What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

SLSU TBI, 1F REPDI Building, SLSU Main Campus, Lucban (2026)

27/08/2026

𝗦𝗟𝗦𝗨 𝗮𝘁 𝗨𝗣 𝗩𝗶𝘀𝗮𝘆𝗮𝘀 𝘁𝗶𝗻𝗮𝗹𝗮𝗸𝗮𝘆 𝗮𝗻𝗴 𝘁𝗲𝗰𝗵𝗻𝗼𝗹𝗼𝗴𝘆 𝗮𝗱𝗼𝗽𝘁𝗶𝗼𝗻 𝗮𝘁 𝗰𝗼𝗹𝗹𝗮𝗯𝗼𝗿𝗮𝘁𝗶𝗼𝗻 𝗽𝗮𝗿𝗮 𝘀𝗮 𝗺𝘂𝘀𝗵𝗿𝗼𝗼𝗺 𝘁𝗲𝗰𝗵𝗻𝗼𝗹𝗼𝗴𝗶𝗲𝘀

Upang tukuyin ang mga oportunidad para sa technology adoption, collaboration, at enterprise development, nagsagawa ng exploratory meeting ang Southern Luzon State University (SLSU) at University of the Philippines Visayas (UPV) noong Agosto 27, 2026, sa pamamagitan ng Zoom. Sa talakayan, ibinahagi ng SLSU ang mga mushroom-related technologies nito at tinalakay ang posibilidad ng technology adoption at co-incubation bilang suporta sa mga migrant returnees at family associations na layong mahubog bilang sustainable micro-entrepreneurs.

Ang pagpupulong ay isinagawa sa pamamagitan ng SLSU Innovation & Technology Support Services Office (ITSSO) at SLSU TBI (Technology Business Incubator), sa pangunguna ni Dr. Jennifer Edytha J. Lagrazon, Center Chief/Manager ng SLSU TBI, kasama ang mga staff ng ITSSO at TBI. Kinatawan naman ang UPV ng Technology Transfer and Business Development Office (TTBDO) at Fisheries Technology Business Incubator (FTBI), kabilang si Ms. Ferelyn F. Oliva, ITSO Manager ng UPV TTBDO.

Ibinahagi ng SLSU ang ilan sa mga Food at Non-Food Technologies nito na may kaugnayan sa mushroom technologies, kabilang ang Mushroom Chili Garlic Sauce, Mushroom Oatmeal Cookies, Mushroom Paste Candy, Regulated Water Misting System for Oyster Mushroom Production Area, at ang Notification System Device for Harvesting By-Products of Stingless Bees, na kabilang sa mga teknolohiyang may IP registrations at ongoing IP applications.

Mahalagang bahagi rin ng talakayan ang posibilidad ng co-incubation sa pagitan ng SLSU TBI at UPV FTBI, lalo na sa pagsuporta sa mga migrant returnees at family associations sa Visayas tungo sa kanilang pag-transform bilang sustainable micro-entrepreneurs. Sa pamamagitan nito, maaaring mapag-ugnay ang mga teknolohiya, incubation programs, at expertise ng dalawang institusyon upang makapagbigay ng mas malawak na suporta sa mga potensyal na technology adopters at entrepreneurs.

Inaasahang magkakaroon pa ng panibagong pagpupulong kasama ang federation ng mga OFW sa Visayas upang higit pang talakayin ang mga posibilidad para sa inter-institutional partnership, technology adoption, at incubation collaboration.

Sa pamamagitan ng nasabing engagement, patuloy na pinalalawak ng ITSSO at TBI ang mga oportunidad para sa technology transfer, adoption, at strategic collaboration, na naglalayong magbigay ng mas malinaw na pathways para sa utilization ng mga innovations ng SLSU at sa paglikha ng sustainable enterprises.

___________________

𝘗𝘢𝘯𝘶𝘭𝘢𝘵 𝘢𝘵 𝘗𝘢𝘨𝘭𝘢𝘭𝘢𝘱𝘢𝘵 𝘯𝘪: G. Giehway R. Liwanag
𝘔𝘨𝘢 𝘓𝘢𝘳𝘢𝘸𝘢𝘯: G. Jesrel Paul C. Ausa

26/08/2026

#𝗣𝗔𝗡𝗢𝗢𝗥𝗜𝗡 | 𝗜𝘀𝗮𝗻𝗴 𝗹𝗮𝗴𝗱𝗮, 𝗺𝗮𝘀 𝗺𝗮𝘁𝗮𝗺𝗶𝘀 𝗻𝗮 𝗯𝘂𝗸𝗮𝘀: 𝗦𝗟𝗦𝗨 𝗮𝘁 𝗔𝗹𝗮𝗯𝗮𝘁, 𝗺𝗮𝗴𝗸𝗮𝗮𝗴𝗮𝗽𝗮𝘆 𝘀𝗮 𝗽𝗮𝗴𝗽𝗮𝗽𝗮𝘂𝗻𝗹𝗮𝗱 𝗻𝗴 𝗖𝗼𝗰𝗼 𝗦𝘂𝗴𝗮𝗿

Panoorin ang mahahalagang tagpo mula sa Seremonyal na Paglagda ng Memorandum of Agreement (MoA) para sa Incubation sa pagitan ng Southern Luzon State University (SLSU) at Alabat Island Coco Sugar Producer Association, katuwang ang Pamahalaang Bayan ng Alabat, Quezon, noong Agosto 25, 2026.

Sa pamamagitan ng kasunduan, pormal na kinilala ang Samahan bilang incubatee ng SLSU Technology Business Incubator (TBI). Magbibigay ang SLSU TBI ng suportang teknikal at pangnegosyo para sa pagpapaunlad ng produkto at proseso, pagpapalawak ng merkado, paggamit ng teknolohiya, at komersiyalisasyon.

“…𝙪𝙢𝙖𝙖𝙨𝙖 𝙠𝙖𝙢𝙞 𝙣𝙖 𝙖𝙣𝙜 𝙠𝙖𝙨𝙪𝙣𝙙𝙪𝙖𝙣 […] 𝙖𝙮 𝙢𝙖𝙜𝙨𝙞𝙨𝙞𝙡𝙗𝙞𝙣𝙜 𝙨𝙞𝙢𝙪𝙡𝙖 𝙡𝙖𝙢𝙖𝙣𝙜 𝙣𝙜 [𝙞𝙨𝙖𝙣𝙜] 𝙢𝙖𝙝𝙖𝙗𝙖, 𝙢𝙖𝙠𝙖𝙗𝙪𝙡𝙪𝙝𝙖𝙣, 𝙖𝙩 𝙠𝙖𝙥𝙬𝙖 𝙠𝙖𝙥𝙖𝙠𝙞-𝙥𝙖𝙠𝙞𝙣𝙖𝙗𝙖𝙣𝙜 𝙣𝙖 𝙥𝙖𝙧𝙩𝙣𝙚𝙧𝙨𝙝𝙞𝙥…”
— 𝗗𝗿. 𝗝𝗲𝗻𝗻𝗶𝗳𝗲𝗿 𝗘𝗱𝘆𝘁𝗵𝗮 𝗝. 𝗟𝗮𝗴𝗿𝗮𝘇𝗼𝗻
𝘊𝘩𝘪𝘦𝘧/𝘔𝘢𝘯𝘢𝘨𝘦𝘳, 𝘚𝘓𝘚𝘜 𝘛𝘉𝘐

Ang paglagda ay simula ng mas masusing koordinasyon para sa paggabay, pagsasanay, pagpapaunlad ng produkto, at pagbubukas ng mga oportunidad sa merkado. Layunin nitong patatagin ang Samahan at suportahan ang kabuhayan at lokal na inobasyon sa Alabat, Quezon.

Basahin ang buong balita at tingnan ang mga larawan:
https://www.facebook.com/share/p/1ZXcmUftXq/

𝘉𝘪𝘥𝘺𝘰: SLSU Information and Communications Office
𝘗𝘢𝘯𝘶𝘭𝘢𝘵: G. Romano L. Decena

26/08/2026

𝗦𝗟𝗦𝗨 𝗽𝗶𝗻𝗮𝘁𝗮𝘁𝗮𝗴 𝗮𝗻𝗴 𝗸𝗮𝗮𝗹𝗮𝗺𝗮𝗻 𝘀𝗮 𝗽𝗮𝗻𝗮𝗻𝗮𝗹𝗮𝗽𝗶 𝗻𝗴 𝗕𝗮𝗿𝗮𝗻𝗴𝗮𝘆 𝗠𝗮𝗯𝗮𝘁𝗼 𝘀𝗮 𝗙𝗶𝗻𝗮𝗻𝗰𝗶𝗮𝗹 𝗟𝗶𝘁𝗲𝗿𝗮𝗰𝘆 𝗪𝗼𝗿𝗸𝘀𝗵𝗼𝗽

Inimbitahan si Dr. Jennifer Edytha J. Lagrazon, Center Chief ng SLSU Technology Business Incubator (TBI), upang ibahagi ang kaniyang kaalaman at karanasan sa isang financial literacy workshop na pinamagatang “𝗦𝗲𝗰𝘂𝗿𝗲 𝗧𝗼𝗱𝗮𝘆, 𝗣𝗿𝗼𝘀𝗽𝗲𝗿 𝗧𝗼𝗺𝗼𝗿𝗿𝗼𝘄: 𝗔 𝗚𝘂𝗶𝗱𝗲 𝘁𝗼 𝗙𝗶𝗻𝗮𝗻𝗰𝗶𝗮𝗹 𝗪𝗲𝗹𝗹𝗻𝗲𝘀𝘀.” Ang programa ay dinaluhan ng mga opisyal ng barangay at ilang mamamayan ng Barangay Mabato, Mauban, Quezon, sa pangunguna ng Office of the Extension Services. Ang Barangay Mabato ay isa sa mga benepisyaryo ng mga programang pangserbisyong pangkomunidad ng nasabing tanggapan.

Sa kaniyang talakayan, binigyang-diin ni Dr. Lagrazon na hindi kinakailangan ang malaking sahod upang maging financially secure. Higit na mahalaga ang tamang paghawak at pagpaplano ng pera, lalo na sa gitna ng mga hamon at realidad na kinahaharap ng maraming pamilyang Pilipino sa pagtataguyod ng kanilang pang-araw-araw na pangangailangan. Tinalakay rin niya ang prinsipyong “5 Step Prosperity Ladder: Secure, Stabilize, Protect, Build, Then Prosper,” na nagbibigay-diin sa kahalagahan ng pagprotekta sa seguridad ng pamilya, unti-unting pagbuo ng kakayahang pinansyal, at pagpapalago nito tungo sa mas maunlad na kinabukasan.

Binigyang-pansin din ang kahalagahan ng pagkilala sa mga prayoridad sa paggastos at ang tamang panahon ng paggastos para sa mga kagustuhan. Ayon kay Dr. Lagrazon, hindi kailangang ipagkait sa sarili at pamilya ang kasiyahan at mga bagay na nagbibigay ng kaginhawaan, ngunit mahalagang magkaroon pa rin ng sapat na seguridad para sa kasalukuyan at sa hinaharap. Tinalakay rin niya ang kahalagahan ng maagang pagpaplano para sa pagreretiro, upang matiyak na magkakaroon ng sapat na paghahanda at seguridad ang isang indibidwal sa panahong hindi na siya aktibong nagtatrabaho o kumikita.

Bilang bahagi ng workshop, hinikayat ang mga kalahok na isulat ang kanilang mga prayoridad, gastusin, at mga layunin para sa hinaharap. Sa pamamagitan ng gawaing ito, nagkaroon sila ng pagkakataong masuri ang kanilang kasalukuyang kalagayang pinansyal at matukoy ang mga hakbang na maaari nilang gawin upang higit na mapatatag ang kanilang sarili at pamilya. Inatasan din silang gumawa ng tatlong pangako para sa kanilang financial wellness. Sa pagtatapos ng programa, ipinaabot ng Barangay Mabato ang kanilang pasasalamat at hangaring higit pang mapalawak ang kanilang kaalaman tungkol sa paglikha ng yaman at mga oportunidad para sa karagdagang pagkakakitaan, kung saan inaasahang muling makikiisa ang TBI sa pagbibigay ng mga pagsasanay sa hinaharap.

___________________

𝘗𝘢𝘯𝘶𝘭𝘢𝘵: Dr. Jennifer Edytha J. Lagrazon
𝘔𝘨𝘢 𝘓𝘢𝘳𝘢𝘸𝘢𝘯: Bb. Sheer Angela Laguador
𝘗𝘢𝘨𝘭𝘢𝘭𝘢𝘱𝘢𝘵: G. Romano L. Decena

25/08/2026

𝗠𝗮𝘁𝗮𝗺𝗶𝘀 𝗻𝗮 𝗯𝘂𝗸𝗮𝘀 𝗽𝗮𝗿𝗮 𝘀𝗮 𝗔𝗹𝗮𝗯𝗮𝘁: 𝗦𝗟𝗦𝗨 𝗮𝘁 𝗔𝗹𝗮𝗯𝗮𝘁 𝗜𝘀𝗹𝗮𝗻𝗱 𝗖𝗼𝗰𝗼 𝗦𝘂𝗴𝗮𝗿 𝗣𝗿𝗼𝗱𝘂𝗰𝗲𝗿 𝗔𝘀𝘀𝗼𝗰𝗶𝗮𝘁𝗶𝗼𝗻, 𝗹𝘂𝗺𝗮𝗴𝗱𝗮 𝘀𝗮 𝗠𝗼𝗔 𝗽𝗮𝗿𝗮 𝘀𝗮 𝗜𝗻𝗰𝘂𝗯𝗮𝘁𝗶𝗼𝗻 𝗸𝗮𝘁𝘂𝘄𝗮𝗻𝗴 𝗮𝗻𝗴 𝗟𝗚𝗨-𝗔𝗹𝗮𝗯𝗮𝘁

Nilagdaan ng Southern Luzon State University (SLSU), sa pamamagitan ng Technology Business Incubator (TBI), at ng Alabat Island Coco Sugar Producer Association ang Memorandum of Agreement (MoA) para sa Incubation noong Agosto 25, 2026. Ginanap ang seremonya sa 1st Floor, Training Center, REPDI Building, SLSU Main Campus, Brgy. Kulapi, Lucban, Quezon, sa pakikipagtulungan ng Pamahalaang Bayan ng Alabat, Quezon.

Pormal na kinilala sa kasunduan ang Samahan bilang kalahok sa incubation program ng SLSU TBI. Layunin ng programa na palakasin ang kakayahan ng Samahan sa pamamahala ng negosyo, pagpapaunlad ng produkto at proseso, paggamit ng teknolohiya, pagpasok sa merkado, at komersiyalisasyon.

Sa ilalim ng MoA, magbibigay ang SLSU TBI ng suportang teknikal at pangnegosyo. Kabilang dito ang paggabay, pagsasanay, tulong kaugnay ng yamang isip, pagsusuri sa pagtanggap ng merkado, paggamit ng mga pasilidad at iba pang yaman ng pamantasan, at pakikipag-ugnayan sa mga posibleng katuwang at mamumuhunan. Tutulungan din ng SLSU TBI ang Samahan sa pagpapahusay, pagpapakilala, at pagpapalawak ng merkado para sa mga produkto nito.

Bilang incubatee, nangako ang Samahan na aktibong makikibahagi sa mga gawain ng programa. Kabilang sa mga pananagutan nito ang pagsunod sa mga napagkasunduang iskedyul at mahahalagang yugto ng pagpapatupad, pagsusumite ng mga ulat tungkol sa pagsulong ng mga gawain, pagkuha ng mga kinakailangang pahintulot at pagpaparehistro, at pamamahala ng negosyo sa propesyonal at responsableng paraan.

Binuksan ni Dr. Jennifer Edytha J. Lagrazon, Center Chief/Manager ng SLSU TBI, ang programa. Nagbigay naman ng mensahe ng pagbati at pagtanggap si Dr. Renato R. Maaliw III, Direktor ng Innovation and Technology Support Services Office (ITSSO). Inihatid ni Dr. Marissa C. Esperal, Pangalawang Pangulo para sa Research, Extension, Production, Development, and Innovation (REPDI), ang pahayag ng suporta bilang kinatawan ni Dr. Frederick T. Villa, Pangulo ng SLSU.

Inilahad ni G. Dryden G. Rivero, Project Administrative Aide ng SLSU TBI, ang mga programa, serbisyo, at proseso ng incubation. Tinalakay naman ni G. Giehway R. Liwanag, Science Research Specialist ng SLSU TBI, ang mahahalagang probisyon ng kasunduan at ang mga tungkulin ng bawat panig.

Matapos ang paglagda, nagpahayag ng paninindigan si G. Francis B. Mercado, Pangulo ng Alabat Island Coco Sugar Producer Association. Tiniyak niya ang kahandaan ng Samahan na tuparin ang mga pananagutan nito at aktibong makibahagi sa incubation program ng SLSU TBI. Inihatid naman ni G. Hubert B. Ursolino, kinatawan ng Tanggapan ng Punong-bayan, ang mensahe ng pakikipagtulungan para sa kaunlaran sa ngalan ni Kgg. Eizelle M. Avellano-Canimo, Punong-bayan ng Alabat, Quezon.

Nakiisa rin sa gawain sina Gng. Gloria O. Cadiz, Pangalawang Pangulo ng Association; Gng. Mylene L. Culing, Coconut Development Officer ng Philippine Coconut Authority; at Bb. Shanne Maurene A. Angeles, Project Development Assistant ng Pamahalaang Bayan ng Alabat, Quezon. Kinilala ang kanilang koordinasyon at suporta sa paghahanda ng kasunduan at programa.

Bahagi rin ng gawain ang paggawad ng mga Sertipiko ng Pagpapahalaga kina G. Mercado at Kgg. Avellano-Canimo. Nagkaloob din ang SLSU ng mga commemorative token mula sa 𝗣𝗔𝗕𝗔𝗢𝗡: 𝗠𝗴𝗮 𝗧𝗲𝗸𝗻𝗼𝗹𝗼𝗵𝗶𝘆𝗮𝗻𝗴 𝗛𝗮𝘁𝗶𝗱 𝗻𝗴 𝗦𝗟𝗦𝗨, alinsunod sa 𝗠𝗲𝗺𝗼𝗿𝗮𝗻𝗱𝘂𝗺 𝗢𝗿𝗱𝗲𝗿 𝗡𝗼. 𝟮𝟵, 𝘀. 𝟮𝟬𝟮𝟲. Kinakatawan ng mga token ang mga teknolohiyang binuo ng Pamantasan para sa praktikal na paggamit ng mga komunidad.

Nagbigay ng pangwakas na pananalita si Dr. Marissa C. Esperal, Pangalawang Pangulo para sa Research, Extension, Production, Development, and Innovation (REPDI). Binigyang-diin sa pagtatapos ng programa na ang paglagda ay simula ng mas masusing koordinasyon at pagpapatupad ng mga napagkasunduang gawain.

Kasunod ng paglagda, mag-uugnayan ang SLSU TBI at ang Samahan upang matukoy ang mga pangunahing gawain, mahahalagang yugto, mga sesyon ng paggabay, pagsasanay, mga gawain sa pagpapaunlad ng produkto, at mga kinakailangan sa pagsubaybay. Inaasahang makatutulong ang ugnayang ito sa pagpapatatag ng Samahan, pagpapalawak ng mga oportunidad sa merkado, at pagpapaunlad ng kabuhayan, pati na rin ng mga makabagong lokal na produkto at pamamaraan sa Alabat, Quezon.

___________________

𝘗𝘢𝘯𝘶𝘭𝘢𝘵 𝘢𝘵 𝘗𝘢𝘨𝘭𝘢𝘭𝘢𝘱𝘢𝘵: G. Romano L. Decena
𝘔𝘨𝘢 𝘓𝘢𝘳𝘢𝘸𝘢𝘯: SLSU Information and Communications Office (ICO)

24/08/2026

𝗣𝗔𝗡𝗔𝗪𝗔𝗚𝗔𝗡 𝗦𝗔 𝗣𝗔𝗚𝗟𝗔𝗛𝗢𝗞 | 𝗦𝗨𝗟É𝗢 𝟮𝟬𝟮𝟲: 𝗣𝗔𝗟𝗜𝗚𝗦𝗔𝗛𝗔𝗡 𝗦𝗔 𝗧𝗘𝗖𝗛𝗡𝗢𝗟𝗢𝗚𝗬 𝗣𝗜𝗧𝗖𝗛𝗜𝗡𝗚

18/08/2026

𝗢𝘂𝗮𝗻’𝘀 𝗧𝗵𝗲 𝗙𝗮𝗿𝗺 𝗥𝗲𝘀𝗼𝗿𝘁 𝘄𝗶𝗻𝘀 𝘁𝘄𝗼 𝗔𝗴𝗿𝗶𝘁𝗼𝘂𝗿𝗶𝘀𝗺 𝗮𝘄𝗮𝗿𝗱𝘀

The SLSU Technology Business Incubator (TBI) proudly congratulates Ouan's The Farm Resort, one of its incubatees, for securing First Place in Best Agritourism Farm and First Place in Best Agritourism Farm Promotion.

These awards recognize the team’s effective integration of agriculture, tourism, and enterprise promotion. SLSU TBI commends the entire team for this achievement and looks forward to its continued development as a sustainable agritourism enterprise.

16/08/2026

| Mazapan con Mushroom: Reinventing a classic sweet through innovation, nutrition, and local ingenuity

A locally developed food product from Southern Luzon State University (SLSU) is demonstrating how research-based innovation can be translated into market-oriented food products. Mazapan con Mushroom integrates familiar sensory attributes of traditional mazapan with functional ingredients derived from oyster mushrooms and stingless bee honey, presenting a novel variation of a widely recognized sweet product. The product reflects an approach that combines food innovation with local resource utilization, positioning it within emerging trends in sustainable and health-oriented food development.

Basahin: https://www.slsu.edu.ph/presidents-corner/

—-----
𝗚𝘂𝘀𝘁𝗼 𝗺𝗼 𝗿𝗶𝗻 𝗯𝗮𝗻𝗴 𝗺𝗮𝗸𝗮𝘀𝗮𝗺𝗮 𝗮𝗻𝗴 𝗴𝗮𝘄𝗮 𝗺𝗼 𝘀𝗮 𝘀𝘂𝘀𝘂𝗻𝗼𝗱 𝗻𝗮 𝗶𝘀𝘀𝘂𝗲 𝗻𝗴 𝗬𝗘𝗦𝟰𝗦𝗟𝗦𝗨?

Magsumite ng artikulo rito: https://forms.gle/AXTTrMzPo8S29UHBA
Magsumite ng creative works dito: https://forms.gle/5AyLuvkTr7hCuisC8

10/08/2026

🎓 A STEP CLOSER TO ANOTHER DEGREE! 🎓

The SLSU TBI Family proudly celebrates our four accomplished professionals as they reach another remarkable milestone in their academic journey.

🌟 Mr. Giehway R. Liwanag
Master of Development Communication
University of the Philippines Open University (UPOU)

🌟 Mr. Romano L. Decena
Master of Science in Environmental Science
Southern Luzon State University (SLSU)

🌟 Mr. Dryden G. Rivero
Master in Business Administration
Southern Luzon State University (SLSU)

🌟 Mr. Jesrel Paul C. Ausa
Master in Information Technology
Polytechnic University of the Philippines Open University (PUP-OU)

Your achievement is a testament to your hard work, dedication, perseverance, and commitment to continuous growth. Balancing professional responsibilities with graduate studies takes determination, and this milestone reflects the value of staying committed to one’s goals.

May this accomplishment inspire you to continue reaching higher, embracing new opportunities, and pursuing excellence in both your professional and personal endeavors.

Congratulations on this well-deserved achievement! 🎉👏
Your SLSU TBI Family is proud of you and will continue to cheer you on as you take the next step toward greater heights!

09/08/2026

𝗦𝗟𝗦𝗨 𝗧𝗕𝗜 𝗶𝘀 𝗽𝗿𝗼𝘂𝗱 𝘁𝗼 𝗯𝗲 𝗮𝗻 𝗲𝗰𝗼𝘀𝘆𝘀𝘁𝗲𝗺 𝗽𝗮𝗿𝘁𝗻𝗲𝗿 𝗼𝗳 𝗦𝘁𝗮𝗿𝘁𝘂𝗽 𝗗𝗮𝘁𝗮𝗯𝗮𝘀𝗲 𝗣𝗵𝗶𝗹𝗶𝗽𝗽𝗶𝗻𝗲𝘀.𝗽𝗵

The Philippine startup ecosystem has a fragmentation problem. Founders cannot find the right investors. Investors miss promising startups.

Startup Database Philippines was built to fix that. It is a community-driven platform bringing the whole ecosystem into one searchable place.

🚀 Startup Database
💰 Investors and Institutions
👷 Filipino Builders
📝 Startup Articles
💼 Jobs Board
📊 Ecosystem Reports
🏢 Service Providers

Visibility should not depend on who you already know. Every Filipino founder deserves to be findable, and every investor deserves to see the full picture of what is being built here.

The ecosystem grows stronger when we build it together.

🔗 Explore the platform: https://startupdatabase.ph
📌 Startups, get listed: https://startupdatabase.ph/submit
🤝 Partners, join us: https://bit.ly/SDBEcosystemPartner

06/08/2026

| 𝗡𝗻𝗼𝘃𝗮𝘁𝗲 𝗙𝗼𝗼𝗱 𝗣𝗿𝗼𝗱𝘂𝗰𝘁𝘀 𝗻𝗮𝗸𝗶𝗯𝗮𝗵𝗮𝗴𝗶 𝘀𝗮 𝗹𝗮𝘂𝗻𝗰𝗵𝗶𝗻𝗴 𝗻𝗴 𝗕𝗮𝘁𝗰𝗵 𝟲 𝗻𝗴 𝗦𝘁𝗲𝗽 𝗨𝗽 𝗘𝗻𝘁𝗿𝗲𝗽𝗿𝗲𝗻𝗲𝘂𝗿𝘀𝗵𝗶𝗽 𝗗𝗲𝘃𝗲𝗹𝗼𝗽𝗺𝗲𝗻𝘁 𝗣𝗿𝗼𝗴𝗿𝗮𝗺 𝗻𝗴 𝗣𝗿𝗼𝘃𝗶𝗻𝗰𝗶𝗮𝗹 𝗚𝗼𝘃𝗲𝗿𝗻𝗺𝗲𝗻𝘁 𝗼𝗳 𝗤𝘂𝗲𝘇𝗼𝗻

Bilang isa sa mga incubatee ng Southern Luzon State University Technology Business Incubator (SLSU TBI), nakibahagi ang Nnovate Food Products sa launching ng Batch 6 ng STEP-UP Entrepreneurship Development Program ng Pamahalaang Panlalawigan ng Quezon. Ang programang ito ay naglalayong higit pang palakasin ang kakayahan ng mga MSMEs sa pamamagitan ng mentoring, coaching, at iba pang oportunidad para sa paglago ng kanilang mga negosyo.

𝗦𝘂𝗽𝗼𝗿𝘁𝗮𝗵𝗮𝗻 𝗼 𝗶-𝗰𝗼𝗻𝘁𝗮𝗰𝘁 𝗮𝗻𝗴 𝗸𝗮𝗻𝗶𝗹𝗮𝗻𝗴 𝗲𝗻𝘁𝗲𝗿𝗽𝗿𝗶𝘀𝗲:

page: https://www.facebook.com/profile.php?id=61587714504725
Numero: (+63) 906 280 2786
Email: [email protected]

SLSU TBI

27/08/2026

26/08/2026

26/08/2026

25/08/2026

24/08/2026

18/08/2026

16/08/2026

10/08/2026

09/08/2026

06/08/2026

Address

Opening Hours

Website

Alerts

Shortcuts

Share

Category

Listing takedown request

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm