16/02/2026
= Pagkaing Espirituwal -
16 February 2026
Devotion:
Colossians 3:13.
“Magpaumanhinan kayo at magpatawaran kung ang sinuman ay may hinanakit sa isa't-isa . Kung paanong pinatawad kayo ng Panginoon, gayundin naman ang gawin ninyo.”
Lahat tayo ay hindi perpekto. Lahat nagkakamali. Lahat may kahinaan. (Hebreo 4:15)
Pero ang tunay na sukatan ng pagiging Kristiyano ay hindi kung wala kang pagkakamali—
kundi kung marunong kang umunawa at magpatawad.
Ang pagpapatawad ay hindi dahil deserve ng tao.
Nagpapatawad tayo dahil pinatawad tayo ni Cristo.
Kung paanong Ang ating Panginoong Jesu-Cristo ay hindi naghintay na maging perpekto tayo bago Niya tayo patawarin,
ganon din ang tawag Niya sa atin—
magpatawad kahit masakit,
umunawa kahit mahirap.
🔥 Katotohanan:
Ang pagpapatawad ang nagbabalik ng kapayapaan.
Ang pusong marunong umunawa ay pusong hinuhubog ng Espiritu.
Ang pagpapaumanhin ay hindi nangangahulugang nakakalimot tayo sa nangyari o sinusuko ang ating dignidad; ito ay isang aksyon ng pagmamahal at pagtulad kay Cristo, na nagpakita ng lubos na awa sa atin.
Reflection:
Sino ang dapat kong patawarin ngayon, kahit mahirap sa aking damdamin?
Paano ko maipapakita ang tunay na pagkakaunawaan at pagmamahal sa pamamagitan ng pagpapaumanhin?
Kapag pinili nating magpatawad at magpaumanhin, hindi lamang natin pinapabuti ang relasyon, kundi pinapalaya rin natin ang ating puso mula sa sama ng loob at hinayaan ang kapayapaan ng Diyos na mamuhay sa atin.
Salamat sa Diyos sa mga mananampalataya na nakikita sa kanila Ang pusong punong-puno ng pagpapatawad at pang-uunawa.
Purihin Ang Diyos!
Pinagpalang Araw po sa ating lahat mga Kapatid.😊