Municipal Treasurer's Office - LGU Kolambugan

09/07/2026

AMONG MALAUMON NGA PAHIMANGNO

Sa among pinalanggang mga magbubuwis ilabi na sa business tax, kami malaumong nagpahinumdom nga ang deadline sa 3rd quarter nagkaduol na:

HULYO 20, 2026
3RD QUARTER TAX DUE

Palihog siguroa nga mabayran ninyo ang buhis aron malikayan ang baynte singko porsyento (25%) nga surcharge, ug duha ka porsyento (2%) nga interes matag bulan, sumala sa nakabutang sa inyong business permit bahin sa ulahi nga pag-renew sa business permit.

Daghang Salamat!

10/06/2026

📢 PAHIBALO SA REAL PROPERTY TAX AMNESTY 📢

Alang sa Tanang Tag-iya sa Yuta ug mga Taxpayers!

Ubos sa Republic Act No. 12001, nga nailhan isip Real Property Valuation and Assessment Reform Act (RPVARA), ang mga tag-iya sa yuta mahimong makapahimulos sa Real Property Tax Amnesty nga naghatag og waiver sa tanang penalties, surcharges, ug interests sa wala pa mabayring Real Property Taxes nga natigom sa wala pa ang Hulyo 5, 2024.

Mga Mahinungdanong Detalye

Sakop sa Amnesty

Ang tax amnesty naglangkob sa tanang wala pa mabayring Real Property Taxes (RPT), lakip ang:

• Special Education Fund (SEF)
• Idle Land Tax
• Uban pang Special Levy Taxes

Mga Pamaagi sa Pagbayad

Ang mga taxpayers mahimong mobayad sa ilang principal tax obligations pinaagi sa:

• Usa ka higayon nga bug-os nga pagbayad (One-Time Full Payment); o
• Installment Payment Arrangement, sumala sa mga lagda ug ordinansa sa inyong Local Government Unit (LGU).

Deadline

Ang katapusang adlaw sa pagbayad sa total principal tax due mao ang HULYO 5, 2026.

Human niini nga petsa, matapos na ang panahon sa tax amnesty ug mobalik na ang normal nga pagpataw sa penalties, surcharges, ug interests sa tanang wala pa mabayring balanse sumala sa balaod ug mga umiiral nga regulasyon.

Giunsa Pag-avail sa Tax Amnesty
Adtoa ang inyong City/Municipal Assessor's Office aron mapamatud-an ang inyong records ug makakuha og updated Tax Declaration kung gikinahanglan.
Adtoa ang Treasurer's Office ug pangayoa ang updated Statement of Account nga nagpakita sa benepisyo sa tax amnesty ug sa mga waived penalties.
Bayri ang principal tax due sa usa ka higayon o pangutan-a ang mahitungod sa installment payment options nga gitanyag sa inyong LGU.
Pahimulos sa Kahigayonan!

Ayaw palabya kining maayong oportunidad sa dili pa moabot ang Hulyo 5, 2026. Ayuha ang inyong obligasyon sa Real Property Tax ug pahimusli ang waiver sa penalties, surcharges, ug interests.

Alang sa dugang impormasyon ug tabang, palihug duola ang inyong Assessor's Office o Treasurer's Office.

Ayaw paghulat sa ulahing adlaw! Pag-avail na sa Real Property Tax Amnesty karon!

LGU KOLAMBUGAN
Municipal Treasurer's Office

05/06/2026

📢 LGU KOLAMBUGAN NAGPADAYON SA FUEL CALIBRATION UG SEALING SA RMCC PETROL

📍 Poblacion, Kolambugan, Lanao del Norte

Isip kabahin sa padayon nga paningkamot sa pagpanalipod sa katungod sa mga konsumidor ug pagpalig-on sa patas nga pamaagi sa pagnegosyo, gipahigayon sa Municipal Treasurer’s Office (MTO) sa LGU Kolambugan ang calibration ug sealing sa mga fuel dispensing pumps sa RMCC Petrol sa Poblacion.

Ang calibration usa ka importante nga proseso aron masiguro nga ang matag litro sa gasolina o diesel nga gipamalit sa mga motorista eksaktong sukod ug walay kakulang. Pinaagi niini, mapugngan ang posibleng sayop sa dispensing ug masiguro nga ang kantidad nga gibayran sa mga konsumidor katumbas gayod sa fuel nga ilang madawat.

Human sa maampingong pagsusi ug pag-calibrate sa mga makina, gibutangan kini og opisyal nga selyo isip timailhan nga nakasunod sa gikinahanglang standards ug regulasyon nga gitakda sa gobyerno. Ang maong selyo nagsilbing garantiya sa publiko nga ang fuel pumps regular nga giinspeksyon ug gisiguro ang katukma sa ilang operasyon.

Pinaagi sa maong kalihokan, gipakita sa LGU Kolambugan ang iyang pasalig sa paghatag og proteksyon sa mga konsumidor, pagmintinar sa transparency sa mga establisemento, ug pagsiguro nga ang matag transaksyon tali sa negosyo ug kustomer patas, matinud-anon, ug masaligan.

🤝 Ang tukmang sukod dili lamang usa ka regulasyon, kondili usa ka paagi sa paghatag og hustisya ug pagsalig sa matag konsumidor.

28/05/2026

https://www.facebook.com/share/p/1JeWvjdBFq/?mibextid=wwXIfr

27/05/2026

📢 LGU KOLAMBUGAN NAGPAHIGAYON OG FUEL CALIBRATION UG SEALING SA Z-OIL

📍 May 27, 2026 | Poblacion, Kolambugan

Bisan holiday, gipadayon gihapon sa Municipal Treasurer’s Office (MTO) sa LGU Kolambugan ang calibration ug sealing sa fuel pumps sa Z-Oil tungod sa availability sa assigned technician.

Ang maong kalihokan gihimo aron masiguro nga eksakto ang sukod sa gasolina nga madawat sa mga konsumidor ug malikayan ang kulang nga dispensing. Human sa inspeksyon ug calibration, gibutangan usab og official seal ang mga pumps isip timailhan nga pasado kini sa standards nga gisunod sa gobyerno.

Pinaagi niini, naprotektahan ang katungod sa mga motorista ug napalig-on ang pagsalig sa publiko ngadto sa mga fuel stations nga naghatag og patas ug matinud-anong serbisyo.

🤝 Padayon ang serbisyo publiko alang sa kaayohan sa tanang Kolambuganon bisan holiday!

12/05/2026

📢 PAHIBALO SA TANANG KOLAMBUGANON

Kini ang TAREPA o PLETEHAN sa mga TODA LINER sa lungsod sa Kolambugan.

✅ Alang kini sa kahibalo ug giya sa tanang Kolambuganon.

✅ Palihug i-share aron daghang ma-aware.
Daghang salamat sa inyong kooperasyon! 🚖

05/05/2026

https://www.facebook.com/share/p/18JyckdyoJ/

Send a message to learn more

30/04/2026

📢 KOLAMBUGAN NAGPAHIGAYON OG FUEL CALIBRATION SA TTRIDENT

📍 Abril 30, 2026

Sa padayon nga paningkamot sa pagpanalipod sa interes sa katawhan, ang Municipal Treasurer’s Office (MTO) sa LGU Kolambugan, ubos sa pagdumala ni Acting Municipal Treasurer Neil Q. Jumawan, nagpahigayon og fuel pump calibration sa TTRIDENT sa Mukas.

Ang maong kalihokan gitumong aron masiguro nga eksakto ug patas ang pagsukod sa gasolina, ug malikayan ang bisan unsang kakulang o kalapasan nga makaapekto sa mga konsumidor. Pinaagi niini, ginaprotektahan ang matag motorista ug negosyante nga nagsalig sa hustong serbisyo.

Gipasabot sa MTO nga ang calibration dili lang usa ka teknikal nga proseso, kundi usa ka importanteng lakang sa pagpalig-on sa integridad ug transparency sa operasyon sa mga establisyemento sama sa fuel stations. Kini usab kabahin sa padayon nga monitoring sa lokal nga panggamhanan aron masiguro nga ang tanang negosyo nagasunod sa balaod ug standard.

💡 Ngano importante ang fuel calibration?
✔️ Sigurado sakto ang imong gibayran nga gasolina
✔️ Proteksyon batok sa kulang nga dispensing
✔️ Pagpalig-on sa pagsalig sa publiko sa mga negosyo

Kini nga inisyatibo nagpakita sa dedikasyon sa Lokal nga Pangagamhanan sa Kolambugan, ubos sa liderato ni Mayor Lorenzo V. Mañigos, sa paghatag og maayo, patas, ug responsableng serbisyo alang sa tanang Kolambuganon.

🤝 Padayon ang serbisyo publiko para sa katawhan!

28/04/2026

📢 PAHINUMDOM KOLAMBUGANON!

Para sa ayuda sa mga motorcab driver ugma, Abril 29, 2026, palihog ayaw kalimot sa mga kinahanglan dalhon:

📌 MGA REQUIREMENTS:
1. (2) ka photocopy sa VALID DRIVER’S LICENSE (Kinahanglan clear ug colored copy)
👉 Pwede usab ang Temporary Driver’s License sa wala pa’y plastic.

2. ORIGINAL / PHYSICAL ID (Driver’s License)

⏰ ORAS UG LUGAR:
👉 Kinahanglan 7:00 sa buntag naa na mo didto
📍 MCC Grandstand, Tubod, Lanao del Norte

⚠️ Ayaw kalate aron malikayan ang kalangay sa proseso!

Padayon ang pagtinabangay, padayon ang pag-uswag sa Kolambugan! 💚