17/01/2026
ANO NGA BA ANG CYBER LIBEL?
Ang cyberlibel ay isang krimen na pinaparusahan sa ilalim ng Republic Act No. 10175 o “Cybercrime Prevention Act of 2012.”
Kapareho ito ng krimen ng libel sa ilalim ng Article 355 ng Revised Penal Code dahil ang depinisyon ng cyberlibel ay hinango rin sa depinisyong ng libel sa Revised Penal Code bukod sa ilang aspeto.
Katulad ng karaniwang libel, mayroong cyberlibel kapag naglathala ang sinuman ng malisyosong pagbibintang ng krimen, depekto, bisyo, anumang aksyon o kawalan nito, kondisyon, o kalagayan, na nagdudulot ng pagkasira ng puri o pagkapahiya ng isang tao o korporasyon. Ang pinagkaiba lang ng cyberlibel ay mas malubha ang parusa nito dahil sa paggamit ng information and communication technology (katulad ng internet) sa paglalathala. Mas mahirap kasing mahuli ang naglathala sa mga kaso ng cyberlibel kaya mas matinding parusa ang itinakda ng batas para rito.
Kung ang libel ay pinarurusahan ng pagkakakulong mula anim na buwan at isang araw hanggang apat na taon at dalawang buwan, ang cyberlibel naman ay pinaparusahan ng pagkakakulong mula anim na taon at isang araw hanggang sampung taon.
May pinagkaiba rin ang libel at cyberlibel sa isyu ng kung saan maaring isampa ang kaso. Sa libel, maaring isampa ang kaso sa lugar kung saan nakatira ang nagrereklamo o sa lugar kung saan unang inilathala ang malisyosong artikulo. Sa cyberlibel naman, wala nang pagpipilian dahil limitado lamang ang pagsasampa ng kaso sa lugar kung saan nakatira ang complainant.
Nais ko lang ipaalala na katulad din ng libel, hindi rin sapat na depensa sa cyberlibel na totoo ang iyong isinulat. Basta’t mapatunayan na malisyoso ito at nagdudulot ng pagkasira ng puri o pagkapahiya ng isang tao ay makukulong ka pa rin.
Credits: Atty. Aeron Aldrich B. Halos
KAYA TAYO PO AY MAG INGAT SA LAHAT NG ATING AKSYON.
LAHAT NG BAGAY NA NAKAKA APEKTO SA ATING KARAPATANG PANTAO AY MAGANDANG IPAUBAYA NA LAMANG SA LEGAL NA PAMAMARAAN. MAGING MAPANURI SA MGA PANINIRA, MALISYOSONG BALITA AT PAG AAKUSA. MAS PILIING MANAHIMIK AT MAGKAROON NG PAG IISIP PARA SA HAKBANG NA DADAANIN SA LEGAL NA BATAYAN!✊
!
