11/06/2026
This may be inconvenient for many, but solar users will continue to enjoy free energy. No more worries about brownouts!
APAT KA MALAWIG NGA POWER INTERRUPTION SA ROXAS CITY, GINALAUMAN BANGUD SA GRID IMPROVEMENT PROJECT SUNO SA CAPELCO
Roxas City — Ginalauman ang apat ka malawig nga scheduled power interruptions sa syudad sang Roxas sa mga masunod nga bulan bangud sa pagahimuon nga installation sang 2x5 MVAR Capacitor Bank sa Lawaan Substation.
Suno sa National Grid Corporation of the Philippines (NGCP) kag Capiz Electric Cooperative (CAPELCO), ang proyekto ang kabahin sang pagpaayo sang power system agudto mas mangin mabakud kag masaligan ang suplay sang kuryente sa lugar.
Sa isa ka press conference nga ginpangunahan ni CAPELCO General Manager Engr. Edgar Diaz, ginpaguwa ang iskedyul sang mga planado nga power interruption:
Hunyo 13, 2026 — 5:00 AM hasta las 12:00 udto
Hulyo 5, 2026 — 5:00 AM hasta las 12:00 udto
Agosto 15, 2026 — 5:00 AM hasta las 5:00 hapon
Setyembre 12, 2026 — 5:00 AM hasta las 12:00 udto
Suno kay Diaz, kinahanglan ang nasambit nga shutdown agudto mahimo ang importante nga tikang sa proyekto, kalakip ang pag-install sang steel structures, relay room, pagsaylo sang transmission connections, kag final energization sang sistema.
Gin-athag naman sang CAPELCO nga indi maapektuhan sang mga nakatalana nga power interruptions ang pila ka mga barangay kaparehos sang Loctugan, Adlawan, Liong, Bago, Olotayan, Cabugao, Jumaguicjic, Lonoy, kag San Jose.
Naghinyo man ang CAPELCO sang paghangup kag kooperasyon sang mga konsyumer, kag nagpahayag temporaryo lamang ang mga power interruption kag ginalauman magaresulta ini sa mas maayo kag mas mabakod nga serbisyo sang kuryente sa palaabuton.
