at pagdi-discharge ng yellow-green at malagkit na likido.
Mainam kung ikaw at iyong kapareha ay kumonsulta sa doktor para mabigyan ng antibiotics na karaniwan ay metronidazole.
NON-INFECTIOUS VAGINITIS—Ang noninfectious vaginitis ay simpleng dulot ng allergic reaction. Ang ilan sa sintomas nito ay inflammation o pakiramdam na waring nasusunog ang ari ng babae na resulta naman ng paggamit ng matatapang na uri ng sabon o kaya ay vaginal care product.
Para malunasan, ihinto muna ang paggamit ng sabon na nagdudulot ng pangangati ng ari at gumamit ng OTC-vaginal anti-itch cream.
by Gina Roluna
DISCLAIMER: The health advice in this forum is only for general knowledge. For your specific questions, kindly consult your personal physician. Thank you.
LIKE and SHARE
