28/09/2026
September 28, 2026
โSTRONGER TOGETHER, for a rabies-free communityโ
Bilang pag-gunita sa World Rabies Day, ang San Marcelino District Hospital-Animal Bite Treatment Center ay nagsagawa ng maikling programa tungkol sa Rabies.
Tinalakay sa programa ang kahalagahan ng Responsible Pet Ownership, ang kahalagahan ng agarang pagbabakuna at kung paano maiiwasan ang Rabies. Itinuro din dito kung ano ang mga dapat at hindi dapat gawin sa tuwing makakagat o makakalmot ng mga hayop. Kasama din sa programa ang pagtalakay sa mga tama o wastong pag-aalaga sa mga sugat na sanhi ng pagkakagat ng mga hayop.
Ano ang Rabies?
Ang rabies ay isang nakamamatay na viral infection na nakukuha mula sa mga hayop na mayroong rabies virus. Nakakamatay ito para sa mga hayop at sa mga tao.
Paano nakukuha ang Rabies?
โข Nakukuha ang rabies mula sa laway ng infected na hayop. Karaniwang naipapasa ito kapag kinagat ng infected na hayop ang isang tao.
โข Naisasalin din ito sa tao mula sa pagdila o kalmot ng hayop.
โข Kapag nakagat ng hayop na may rabies, kakalat ang virus sa nervous system. Nakakamatay at wala nang lunas sa rabies kapag kumalat na ang virus, lalo na kapag nagpakita na ng sintomas ang biktima.
Ano ang mga Sintomas ng Rabis sa Tao
โข Pananakit ng ulo at lagnat
โข Pananakit at pamamanhid sa parte ng sugat
โข Pamamanhid ng kalamnan
โข Pagkatakot sa tubig at hangin Ano ang mga Senyales na may Rabis ang Hayop
โข Pagiging agresibo
โข Matinding paglalaway
โข Takot sa tubig at Liwanag
โข Hindi mapakali o balisa
โข Pagkaparalisa ng isa o higit pang paa ng hayop
โข Ang pagkain ng lupa o anumang bagay na walng nutrisyon. Ano ang mga Dapat gawin kapag nakagat o nakalmot ng Hayop?
โข Kapag nakagat ng aso o pusa, agad na gamutin at linisin ang sugat.
โข Agad hugasan ang sugat sa dumadaloy na malinis na tubig at sabonan sa loob ng 10 hanggang 15 minutos. Huwag itong paduguin o piliting paduguin.
โข Maaring pahiran ng alcohol o betadine ang sugat na nakagat. Huwag papahiran ng ointment o cream ang sugat.
โข Huwag tatakpan ang sugat kapag hindi naman ito madugo.
โข Agad magtungo sa pinakamalapit na animal bite center.
Ano ang dapat gawin sa Hayop na nakakagat ng Tao?
โข Obserbahan ang aso sa loob ng 10 hanggang 14 na araw matapos itong makakagat. Ipagbigay-alam agad sa kinauukulan (doktor o veterinarian ) kung makita ang mga sumusunod na senyales: โ Agresibo โ Matinding paglalaway โ Nangangagat ng mga gumagalaw o hindi gumagalaw na bagay โ Hindi umiinom o kumakain โ Pagkamatay ng aso sa loob ng 14 na araw
โข Kapag hindi maaaring obserbahan ang aso (nakatira sa lansangan), ipagbigay alam agad sa doktor o city veterinarian ng lungsod.
โข Kapag walang kakayanan na obserbahan ang alagang aso sa loob ng nakasaad na observation period, humingi na ng tulong sa pinakamalapit na Veterinary Office sa inyong lugar.
Ano ang mga Responsibilidad ng mga Nag-aalaga ng Aso at Pusa?
โข Maging responsableng pet owner. Pabakunahan ang inyong alagang aso o pusa kontra rabies. Siguraduhin din na taon-taong bakunado laban sa rabies ang inyong mga alaga.
โข Siguruhing nasa loob lamang ng ating tahanan o sariling bakuran ang ating mga alagang hayop. Kapag ilalabas para maglakad, gumamit ng leash o harness.
โข Alagaan nang mabuti ang inyong aso o pusa, bigyan ng malinis na makakain at maiinom. Siguraduhin din na malinis ang kanilang kulungan o tulugan.
โข Kapag nakakagat ng tao ang alagang hayop siguraduhing obserbahan ito sa loob ng 14 na araw, huwag sasaktan o papatayin ang alaga.
โข Kapag namatay ang alaga, ipa-examine ang ulo neto para makasiguro kung anu ang sanhi ng pagkamatay.
Saan maaring magpunta kapag nakagat ng Hayop?
Ang San Marcelino District Hospital- Animal Bite Treatment Center ay DOH Certified at PHIC Accredited Center, Bukas ito mula Lunes hanggang Biyernes 8:00 am -5:00pm. Libre ang gamot para sa mga PhilHealth Member na Category 3 cases. (Mga Kinagat mula leeg hanggang Ulo, kinagat sa daliri ng kamay at paa, kinagat sa ari, mga may malalaki at madudugong sugat)
---
Sulong Kalusugan!
Tatak SMDH: Serbisyong may Malasakit, Dedikasyon at Husay.
