Municipality of San Teodoro-BPLO

24/08/2026

AVAILABLE NA ULIT ANG DICT FREE WI-FI FOR ALL SA MUNICIPAL COMPOUND NG SAN TEODORO

Noong August 12, 2026, nagsagawa ng courtesy call sa Municipal Government of San Teodoro si Sir Lan Karlo Faina, Procurement Management Officer I at Free WiFi for All Provincial Focal ng DICT, kasabay ng Acceptance Testing para sa Free Wi-Fi for All Site sa Barangay Caagutayan.

Ngayong August 24, 2026, isinagawa naman ang Acceptance Testing sa Municipal Compound ng San Teodoro, bilang bahagi ng pagpapatuloy ng programa upang mapalawak ang access sa libreng internet connectivity sa komunidad.

Sa courtesy call, napag-usapan ang kahalagahan ng pagkakaroon ng maaasahan at libreng internet connection sa lugar, na makatutulong sa mga residente at sa mga gumagamit ng serbisyo ng munisipyo.

Maraming salamat sa DICT sa patuloy na suporta at serbisyong naglalapit ng teknolohiya at konektibidad sa ating mga Teodorean.

20/08/2026

Maligayang Kaarawan, Leo! 🎂

Pagbati sa isang masipag, responsable at maaasahang ka-opisina.
Maraming salamat sa iyong dedikasyon at pagiging laging handang tumulong sa bawat gawain at responsibilidad.
Nawa’y patuloy kang pagpalain ng mabuting kalusugan, tagumpay at mas marami pang magagandang pagkakataon.

Maligayang Kaarawan at maraming pagpapala!

20/08/2026

Para sa mga Registered BANCA Owners na wala pang naipapasang Police Clearance:

Magandang araw po.

Ipinapaalam po sa lahat na makakakuha na muli ng Police Clearance sa MPS San Teodoro.

Kaugnay nito, hinihikayat ang lahat ng nasa listahan na mag-asikaso at magsumite na ng kanilang Police Clearance sa Licensing Office upang makumpleto ang kanilang mga requirements.

Paalala rin po na maaaring hindi maisama ang mga hindi kumpleto ang requirements kung sakaling magkaroon ng ayuda o anumang programa na mangangailangan ng listahan ng mga kwalipikadong benepisyaryo.
Maaari ring hindi ma-renew ang inyong permit sa susunod na taon.

Kaya huwag na pong ipagpaliban. Mag-asikaso na po ng inyong Police Clearance at kumpletuhin ang inyong requirements.

Maraming salamat po sa inyong kooperasyon.

20/08/2026

📢 NAGBABALIK NA ANG POLICE CLEARANCE!

Para sa lahat ng Tricycle Franchise Holders:

Makakakuha na muli ng Police Clearance sa MPS San Teodoro.

Narito po ang listahan ng mga wala pang naipapasang Police Clearance.
Alalahanin po ang naging usapan: ang mga nakarehistro ay binigyan lamang ng due date para makapagpasa ng Police Clearance.
Paalala rin po na ang hindi kumpleto ang requirements ay maaaring hindi maisama sa listahan ng mga benepisyaryo ng ayuda at iba pang programa, at maaari ring hindi ma-renew ang rehistro sa susunod na taon.

Kaya mag-asikaso na po at kumpletuhin ang inyong requirements.

18/08/2026

PUBLIC ADVISORY

Dahil sa kasalukuyang lagay ng panahon, ang LGU San Teodoro ay magkakaroon lamang ng office hours hanggang 12:00 NOON ngayong araw.

🕛 OFFICE HOURS: UNTIL 12:00 NOON ONLY

Ang hakbang na ito ay bilang pag-iingat at pagtiyak sa kaligtasan ng ating mga kawani at mamamayan.

Gayunpaman, mananatiling nakaantabay ang mga tanggapan at personnel na nakatalaga sa emergency response, kalusugan, disaster preparedness, at iba pang mahahalagang serbisyo.

Pinapayuhan ang lahat na maging maingat at manatiling nakatutok sa mga opisyal na anunsyo ng LGU San Teodoro para sa mga susunod na update.

Kaligtasan ng bawat Teodorean ang pangunahing prayoridad.

12/08/2026

11/08/2026

Congratulations, Nutripage Food Products Trading! 🎉

Ipinagmamalaki ng Business Permit and Licensing Division ang Nutripage Food Products Trading sa pagkakabilang sa Top 10 Winners ng BPI Foundation SINAG Beyond 2026.

Isang inspirasyon ang inyong tagumpay para sa mga lokal na negosyante ng San Teodoro. Patuloy nating suportahan ang ating mga MSMEs at lokal na produkto! 💗

𝗖𝗢𝗡𝗚𝗥𝗔𝗧𝗨𝗟𝗔𝗧𝗜𝗢𝗡𝗦, Nutripage Food Products Trading!

Taos-puso kong binabati si Ms. Jeriza Kristine D. Page at ang Nutripage Food Products Trading, sa pagiging kabilang sa Top 10 Winners ng BPI Foundation SINAG Beyond, na ginanap noong August 3–6, 2026.

Isang malaking karangalan para sa ating bayan na makita ang isang Teodorean na kinikilala hindi lamang dahil sa husay sa pagnenegosyo, kundi dahil ginagamit din ang kanyang negosyo upang magbukas ng oportunidad at makatulong sa ating mga katutubong komunidad sa Oriental Mindoro.

Ang tagumpay na ito ay patunay na ang isang negosyo ay maaaring maging higit pa sa pagkakakitaan, maaari itong maging daan upang mapalago ang ating mga lokal na produkto, masuportahan ang ating mga magsasaka at katutubong komunidad, at makalikha ng mas maraming oportunidad para sa ating mga kababayan.

Jeriza, ipinagmamalaki natin ang iyong sipag, malasakit, at vision na umunlad habang may kasamang ibang umaangat.

Para naman sa mga gustong tikman ang kanilang healthy snacks at products, matatagpuan ang store ng Nutripage Food Products Trading sa E and B Farm, Barangay Ilag, San Teodoro. Suportahan natin ang ating mga lokal na produkto at negosyo.

Congratulations! Nawa'y maging inspirasyon ang iyong tagumpay sa marami pang Teodorean entrepreneurs na may pangarap at pusong maglingkod sa komunidad. 🌱🩷

11/08/2026

LIGTAS TIGDAS LAUNCHING ACTIVITY: MRSIA | August 10, 2026

Isang mahalagang hakbang para sa mas ligtas at malusog na San Teodoro! 💉

Patuloy na nakikiisa ang Business Permit and Licensing Division (BPLD) sa mga programa ng Pamahalaang Bayan ng San Teodoro sa pamamagitan ng pagtulong sa mga mamamayan ng Barangay Tacligan sa pagpaparehistro at paggawa ng kanilang eGovPH App account.

Sa pamamagitan nito, mas napapalapit ang mga serbisyong digital sa ating mga kababayan at mas napapadali ang kanilang access sa mga serbisyong pampamahalaan.

Maraming salamat sa Barangay Tacligan sa inyong pakikiisa at pagtitiwala. Patuloy ang BPLD sa paghahatid ng serbisyong mabilis, maayos at abot-kamay para sa bawat Teodorean.

Serbisyong lumalapit, serbisyong nag-uugnay, para sa mas maunlad na San Teodoro.