SMDH Animal Bite Treatment Center

13/05/2026

𝐁𝐚𝐥𝐢𝐤-𝐄𝐬𝐤𝐰𝐞𝐥𝐚 𝐑𝐞𝐚𝐝𝐲, 𝐝𝐚𝐡𝐢𝐥 𝐚𝐤𝐨 𝐚𝐲 𝐇𝐞𝐚𝐥𝐭𝐡𝐲!

Handa na ba ang inyong anak sa panibagong school year?

Bago tumunog ang kampana at magbukas ang mga aklat, tiyakin natin na nasa pinakamagandang kalusugan ang mga mag-aaral .

Ang San Marcelino District Hospital, Department of Pediatrics, ay inaanyayahan ang lahat ng magulang at mga batang edad 6 hanggang 12 taong gulang na sumali sa aming Get-Ready-to-School LIBRE na Health Screening Program na idinisenyo upang masiguro na ang bawat estudyante ay malusog, malakas, at handang matuto.

Nagsasagawa kami ng mga sesyon upang ihanda ang mga bata bago magsimula ang pasukan.

Sa darating na 8 ng Umaga ng Mayo 20, 25 at 27, 2026, magbibigay kami ng mga maha-halagang health screenings upang matukoy ang mga posibleng problema bago ito makaapekto sa pag-aaral ng inyong anak

• 𝐏𝐮𝐥𝐦𝐨𝐧𝐚𝐫𝐲 𝐓𝐮𝐛𝐞𝐫𝐜𝐮𝐥𝐨𝐬𝐢𝐬 𝐒𝐜𝐫𝐞𝐞𝐧𝐢𝐧𝐠: Libreng Chest X-ray at gamot.
• 𝐀𝐧𝐞𝐦𝐢𝐚 𝐂𝐡𝐞𝐜𝐤: Libreng Complete Blood Count at Blood typing
• 𝐃𝐞𝐰𝐨𝐫𝐦𝐢𝐧𝐠 𝐏𝐫𝐨𝐠𝐫𝐚𝐦: Libreng gamot kontra bulate
• 𝐃𝐞𝐧𝐭𝐚𝐥 𝐂𝐡𝐞𝐜𝐤 𝐮𝐩 𝐚𝐧𝐝 𝐅𝐥𝐮𝐨𝐫𝐢𝐝𝐞 𝐀𝐩𝐩𝐥𝐢𝐜𝐚𝐭𝐢𝐨𝐧

Mga dapat dalhin at tandaan:
✅𝐏𝐫𝐞𝐬𝐞𝐧𝐬𝐲𝐚 𝐧𝐠 𝐌𝐚𝐠𝐮𝐥𝐚𝐧𝐠:Dapat may kasama ang inyong anak na magulang o legal na tagapanggala
✅𝐌𝐠𝐚 𝐃𝐨𝐤𝐮𝐦𝐞𝐧𝐭𝐨 𝐧𝐠 𝐦𝐚𝐠𝐮𝐥𝐚𝐧𝐠: Mangyaring dalhin ang inyong Philhealth ID o Member Data Record para sa pagrerehistro sa hospital information system & records.
✅𝐁𝐢𝐫𝐭𝐡 𝐂𝐞𝐫𝐭𝐢𝐟𝐢𝐜𝐚𝐭𝐞:Mangyaring dalhin ang orihinal o kopya ng birth certificate ng inyong anak

“Ang batang malusog ngayon, handa bukas!”

Maraming salamat sa pamamahala ng ating Gobernador Hermogenes E. Ebdane Jr. at sa Pamahalaang Panlalawigan sa pagbigay ng suporta sa Serbisyong Pangkalusugan.

---
Sulong Kalusugan!
Tatak SMDH: Serbisyong may Malasakit, Dedikasyon at Husay.

29/04/2026

PATULI NA KAYO

𝗔𝗕𝗜𝗦𝗢: 𝗢𝗣𝗘𝗥𝗔𝗧𝗜𝗢𝗡 𝗧𝗨𝗟𝗜 𝟮𝟬𝟮𝟲!✂️

Mga matiponong Binatilyo !
Panahon na naman ng pagiging responsabling “pagbibinata."

Hatid ng San Marcelino District Hospital (SMDH) ang libreng Operation Tuli para sa ating mga kabataan. Bilang inyong YAKAP Provider, narito kami upang alalayan kayo sa proseso at registration!

🗓️𝗞𝗔𝗜𝗟𝗔𝗡 𝗔𝗧 𝗦𝗔𝗔𝗡?
𝗣𝗲𝘁𝘀𝗮: May 8, 2026 simula 6:00am
𝗟𝘂𝗴𝗮𝗿: 2nd Floor, Dietary Bldg., San Marcelino District Hospital

📋 𝗠𝗚𝗔 𝗣𝗔𝗔𝗟𝗔𝗟𝗔 𝗣𝗔𝗥𝗔 𝗦𝗔 𝗪𝗔𝗟𝗞-𝗜𝗡 𝗦𝗖𝗥𝗘𝗘𝗡𝗜𝗡𝗚:
Upang maging maayos ang inyong pagpunta, siguraduhing dala o nagawa ang mga sumusunod:
✅ Dapat ay 10 taong gulang pataas at nasa mabuting kalusugan.
✅ Siguraduhing kumain ng full breakfast bago pumunta.
✅ Dapat may kasamang magulang (mas maigi kung ang tatay), lolo , o legal guardian na lalaki
✅ Magdala ng sariling reusable tumbler para sa tubig na inumin.
✅ Magdala ng valid ID card o Birth Certificate para sa electronic medical records
✅ I-download at mag-register sa eGov mobile app.

🤝 𝗔𝗦𝗦𝗜𝗦𝗧𝗔𝗡𝗖𝗘 𝗠𝗨𝗟𝗔 𝗦𝗔 𝗬𝗔𝗞𝗔𝗣
Nahihirapan ba sa pag-register o may mga katanungan tungkol sa serbisyo ng ospital? Bilang inyong YAKAP Provider, handa kaming tumulong sa inyong registration sa SMDH upang masigurong mabilis at smooth ang inyong transaksyon.

𝗣𝗔𝗔𝗟𝗔𝗟𝗔: "First Come, First Served" po tayo. Limitado lamang sa unang 150 patients ang maseserbisyuhan, kaya agahan ang pagpunta!

Para sa mga katanungan, maaari kayong mag-message sa FB page: https://www.facebook.com/smdhopdsurgery

---
Sulong Kalusugan!
"Tatak SMDH: Serbisyong may Malasakit, Dedikasyon at Husay"

20/04/2026

SNAKE SEASON ALERT: SNAKES MORE LIKELY TO APPEAR AS EXTREME HEAT TRIGGERS MOVEMENT AND BREEDING SEASON.

Dahil sa tindi ng init ng panahon na nararamdaman sa ngayon maaring maglabasan ang mga ahas sa kanilang mga pinamumugaran kaya pinapayuhan ang lahat na mag-ingat at siguraduhing malinis ang kapaligiran para masigurong walang ahas na namamahay sa ating paligid.

Ang San Marcelino District Hospital ay nakahanda sakaling kayo ay matuklaw ng makamandag na ahas tulad ng Philippine Cobra. Sapat ang gamot na paunang lunas dito na Purified Cobra Anti-Venom, at bukas ang tanggapan 24/7 para magbigay lunas.

Narito ang mga payo para sa kaligtasan at tamang tugon kung sakaling matuklaw ng makamandag na ahas tulad ng Philippine cobra.

Pangkalahatang Paalala
1. Panatilihing malinis at maayos ang kapaligiran upang hindi maging tirahan ng mga ahas.
2. Mag-ingat lalo na sa mga lugar na mainit, madilim, at madaming puno o damo.

Mga HINDI dapat gawin kung makagat o matuklaw ng ahas (DONTs)
1. Huwag papagurin ang pasyente.
2. Huwag gumamit ng tourniquet o panali.
3. Huwag ilagay ng yelo sa mga pasa o sugat ng pagtuklaw.
4. Huwag butasin (puncture),pisilin, o kuskusin ang tinuklaw na bahagi.
5. Huwag sipsipin ang la*on mula sa bukas na sugat ng pasyente.
6. Huwag magbibigay ng gamot na hindi inireseta ng doktor.
7. Huwag iangat ang sugat sa antas na kapareho o mas mataas kaysa sa dibdib/puso.

Mga dapat gawin kung makagat o matuklaw ng ahas (DOs)
1. Huwag mag-panic. Panatilihing kalmado ang sarili upang mabawasan ang sirkulasyon ng kamandag sa dugo.
2. I-immobilize ang apektadong bahagi. Iposisyon ang apektadong bahagi sa mas mababang posisyon kung maaari, at manatiling hindi gumagalaw. Maaaring maglagay ng banayad na bandage sa paligid ng apektadong bahagi, ngunit huwag itong higpitan.
3. Tanggalin ang masisikip na gamit. Alisin ang singsing, relo, o masisikip na damit na maaaring mamaga ang apektadong lugar.
4. Iwasan ang sugat na sipsip o paghiwa. Huwag sipsipin ang kamandag o hiwain ang sugat dahil lalo lang nitong pinapalala ang kondisyon.
5. Agad na dalhin sa ospital. Hanapin ang pinakamalapit na pasilidad pangkalusugan para sa wastong lunas at mga gamot na anti-venom kung kinakailangan.

10/04/2026

NATIONAL HUG YOUR DOG DAY.🤗🤗🤗

SABI NILA " DOGS ARE MANS BEST FRIEND"
AND COMING HOME TO OUR FURBABIES IS THE BEST PART OF OUR DAY.🐶🐶

Ang pinakaepektibong paraan upang makaiwas sa Rabies ang iyong a*o ay ang regular na pagbabakuna at responsableng pag-aalaga . Siguruhing sila ay may sapat na pagkain at tamang nutrisyon, may malinis at maayos na tirahan.




-AnimalBiteTreatmentCenter

09/04/2026

Malugod na tinanggap ng San Marcelino District Hospital mula sa pamumuno ni Dr. Cresencio T. Gonzales, Jr., Chief of Hospital II, ang mga Doctors at Nurses mula sa mga probinsya ng Pampanga, Bataan at Zambales upang sumailalim sa tatlong araw na practicum sa Exposure on Animal Bite Management sa ilalim ng patnubay at gabay ng Animal Bite Treatment Center Coordinator na si Nurse Mark Anthony Malixi. Ito ay ginanap mula April 6, 2026 hanggang April 9, 2026, ito ay isinasagawa upang masiguro ng Kagawaran Ng Kalusugan na ang bawat ABTC/ABC ay sumusunod sa patakaran at alituntunin sa tamang panggagamot ng mga pasyenteng nakakagat o nakakalmot ng mga hayop.

01/04/2026

PABATID❗️❗️❗️
Mananatiling bukas ang San Marcelino District Hospital-Animal Bite Treatment Center para magbigay serbisyo sa mga pasyenteng nakagat o nakalmot ng hayop ngayong MAHAL NA ARAW ( Maundy Thursday at Good Friday). Magbubukas ang ABTC simula 6:00 ng umaga hanggang 2:00 ng hapon. Dumiretso sa TRIAGE area para manguha ng form at ibigay sa ABTC encoder. Sa mga may schedule ng follow up (Day 3 at Day 7) maari kayong magpunta simula 10:00 ng umaga. Maraming Salamat po!

25/03/2026

23/03/2026

SIGURADUHING MAGPABAKUNA KAPAG NAKAGAT O NAKALMOT NG ASO/PUSA..

23/03/2026