26/05/2025
BIR Press Release
May 21, 2025
MAS PINADALI NA ANG REQUIREMENTS NG VAT REFUND
“The BIR, together with the government's legislative and executive branch, is committed to improving and simplifying the necessary documentation and processing requirements for future VAT and other tax refund claims to better serve the taxpaying public,” –Commissioner Romeo D. Lumagui Jr.
Kasabay ng mga pagpapatupad ng mga reporma sa VAT (Value Added Tax) Refund na dulot ng Republic Act (RA) No. 12066 o ang CREATE MORE Act, ay ating inilathala ang Revenue Memorandum Circular No. 37-2025 noong April 10, 2025 para maging mas madali at klaro ang mga documentary requirements para sa mga VAT refund claims sa na saklaw ng Section 112 ng ating National Internal Revenue Code (NIRC) of 1997.
Ilan sa mga pagbabago ng documentary requirements para sa VAT refund claims (mula sa kahit anong taxable period) ay ang pagpasa ng mga certified copies ng invoice o resibo ng sales and purchases sa halip ng original copies nito. Dapat certified ang mga ito ng lehitimo at authorized na opisyal o empleyado ng corporate claimant, partnership, o sole proprietorship.
Inalis rin ang mga sumusunod na documentary requirements:
Patunay ng registration sa Securities and Exchange Commission (SEC) o Department of Trade and Industry (DTI)
Kopya ng Import Entry and Internal Revenue Declarations (IEIRD)/Informal Import Declaration and Entry (IIDE) o Single Administrative Document (SAD)
Para sa mga claims mula sa taxable period ng April 1, 2025 o sumailalim na sa bisa ng RA No. 12066, ang BIR office na may sakop sa VAT refund claims ng exporters ang siyang magtityak sa export sales ng taxpayer-claimant alinsunod sa Export Marketing Bureau (EMB) ng DTI. Ito ay para maiwasan ang pagdoble ng trabaho sa pagitan ng mga ahensya ng gobyerno. Ang mga dokumentong nagpapatunay ng export of goods o services ay hindi na kabilang sa documentary requirements dahil ito ay diretso na sa EMB para kanilang pagsisiyasat at pagisyu ng certificate.
Ang sale of goods and service na sakop ng Sections 106(A)(2)(a)(2), 106(A)(2)(a)(5) at 108(B)(1) ng NIRC ay ibinalik na sa 0% sa bisa ng CREATE MORE Act mula sa 12% VAT na mula sa TRAIN Law. Dahil dito ay maaari nang mag-avail ng VAT refund ang mga qualified na taxpayers.
Basahin ang Press Release:https://bir-cdn.bir.gov.ph/BIR/pdf/PR20MAY2125.pdf
