28/08/2022
Alam mo ba na ang laki ng isang GOLDFISH ay nakabase sa kung ano yung kanyang environment o paligid?
Pansinin mo yung mga goldfish na nasa fishbowl, nananatiling maliit
Pero alam mo ba na may mga goldfish na nasa lawa na kayang lumaki ng sobrang laki at sobrang bigat?
Kagaya rin sa ating mga tao. Sumasang-ayon ka ba na kung ano yung ENVIRONMENT o paligid natin, yun ang umaapekto kung gaano natin kaliit o kalaki nakikita ang ating sarili at ang ating tunay na potensyal?
Tingnan mong maige yung kung anong pumapaligid sa iyo. Kung puro mga negative, walang pangarap, panay reklamo, sisi sa ibang tao at sa sitwasyon, mapanghusga, puro pagdududa, takot, at mga talunan ang nasa paligid mo, sa ayaw mo at sa gusto mananatili ka tulad ng isang goldfish na buong buhay nya hanggang mamatay, nalimitahan sa kanyang potensyal na lumaki.
Kailangan dumating ka sa punto na tanungin mo sarili mo, "Sa mga taong nakakasalamuha ko, sa mga taong lagi kong kasama, mga pinapakinggan at sinusundan/sinusunod ko, matutulungan ba ko nitong lumago at lumaki na maabot ang totoo kong potensyal?"
"Mananatili na lang ba ako lagi sa fishbowl ng comfort zone ko? Sa fishbowl ng kung anong opinyon yung kailangan kong panigan para matanggap ako ng mga taong nasa paligid ko?"
Kung hindi ka papayag na mangyari sa iyo ito, oras na para piliin na lumabas sa fishbowl mo at lumabas sa comfort zone mo. Piliin mong samahan at pakinggan yung mga taong tutulong sa yo na ilabas ang totoo at buong potensyal mo. Yung mga taong naniniwala sa iyo kahit hirap na hirap kang maniwala sa sarili mo.
Kung malapit mong kaibigan naglilimita sa iyo, even baka taong mahal mo kailangan mong lumayo muna lalo na kung hinihila ka lang nila palagi pababa at palayo sa pangarap mo at sa kung alam mo na tama at totoo. Totoo mahirap ito, pero mas mahirap ang mabuhay at mamatay na naghihirap.
Kung pamilya mo mismo naglilimita sa iyo kailangan mong tumayo at manindigan. Papayag ka ba na kung ang buong pamilya nyo sa matagal na panahon walang ipinagbago ang buhay at nananatiling naghihirap itutuloy mo hanggang sa ipapasa mo sa magiging anak at apo mo? Putulin mo na yung sumpa.
Wag mong limitahan ang sarili mo at wag mong hayaan na limitahan ka sa totoo at buo mong potensyal.
Papayag ka ba na manatili na lang lagi sa "fishbowl" mo👍😉
