24/08/2023
😁
'SARAP MAG-ARAL ALL THE TIME' 😭
Umani ng libu-libong reactions ang post ng isang private school tampok ang nursery student na si Jayzeus Skyler na umiiyak habang kinukuhaan ng litrato sa kanilang photo booth.
Ayon sa kanyang adviser na si Nelfa P. Gatao, ang naturang litrato ay kuha ng kanyang student assistant na si Sophia Arceo habang inaayos niya ang pila para dito.
"Before po ng picture taking, umiiyak na po talaga siya kasi gusto na niya lumabas or umuwi kaya lang hindi pa kasi kami tapos nun. Marami pa kami ginagawa. Hindi ko po mapatahan so hinayaan ko nalang kasi tahimik naman iyak niya sa loob ng klase pero kahit umiiyak siya sumusunod pa rin naman siya sa mga instructions po at nakapila ng maayos para sa picture taking kahit lumuluha sya," kuwento ni Nelfa sa PSND.
"Naawa po kami sa kanya the same time na ku-cute-tan kami kasi pogi pa din kahit umiiyak at sumusunod pa din sya sa pinagagawa sa kanya kahit umiyak siya. After po ng picture taking umiiyak pa din siya pero uwian naman na kaya binigay ko na siya sa mommy niya," wika pa niya.
Ibinahagi rin ni Nelfa na sa tuwing may estudyante siyang umiiyak ay binibigyan niya ang mga ito ng educational toys.
"Most of the time binibigyan ko po ng educational toys, minsan naman pinapanood ko ng videos ng sayaw at kantang mga pambata then gagayahin nila," saad niya.
(Facebook/COLM Elementary Department)
